សម្តេចតេជោ ៖ កម្មករនិយោជិតខេត្តស្វាយរៀងទទួលបានចំណូល១២០លានដុល្លារ១ឆ្នាំ
- ភ្នំពេញ
រាជធានីភ្នំពេញ ៖ ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន នាយករដ្ឋមន្ត្រី បានថ្លែងថា កម្មករ និយោជិតនៅខេត្តស្វាយរៀង…
រាជធានីភ្នំពេញ ៖ ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន នាយករដ្ឋមន្ត្រី បានថ្លែងថា កម្មករ និយោជិតនៅខេត្តស្វាយរៀង…
រាជធានីភ្នំពេញ ៖ ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន នាយករដ្ឋមន្ត្រី បានថ្លែងថា កម្មករ និយោជិតនៅខេត្តស្វាយរៀង ទទួលបានចំណូលប្រមាណ១២០លានដុល្លារក្នុង១ឆ្នាំ ដែលជាការរួមចំណែកដ៏ធំក្នុងការទ្រទ្រង់ជីវភាព និងចាក់ចូលក្នុងសេដ្ឋកិច្ចជាតិ ។
សម្តេចតេជោ បានថ្លែងបែបនេះក្នុងឱកាសជួបសំណេះសំណាលជាមួយកម្មករ និយោជិតប្រមាណ២ម៉ឺននាក់នៅតំបន់សេដ្ឋកិច្ចពិសេសក្នុងក្រុងបាវិត នាព្រឹកថ្ងៃទី១០ ឧសភា ម្សិលមិញ ។
សម្តេចតេជោ បន្តថា ទឹកប្រាក់១២០លានដុល្លារនេះ គិតត្រឹមជាមធ្យមសម្រាប់កម្មករ -កម្មការិនីម្នាក់ទទួលបានប្រាក់ឈ្នួលត្រឹម២០០ដុល្លារក្នុង១ខែប៉ុណ្ណោះ ។
ទាក់ទងនឹងបញ្ហាប្រាក់ឈ្នួលនេះ សម្តេចតេជោ ហ៊ុន សែន បានបញ្ជាក់ថា មានប្រទេសនៅក្នុងតំបន់អាស៊ីជាច្រើន កំពុងប្រកួតប្រជែងជាមួយកម្ពុជា ។ ដូច្នេះ បើការទាមទារដំឡើងប្រាក់ឈ្នួលខ្ពស់ហួសហេតុពេក ឬទាមទាររហូតដល់មានការផ្ទុះបាតុភាពផ្សេងៗ នឹងនាំឲ្យថៅកែរោងចក្រទាំងនោះទៅវិនិយោគនៅប្រទេសដទៃ ហើយនាំឲ្យកម្មករអត់ការងារធ្វើជាក់ជាមិនខាន ។
ជាមួយគ្នានេះ ភាពរីករាយក៏កើតមានផងដែរ ដោយសុខភាពក្នុងវិស័យនេះនៅតែល្អប្រសើរ ព្រោះបើតាមសម្តេចតេជោបានឲ្យដឹងថា នៅដើមឆ្នាំនេះ មានរោងចក្រ សហគ្រាសចំនួន៥០បានបើកនៅកម្ពុជា ដែលបានផ្តល់ការងារដល់កម្មករ-កម្មការិនីជិត៣ម៉ឺនកន្លែងថែមទៀត ។
យោងតាមទិន្នន័យរបស់ការិយាល័យច្រកចេញចូលតែមួយ នៃក្រសួងពាណិជ្ជកម្មបានបង្ហាញថា កម្ពុជានាំចេញទៅសហរដ្ឋអាមេរិកឆ្នាំនេះមានកំណើនខ្ពស់ ដោយមានទឹកប្រាក់ជាង៩០០លានដុល្លារអាមេរិក ។
លោកបណ្ឌិត កាំង ម៉ូនីកា អគ្គលេខាធិការរងសមាគមរោងចក្រកាត់ដេរកម្ពុជា បានឲ្យដឹងថា សុខភាពក្នុងវិស័យវាយនភ័ណ្ឌកាត់ដេរ និងស្បែកជើង មានភាពល្អប្រសើរនៅឆ្នាំនេះ ដោយរោងចក្រថ្មីៗជាច្រើនបានបង្កើតឡើង ហើយការបញ្ជាទិញពីសហរដ្ឋអាមេរិក ក៏មានកំណើនខ្ពស់ ធៀបនឹងរយៈពេលដូចគ្នាកាលពីឆ្នាំមុន ។
លោកបន្តថា ៖« ជាមួយនឹងកំណើនប្រាក់ឈ្នួលនេះ យើងរំពឹងថា ផលិតភាពការងារនឹងប្រសើរឡើងផងដែរ ប៉ុន្តែរហូតមកទល់ពេលនេះ មិនទាន់មានការសិក្សាលើករណីនេះនៅឡើយទេ » ។
យោងរបាយការណ៍ធនាគារពិភពលោក ស្ដីពីបច្ចុប្បន្នភាពសេដ្ឋកិច្ចកម្ពុជា ដែលបានចេញផ្សាយកាលពីថ្ងៃទី១០ ឧសភា ម្សិលមិញ បានបង្ហាញថា សេដ្ឋកិច្ចរបស់កម្ពុជានៅតែបន្តរក្សាភាពស្វាហាប់ ហើយត្រូវបានព្យាករទុកថា នឹងកើនល្បឿនបន្តិចរហូតដល់ទៅ៦,៩%ក្នុងឆ្នាំ២០១៨ ដោយសារតែការស្ទុះឡើងវិញក្នុងវិស័យនាំចេញវាយនភ័ណ្ឌ និងសម្លៀកបំពាក់ អមដោយការងើបឡើងរបស់វិស័យទេសចរណ៍ និងកសិកម្ម ៕
ចែករំលែកព័តមាននេះ