មិនដែលឃើញ ឥឡូវឃើញហើយភរិយាខេមរៈ សិរីមន្ត
- ភ្នំពេញ
រាជធានីភ្នំពេញ ៖ តារាចម្រៀងលោក ខេមរៈ សិរីមន្ត បានបង្ហាញមុខភរិយារបស់ខ្លួនជាសាធារណៈហើយ បន្ទាប់ពីព្យាយាមលាក់បាំងជាច្រើនឆ្នាំ ។ លោកខេមរៈ សិរីមន្ត…
រាជធានីភ្នំពេញ ៖ តារាចម្រៀងលោក ខេមរៈ សិរីមន្ត បានបង្ហាញមុខភរិយារបស់ខ្លួនជាសាធារណៈហើយ បន្ទាប់ពីព្យាយាមលាក់បាំងជាច្រើនឆ្នាំ ។ លោកខេមរៈ សិរីមន្ត…
រាជធានីភ្នំពេញ ៖ តារាចម្រៀងលោក ខេមរៈ សិរីមន្ត បានបង្ហាញមុខភរិយារបស់ខ្លួនជាសាធារណៈហើយ បន្ទាប់ពីព្យាយាមលាក់បាំងជាច្រើនឆ្នាំ ។
លោកខេមរៈ សិរីមន្ត និងភរិយា បានបង្ហាញមុខព្រមគ្នាចូលរួមក្នុងទិវាពិភពលោកកាកបាទក្រហម-អឌ្ឍចន្ទក្រហម ៨ឧសភា លើកទី១៥៥ ដែលប្រារព្ធធ្វើឡើងនៅទីស្នាក់ការកណ្តាលរបស់កាកបាទក្រហមកម្ពុជាកាលពីថ្ងៃទី៨ ខែឧសភា ឆ្នាំ២០១៨ ។
ការបង្ហាញមុខរបស់អ្នកទាំងពីរទទួលបានការចាប់អារម្មណ៍ខ្លាំងពីប្រិយមិត្តគាំទ្រ ខណៈពេលដែលឱកាសចូលរួមនោះ គេក៏សង្កេតឃើញមានវត្តមានរបស់តារាចម្រៀងលោកព្រាប សុវត្ថិ, ឱក សុគន្ធកញ្ញា, អ្នកនាងចន ច័ន្ទលក្ខិណា និងលោកពែកមី ព្រមទាំងវត្តមានដ៏កម្ររបស់អតីតតារាសម្តែងជើងចាស់លោកចៅ ចាន់ណារី ។
ជាការកត់សម្គាល់ក្រៅអំពីការចូលរួមបរិច្ចាគទឹកប្រាក់ចំនួន១ពាន់ដុល្លារអាមេរិកដល់កាកបាទក្រហមកម្ពុជាដើម្បីជួយទ្រទ្រង់ដល់ការងារមនុស្សធម៌នោះ គេសង្កេតឃើញទាំងលោកខេមរៈ សិរីមន្ត និងភរិយា បានជួបសំណេះសំណាលយ៉ាងស្និទ្ធស្នាលជាមួយសម្តេចតេជោហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ។
នៅក្នុងឱកាសសំណេះសំណាលនោះ គេមិនបានដឹងទេថា សម្តេចទាំងពីរបានជជែកអ្វីខ្លះទៅកាន់លោកសិរីមន្ត និងភរិយាទេ ប៉ុន្តែគេសង្កេតឃើញការសំណេះសំណាលនោះគឺពោរពេញដោយមនោសញ្ចេតនា និងភាពសប្បាយរីករាយ ជាមួយនឹងការផ្តល់កិត្តិយសពីប្រមុខដឹកនាំក្នុងការថតរូបរួមគ្នាផងដែរ ។
ដោយឡែកបើពិនិត្យមើលហ្វេសប៊ុករបស់លោកខេមរៈ សិរីមន្ត គឺលោកបានបង្ហោះរូបភាពនៃការចូលរួមនៅក្នុងពិធីនោះផងដែរ ដោយលោកបញ្ជាក់ថា «ការជួយគ្នាទៅវិញទៅមកគឺជាតួនាទីរបស់យើងទាំងអស់គ្នាថ្ងៃនេះខ្ញុំ និងភរិយារីករាយណាស់ដែលបានចូលរួមថវិកាជាមួយសម្ដេច និងកាកបាទក្រហមកម្ពុជានៃយើង »។
ការបង្ហាញមុខភរិយាជាសាធារណៈពីកំពូលតារាចម្រៀងលោកខេមរៈ សិរីមន្ត នាពេលនេះគឺកើតឡើង បន្ទាប់ពីមុននេះលោកបានបញ្ចេញសារតាមហ្វេសប៊ុកថា លោកពិតជាមានភរិយានិងកូន ដោយលោកបានរៀបការតាំងពីឆ្នាំ២០០៩មកម្ល៉េះ ៕
ចែករំលែកព័តមាននេះ