ខេត្តស្វាយរៀង ៖ សាច់ញាតិអ្នកធំម្នាក់បានដាក់ដាយយកត្រីនៅព្រែកទន្លេវ៉ៃគោ ជាប់ប៉ុស្តិ៍រដ្ឋបាលសង្កាត់ពោធិតាហោ ក្រុងស្វាយរៀង គ្មានសមត្ថកិច្ចណាហ៊ានបើកភ្នែកមើលទេ ព្រោះខ្លាចខ្សែអ្នកធំ។ ហើយមហាជនវិញបានរិះគន់ចំៗថា បើពលរដ្ឋអ្នករកត្រីវិញ បើហ៊ានតែអើតក្បាលចងសន្ទូច…
ខេត្តស្វាយរៀង ៖ សាច់ញាតិអ្នកធំម្នាក់បានដាក់ដាយយកត្រីនៅព្រែកទន្លេវ៉ៃគោ ជាប់ប៉ុស្តិ៍រដ្ឋបាលសង្កាត់ពោធិតាហោ ក្រុងស្វាយរៀង គ្មានសមត្ថកិច្ចណាហ៊ានបើកភ្នែកមើលទេ ព្រោះខ្លាចខ្សែអ្នកធំ។
ហើយមហាជនវិញបានរិះគន់ចំៗថា បើពលរដ្ឋអ្នករកត្រីវិញ បើហ៊ានតែអើតក្បាលចងសន្ទូច ឬបង់សំណាញ់ក្នុងអាងព្រែកទន្លេវ៉ៃគោសាកមើល សមត្ថកិច្ចមកដល់ភ្លាម ចាប់ផាកពិន័យដោយព្រមានថា ត្រីធម្មជាតិក្នុងអាងព្រែកទន្លេវ៉ៃគោ គឺជាត្រីពូជទុកអភិរក្ស គ្មានជនណាប្រព្រឹត្តបទល្មើសលួចចងសន្ទូច ឬបង់សំណាញ់បានទេ បើសមត្ថកិច្ចចាប់បាននឹងផាកពិន័យ បើករណីមិនរាងចាលវិញកសាងសំណុំរឿងបញ្ជូនទៅតុលាការចាត់ការតាមច្បាប់។
ប្រជានេសាទថា ចំពោះសាច់ញាតិអ្នកធំម្នាក់នេះលួចបើកទ្វារទឹកតាមប្រឡាយក្រវ៉ាត់ក្រុងដាក់ដាយយកត្រីប៉ុនមាត់ប្រឡាយ នៅភូមិក្បាលស្ពាន សង្កាត់ពោធិតាហោ ជាប់ប៉ុស្តិ៍រដ្ឋបាលសង្កាត់ពោធិតាហោតែម្តង ក៏ប៉ុន្តែមន្ត្រីនគបាលប៉ុស្តិ៍រដ្ឋបាលមិនខ្ចីយកភ្នែកមើល ព្រោះតែខ្លាចបុណ្យអ្នកធំ ឬសង្ស័យបានទទួលសំណែន។
មហាជនបានរិះគន់ទៀតថា ការលួចបើកទ្វារទឹកដាក់ដាយនេះ គឺជិតមួយខែមកហើយ។
ទាក់ទិនករណីខាងលើនេះដែរ មិនអាចរកការបំភ្លឺពីមន្ត្រីជលផលបានទេ នាព្រឹកថ្ងៃទី២៦ ខែមេសា ឆ្នាំ២០១៧នេះ៕
ចែករំលែកព័តមាននេះ