រាជធានីភ្នំពេញ៖ក្នុងនាមជាបេក្ខនារីមួយរូបដែលជាប់ជ័យលាភីក្នុងកម្មវិធី Queen of the Spa រៀបចំនៅប្រទេសកូរ៉េនាពេល ថ្មីៗកន្លងមក កញ្ញាធី សុវណ្ណថា បានចេញសារព្រមានបុរសម្នាក់ឲ្យសុំទោសជាបន្ទាន់ពីរឿងបរិហារកេរ្តិ៍កម្មវិធីនោះ…
រាជធានីភ្នំពេញ៖ក្នុងនាមជាបេក្ខនារីមួយរូបដែលជាប់ជ័យលាភីក្នុងកម្មវិធី Queen of the Spa រៀបចំនៅប្រទេសកូរ៉េនាពេល ថ្មីៗកន្លងមក កញ្ញាធី សុវណ្ណថា បានចេញសារព្រមានបុរសម្នាក់ឲ្យសុំទោសជាបន្ទាន់ពីរឿងបរិហារកេរ្តិ៍កម្មវិធីនោះ ។
ការព្រមានរបស់ធី សុវណ្ណថា បន្ទាប់ពីសារព័ត៌មានអេឡិចត្រូនិកនៅក្នុងស្រុកមួយបានចុះផ្សាយភាពមិនប្រក្រតីដែលបានកើតឡើងក្នុងកម្មវិធី Queen of the Spa នេះផងដែរ។
បេក្ខនារីដែលជាប់ First Runner នៅក្នុងកម្មវិធីនោះកញ្ញាធី សុវណ្ណថា បានចាត់ទុកការចុះផ្សាយរបស់សារព័ត៌មាននោះគឺជាការផ្សាយតាមអារម្មណ៍មិនមានភស្តុតាងច្បាស់លាស់ឡើយ ។
បើតាមការចុះផ្សាយពីបណ្តាញសារព័ត៌មាននោះបានអះអាងពីភាពមិនប្រក្រតីនៃកម្មវិធី Queen of the Spa ដោយថា កម្មវិធីនោះជាកម្មវិធីបោកបញ្ជោត ហើយជាកម្មវិធីដែលបានរៀបចំទុកជាមុន ។ ប្រភពដដែលនោះបានដកស្រង់សំដីបេក្ខនារីដែលបានចូលរួមផងដែរនោះឲ្យដឹងថា កម្មវិធីនោះមិនមានបេក្ខនារីចូលរួមដូចជាការប្រកាសនោះឡើយ ពោលគឺមានតែ៣ប្រទេសប៉ុណ្ណោះ ។ ចំនួន៣ប្រទេសដែលបានចូលរួមនោះគឺមានតែកម្ពុជា វៀតណាម និងប្រទេសកូរ៉េ២ ទៅ៣នាក់ ដែលទំនងអាចជាជនជាតិវៀតណាមដូចគ្នា ព្រោះមិនចេះនិយាយភាសាកូរ៉េនោះទេ ។ បេក្ខនារីដែលចូលរួមប្រកួតគឺតម្រូវឲ្យបង់លុយចាប់ពី៥០០ដុល្លារទៅ២ពាន់ដុល្លារ ដើម្បីបានចេញទៅប្រកួតនៅក្នុងប្រទេសកូរ៉េ ក្នុងពេលដែលទៅដល់កន្លែងប្រកួតក៏តម្រូវឲ្យបង់លុយសម្រាប់ការស្នាក់នៅ និងការចំណាយ ផ្សេងៗផងដែរ ។
ដោយឡែកហ្វេសប៊ុកមួយដែលដាក់ឈ្មោះថា Borng Rin Starmodel បានបង្ហោះសារគាំទ្រទៅនឹងការចុះផ្សាយនោះថា វាជាការណ៍ពិត សាក្សីនៅទាំងអស់ មិនបានបំភ្លៃ មិនបង្ខូចគេនិយាយអ្វីដែលពិត ហើយវាជាការចងចាំមិនអាចបំភ្លេចបានក្នុងមួយជីវិតនេះ និងបេក្ខនារីកម្ពុជាទាំងអស់ ។
បន្ទាប់ពីមានការលើកឡើងបែបនោះ ធី សុវណ្ណថា បានចេញសារព្រមានទៅកាន់បុរសម្នាក់ជាសាធារណៈ ដើម្បីឲ្យគេសូមទោសជាបន្ទាន់ចំពោះការបរិហាកេរ្តិ៍មកម្មវិធីនោះ ។
តាមរយៈហ្វេសប៊ុក ធី សុវណ្ណថា បានបង្ហោះថា សារព្រមានថា «លោកខេមរិន លោកបានបរិហារកេរ្តិ៍កម្មវិធី Queen of the Spa ឆបោកប្រាក់ឧកញ៉ាថន និងរៃលុយខុសច្បាប់ពីបេក្ខនារី។ ខ្ញុំទុកពេលឲ្យលោក២៤ម៉ោង សុំទោសជាបន្ទាន់ »៕
ចែករំលែកព័តមាននេះ