រាជធានីភ្នំពេញ ៖ លោកហង្ស ពុទ្ធាបានថ្លែងប្រាប់អ្នកសារព័ត៌មានកាលពីរសៀលថ្ងៃទី១០ ខែ ឧសភា ឆ្នាំ២០១៨ បន្ទាប់ពីចូលរួមសង្កេតការបោះឆ្នោតសភា នៅប្រទេសម៉ាឡេស៊ីថា មានប្រទេសចំនួន១០បានចូលរួមសង្កេតការរៀបចំបោះឆ្នោតនៅប្រទេសម៉ាឡេស៊ី ។
លោកហង្ស ពុទ្ធាសមាជិកគជប និងអ្នកនាំពាក្យបានលើកឡើងថា គជបត្រូវបានគណៈកម្មាធិការរៀបចំការបោះឆ្នោតម៉ាឡេស៊ី អញ្ជើញឲ្យទៅចូលរួមសង្កេតការកាលពីថ្ងៃទី៧ ដល់១០ខែឧសភា ។ លោកថា៖ នៅថ្ងៃទី៨ ឧសភា គណៈកម្មាធិការបោះឆ្នោតម៉ាឡេស៊ីបានបណ្តុះបណ្តាលមួយថ្ងៃពេញពីនីតិវិធីបោះឆ្នោត និងច្បាប់ ។ លោកបានថ្លែងប្រាប់អ្នកសារព័ត៌មាននៅព្រលានយន្តហោះអន្តរជាតិភ្នំពេញថា«ប្រទេស១០បានចូលរួមសង្កេតការ មានប្រទេសពីអឺរ៉ុបនិងអាស៊ីផងដែរ ។ យើងបានសង្កេតការឆ្នោត និងរាប់សន្លឹកឆ្នោតថ្ងៃទី៩ ឧសភា» ។ លោកថា គជបបានពិភាក្សាការងារជាមួយប្រធានគណៈកម្មាធិការបោះឆ្នោតម៉ាឡេស៊ី និងបានប្រាប់ពីការបោះឆ្នោតកម្ពុជាថ្ងៃទី២៩ ខែកក្កដា ២០១៨ ។
លោកបានបញ្ជាក់ថា ៖«គជបស្នើសុំឲ្យគណៈកម្មាធិការរៀបចំការបោះឆ្នោតម៉ាឡេស៊ីមកសង្កេតការបោះឆ្នោតនៅកម្ពុជា ខែកក្កដាខាងមុខ ។ ប្រធានគណៈកម្មាធិការបោះឆ្នោតម៉ាឡេស៊ីនឹងមកពិនិត្យការបោះឆ្នោតកម្ពុជា» ។ លោកហង្ស ពុទ្ធាបានលើកឡើងថា នៅប្រទេសម៉ាឡេស៊ីការចុះឈ្មោះអ្នកបោះឆ្នោតមិនមានរូបថតដូចនៅកម្ពុជាទេ ។ ពេលរាប់សន្លឹកឆ្នោត លទ្ធផលបោះឆ្នោតគណបក្សនយោបាយគ្មានសិទ្ធិចុះហត្ថលេខាលើលទ្ធផលទេ ។ គណបក្សនយោបាយមិនមែនការតវ៉ានោះទេ នៅពេលអ្នកសង្កេតកាបានសម្រេច ។ លោកថា«នៅម៉ាឡេស៊ីអ្នកបោះឆ្នោតមានអាយុ២១ឆ្នាំឡើង និងមានអាសនៈ២២២អាសនៈ» ។
លោកបានលើកឡើងថា«មិនមែនស្តង់ដាពិតប្រាកដណាមួយពីការបោះឆ្នោតនៅលើពិភពលោក ។ ប្រទេសនីមួយៗបានខិតខំស្វែងរកនីតិវិធីដើរទៅរកប្រជាធិបតេយ្យរៀងខ្លួនៗ ។ វាជាការសម្រេចចិត្តរបស់ប្រជាពលរដ្ឋប្រជាសាស្ត្រ ភូមិសាស្ត្រនៃប្រទេសនីមួយៗ» ។ លោកថា៖ នៅកម្ពុជាមានសិទ្ធិបោះឆ្នោតអាយុ១៨ឆ្នាំ ឬអាយុ២១ឆ្នាំ ទៅបោះឆ្នោត ។ លោកថាប្រធានគណៈកម្មាធិការបោះឆ្នោតម៉ាឡេស៊ីសួរលោកថា សង្កេតឃើញយ៉ាងមេចដែរ?។ លោកថាមណ្ឌលដែលលោកពិនិត្យអាចទទួលយកបាន ។ លោកថា គ្មានស្តង់តាមណាមួយស្រាប់វាស់លទ្ធិប្រជាធិបតេយ្យទេ ។ គណបក្សលោកមហាធាទទួលបានការគាំច្រើនជាងគេ លោកខន កែវមនោប្រធាននាយកដ្ឋានព័ត៌មានបានលើកឡើងថា នៅប្រទេសម៉ាឡេស៊ីមានរបត់ថ្មីបន្ទាប់ពីការបោះឆ្នោត ។ លោកថា ម៉ាឡេស៊ីមានការប្រែប្រួលដែលស្មានមិនដល់ ៕
ចែករំលែកព័តមាននេះ