Artificial intelligence (AI) គឺជាប្រធានបទនៅក្នុងការសន្ទនា ដែលបានទទួលការពេញនិយមខ្លាំងបំផុត និងមានការបែងចែកគំនិតជាច្រើន ប៉ុន្តែអ្វីដែលឃើញច្បាស់ គឺ AI មានសក្តានុពលដែលនឹងអាចយកទៅអភិវឌ្ឍន៍ក្នុងផ្នែកជាច្រើនសម្រាប់ធុរកិច្ច និងជីវិតរស់នៅរបស់យើងគ្រប់គ្នា ។ មនុស្សខ្លះគិតថា AI នឹងចូលទៅគ្រប់គ្រងពិភពលោក ក្នុងរយៈពេល២ឆ្នាំទៀត ខណៈមនុស្សខ្លះគិតថា វាគ្មានផ្លូវក្លាយជាការពិតបានទេ ។
លោក Bas De Vos អ្នកជំនួយការផ្នែកបច្ចេកវិទ្យាក្នុងអង្គការមួយរបស់ IFS Labs និយាយថា ៖« AI គឺដូចនឹងមនុស្សម្នាក់ដែលអាចគិត និងដោះស្រាយបញ្ហាផ្សេងៗបានក្នុងលក្ខណៈដូចគ្នានឹងមនុស្សយើងធ្វើដែរ ប៉ុន្តែវានៅមិនទាន់មានប្រាជ្ញាទូទៅដូចមនុស្សទេ » ។
លោកបន្តថា ៖« បច្ចុប្បន្ន AI បានកសាងគុណសម្បត្តិជាច្រើនដែលមានអត្ថប្រយោជន៍,បានទទួល ការអភិវឌ្ឍឡើងសម្រាប់គោលបំណងដូចជា ការប្រមូលលទ្ធផលភាសាធម្មជាតិ (NLP), ការចងចាំរូបភាព, ឧបករណ៍ស្វែងរកទិន្នន័យ, ហ្គេម, ការព្យាករ ឬគុណសម្បត្តិសំដៅលើរថយន្តបើកបរដោយស្វ័យប្រវត្តិ » ។
វាជារឿងងាយណាស់សម្រាប់ការអភិវឌ្ឍ AI នឹងរៀនសូត្រគ្រប់រឿងរ៉ាវដោយខ្លួនឯង រួមទាំងការរៀនសូត្ររបស់ម៉ាស៊ីន (Machine Learning) ប៉ុន្តែក៏នៅតែជារឿងពិបាកដែលនឹងអាចយកទៅប្រើប្រាស់បានពិតប្រាកដ។ ពិតណាស់ថា មានគំនិតទាំងរឿងងាយ និងពិបាក ក្នុងការអនុវត្តបច្ចេកវិទ្យានេះក្នុងពេលនីមួយៗដើម្បីធ្វើការងារឲ្យកើតឡើង ច្រើនជាងការបំផ្លាញ មិនថាក្នុងផ្នែកឧស្សាហកម្ម ឬការបន្ថែមចំនួនប្រើប្រាស់ការងារអុិនធើរណេត ។ ជាចុងក្រោយ មនុស្សជាច្រើននឹងមានការងារបន្ថែម ហើយនឹងទទួលតម្លៃតបស្នងល្អជាងពីមុន ក្រៅពីអាចដំណើរការការងារបានយ៉ាងមានប្រសិទ្ធភាពឡើងផងដែរ ។
ហេតុនេះ គេសង្ឃឹមថា គុណសម្បត្តិរបស់ AI នឹងមានច្រើនជាងគុណវិបត្តិ ជាពិសេសបំផុត បើមនុស្សម្នាបានទទួលជំនួយ និងគាំទ្រក្នុងការរៀនសូត្រជំនាញថ្មីៗ ដែលពួកគេនឹងត្រូវធ្វើការជាគូជាមួយទេពកោសល្យផ្សេងៗ ។
ក្រៅពីនេះ ការអភិវឌ្ឍផ្នែកបច្ចេកវិទ្យា ប៉ុន្តែប្រើប្រាស់ពេលវេលាយូរជាងអ្វីដែលយើងរំពឹងទុកកាលពីមុន និងដើម្បីឲ្យវាមានសតិបញ្ញាទូទៅដូចមនុស្សនោះ គឺអាចនឹងត្រូវប្រើពេលវេលាអភិវឌ្ឍន៍ AI ជាច្រើនទសវត្សរ៍ទៀត ទើបអាចក្លាយជាការពិតទាំងស្រុង ។ ដូច្នេះ ស្ថានភាពដែលអាចទៅរួចក្នុងពេលនេះ គឺមនុស្ស និង AI ត្រូវធ្វើការរួមគ្នា ។ វាមិនមែនជារឿងអាក្រក់ទេ ប៉ុន្តែចាត់ទុកជាស្ថានការណ៍ដែលបង្កើតបាតុភូតបានមិនតិចឡើយ ។
មិនថាបច្ចេកវិទ្យា AI នឹងជួយឲ្យយើងអាចបន្ថែម និងជំនួសការងាររបស់មនុស្សបានមួយចំណែកក្តី ប៉ុន្តែក្នុងពេលជាមួយគ្នានេះ ក៏មានការបង្កើតការងារថ្មីៗឡើងផងដែរ ហើយការងារថ្មីៗទាំងនេះនៅតែត្រូវប្រើប្រាស់កម្លាំងពលកម្មមនុស្សដែលមានជំនាញខ្ពស់ជាង ។
មានការលើកឡើង និងមតិជាច្រើនពាក់ព័ន្ធនឹងសារសំខាន់របស់បច្ចេកវិទ្យា AI ព្រមទាំងការស្វែងរកតុល្យភាពក្នុងការសម្លឹងមើលពិភពលោកក្នុងគំនិតវិជ្ជមាន និងអវិជ្ជមាន ។ សរុបមក កុំបារម្ភខ្លាំងពេកពីរឿង AI នឹងមកគ្រប់គ្រង ឬបំផ្លាញពិភពលោក ប៉ុន្តែយើងមើលពីហេតុផលខាងដើម គឺវាមានប្រយោជន៍ច្រើនយ៉ាងពិតប្រាកដ ជាងការផ្តល់ទោស ៕
ចែករំលែកព័តមាននេះ