នគរបាលចរាចរណ៍មមាញឹកខ្លាំង ព្រោះភ្ញៀវទេសចរសម្រុកមកលេងច្រើន (មានវីដេអូ)
- កំពត
ខេត្តកំពត ៖ ចាប់ពីថ្ងៃទី១៣ រហូតមកដល់ថ្ងៃទី១៥ ខែឧសភា ឆ្នាំ ២០១៨ ជាព្រះរាជពិធីបុណ្យចំរើនព្រះជន្ម ព្រះមហាក្សត្រ បរមនាថ…
ខេត្តកំពត ៖ ចាប់ពីថ្ងៃទី១៣ រហូតមកដល់ថ្ងៃទី១៥ ខែឧសភា ឆ្នាំ ២០១៨ ជាព្រះរាជពិធីបុណ្យចំរើនព្រះជន្ម ព្រះមហាក្សត្រ បរមនាថ…
ខេត្តកំពត ៖ ចាប់ពីថ្ងៃទី១៣ រហូតមកដល់ថ្ងៃទី១៥ ខែឧសភា ឆ្នាំ ២០១៨ ជាព្រះរាជពិធីបុណ្យចំរើនព្រះជន្ម ព្រះមហាក្សត្រ បរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា គម្រប់៦៥យាងចូល៦៦ព្រះវស្សា មានរយៈពេលបីថ្ងៃ ហើយនៅលើទឹកដីខេត្តកំពតមានភ្ញៀវទេសចរណ៍ជាតិ និងអន្តរជាតិកំពុងសម្រុកចូលមកលេងនៅតាមតំបន់រមណីយដ្ឋាននានាយ៉ាងច្រើនកុះករ ដោយមធ្យោបាយយានយន្តគ្រប់ប្រភេទជិះចូលទៅកំសាន្តតាមតំបន់រមណីយដ្ឋាននានានៅទូទាំងខេត្តយ៉ាងសប្បាយរីករាយ ។
នារយៈពេលបីថ្ងៃនៃព្រះរាជពិធីនេះ សមត្ថកិច្ចចរាចរណ៍សណ្តាប់ធ្នាប់ខេត្តមានភាពមមាញឹកក្នុងការអនុវត្តបទបញ្ជាពីលោកឧត្តមសេនីទោ ម៉ៅ ចន្ទ័មធុរិទ្ធ ស្នងការខេត្ត ចុះសម្រួលចរាចរណ៍នៅគ្រប់គោលដៅ និងច្រកផ្លូវបំបែកទៅកាន់តំបន់រមណីយដ្ឋាននានាជូនភ្ញៀវ ដើម្បីបញ្ចៀសការកកស្ទះចរាចរណ៍ផងដែរ ប៉ុន្តែទោះបីយ៉ាងណា ក៏ការកកស្ទះចរាចរណ៍នៅតែមានខ្លះៗដែរ ដោយសារអ្នកបើកបររថយន្តធំៗដឹកសម្ភារៈធ្ងន់ៗមួយចំនួនពុំគោរពនូវការសម្រួលចរាចរណ៍ ចេះតែប្រជ្រៀតចូលដូចរថយន្តតូចៗដែរ ម៉្លោះហើយអាចកកស្ទះចរាចរណ៍នៅលើផ្លូវសាធារណៈខ្លះៗ ប៉ុន្តែការកកស្ទះចរាចរណ៍ខាងលើក៏មិនបណ្តាលឲ្យខកខានពេលវេលាសំរាប់ភ្ញៀវទេសចរដែលមានបំណងធ្វើដំណើរទៅកាន់តំបន់រមណីដ្ឋាននានារយៈពេលយូរនោះទេ គឺយ៉ាងយូរបំផុតពី១៥នាទីទៅ២០នាទីប៉ុណ្ណោះ ។
លោក សយ ស៊ីណុល ប្រធានមន្ទីរទេសចរណ៍ខេត្តកំពតបានប្រាប់ កោះសន្តិភាព នៅព្រឹកថ្ងៃទី១៥ ខែឧសភា ឆ្នាំ២០១៨ នេះថា ស្ថានភាពភ្ញៀវទេសចរដែលចូលមកលេងកំសាន្តតាមតំបន់រមណីដ្ឋាននានាក្នុងទឹកដីខេត្តកំពត ចាប់ពីថ្ងៃទី១៣ រហូតមកដល់ថ្ងៃទី១៥ ឧសភា នេះ គឺមិនមានអ្វីប្រែប្រួលនោះទេ ។
លោកប្រធានមន្ទីរទេសចរណ៍បានបន្តទៀតថា រាល់ការបំរើសេវាហូបចុកនៅតាមតំបន់រមណីយដ្ឋាន ក៏ដូចសេវាភ្ញៀវសំរាកស្នាក់នៅក៏មិនមានលេចឮបាតុភាពអ្វីខុសប្រក្រតីដូចកាលពីមុនៗនោះដែរ គឺដោយសារលោក ជាវ តាយ អភិបាលនៃគណៈអភិបាលខេត្ត បានធ្វើការណែនាំក៏ដូចជាសំណូមពរដល់បងប្អូនអាជីវករលក់ដូរតាមភោជនីយដ្ឋាន រមណីយដ្ឋាន និងផ្ទះសំណាក់ កុំដំឡើងថ្លៃតាមអំពើចិត្ត ត្រូវលក់ដូរឲ្យបានសមស្រប ដើម្បីរក្សាកិត្តិយសខេត្ត ៕
ចែករំលែកព័តមាននេះ