រាជធានីភ្នំពេញ ៖ នារីម្នាក់ក្នុងចំណោមគ្នា៣នាក់ ត្រូវបានថៅកែខារ៉ាអូខេមួយកន្លែង នៅផ្សាររតនាផ្លាហ្សាបឹងត្របែក ប្រើអំពើហិង្សាវាយទាត់ធាក់កំពុបនោម ដោយសារតែក្រុមនារីទាំងនេះ មិនព្រមកំដរភ្ញៀវចេញទៅអី…អី…ជាមួយនៅផ្ទះសំណាក់ទ្វារនាគខាងក្រៅ ។ បាតុភាពនេះ…
រាជធានីភ្នំពេញ ៖ នារីម្នាក់ក្នុងចំណោមគ្នា៣នាក់ ត្រូវបានថៅកែខារ៉ាអូខេមួយកន្លែង នៅផ្សាររតនាផ្លាហ្សាបឹងត្របែក ប្រើអំពើហិង្សាវាយទាត់ធាក់កំពុបនោម ដោយសារតែក្រុមនារីទាំងនេះ មិនព្រមកំដរភ្ញៀវចេញទៅអី…អី…ជាមួយនៅផ្ទះសំណាក់ទ្វារនាគខាងក្រៅ ។ បាតុភាពនេះ បង្កជាការភ្ញាក់ផ្អើលពេញមុខហាងខារ៉ាអូខេ កាលពីវេលាម៉ោង៨យប់ថ្ងៃទី២៣ មេសា នៅផ្សាររតនាផ្លាហ្សាបឹងត្របែក ចំណុចខារ៉ាអូខេ QI HAO GONG GOAN ហៅ (number 1 KTV) សង្កាត់បឹងត្របែក ខណ្ឌចំការមន ។
នារីរងគ្រោះសុំមិនប្រាប់អត្តសញ្ញាណបានប្រាបឱ្យដឹងថា ពួកនាងទាំង៣នាក់ជាជនជាតិខ្មែរមិនបានធ្វើការនៅទីនេះទេ ហើយពួកនាងមកធ្វើការទីនេះ ដោយសារតែស្គាល់មិត្តភក្តិធ្វើការនៅទីនោះ ទូរស័ព្ទហៅទៅធ្វើការជាមួយកំដរភ្ញៀវស្ទាបលេងយកតែលុយធីបប៉ុណ្ណោះ ។ ពេលទៅដល់ខារ៉ាអូខេខាងលើ ពួកគាត់បានឡើងទៅជាន់ទីបួន បន្ទប់ VIP 1 នៅក្នុងនោះមានភ្ញៀវប្រមាណជា១០នាក់ សុទ្ធតែភ្ញៀវជនជាតិចិនដាច់ដាប ។ ពួកនាងក៏បានចូលទៅក្នុងបន្ទប់នោះ ហើយសួរនាំទៅដឹងថា ភ្ញៀវជនជាតិចិនទាំងនោះបម្រុងនាំពួកនាងទៅផ្ទះសំណាក់ទ្វារនាគ តែពួកនាងមិនព្រម ក៏បើកទ្វារដើរចេញមកក្រៅវិញ ក៏ត្រូវថៅកែហាងជាជនជាតិចិននិងបក្សពួកឃាត់មិនឱ្យទៅណា ហើយបង្ខំឱ្យពួកនាងបម្រើភ្ញៀវវិញគឺឃើញស្ត្រីខ្មែរកំដរដូចក្របីឃ្លៀចឃើញចេកហៀរទឹកមាត់កក្លាក់ ។ ប៉ុន្តែពួកនាងមិនព្រមគឺនៅតែដើរចេញក៏ត្រូវថៅកែហាងជាជនជាតិចិននោះខឹង បានស្ទុះទៅធាក់ពីក្រោយលើពួកនាងម្នាក់ ក្នុងចំណោម៣នាក់ ហើយបោចសក់វាយដំលើរូបរាងកាយនាងដែលជាស្ត្រីទន់ខ្សោយទាំងកំរោល បណ្តាលឲ្យកំពុបនោម របួសនិងបង្កការភ្ញាក់ផ្អើលពាសពេញកន្លែងកើតហេតុ ។
ក្រោយកើតហេតុថៅកែចិននោះ បានសងសំណងទៅពួកនាងចំនួន៥០០ដុល្លារជាថ្នូរមិនប្តឹងប្តល់ តែពួកនាងមិនព្រម ក៏បានទៅដាក់ពាក្យបណ្តឹងនៅប៉ុស្តិ៍នគរបាលបឹងត្របែក នឹងសំណូមពរឱ្យអាជ្ញាធរមានសមត្ថកិច្ចដែលពាក់ព័ន្ធជួយរកយុត្តិធម៌ជូនពួកគាត់ផង ព្រោះទង្វើនេះហាក់បីដូចជា មិនឱ្យតម្លៃលើស្ត្រីខ្មែរសោះឡើយ ដែលប្រព្រឹត្តិដោយជនជាតិចិន ជាជនបរទេស ហើយអាងលុយចង់បំបិទមាត់ ។ មិនទាន់ដឹងថារឿងក្តីនេះត្រូវបានដោះស្រាយដោយវិធីណានៅឡើយទេព្រឹកម្សិលមិញ។ នគរបាលប៉ុស្តិ៍ប្រាប់កោះសន្តិភាពថា ស្ត្រីរងគ្រោះបានទៅដាក់ពាក្យបណ្តឹងនៅក្រសួងមហាផ្ទៃបន្តទៀតហើយ ។ចាំមើលតើវាសនាថៅកែ និងហាងខារ៉ាអូខេដ៏កោងកាចនេះ ត្រូវដោះស្រាយបែបណា ? យកល្អបើមិនចំណេញដល់រដ្ឋទេ បិទចោលតែម្តងទៅ…ស្រួលមិនស្រួលខារ៉ាអូខេនេះអត់ច្បាប់ផង ក៏មិនដឹង ៕
ចែករំលែកព័តមាននេះ