រាជធានីភ្នំពេញ ៖ លោកគឹម សន្តិភាព អ្នកនាំពាក្យក្រសួងយុត្តិធម៌បានឲ្យដឹងថា ទណ្ឌិតចំនួន២២៨នាក់ ស្ត្រី១៨នាក់ នឹងត្រូវបានលោករដ្ឋមន្ត្រីអង្គវង្ស វឌ្ឍានា និងដឹកនាំកិច្ចប្រជុំនៅរសៀលថ្ងៃទី២៣…
រាជធានីភ្នំពេញ ៖ លោកគឹម សន្តិភាព អ្នកនាំពាក្យក្រសួងយុត្តិធម៌បានឲ្យដឹងថា ទណ្ឌិតចំនួន២២៨នាក់ ស្ត្រី១៨នាក់ នឹងត្រូវបានលោករដ្ឋមន្ត្រីអង្គវង្ស វឌ្ឍានា និងដឹកនាំកិច្ចប្រជុំនៅរសៀលថ្ងៃទី២៣ ខែមេសា ឆ្នាំ២០១៨ ខាងមុខនេះ ដែលនាទីស្តីការក្រសួងយុត្តិធម៌ ដើម្បីពិនិត្យបញ្ជីអ្នកទោសមកពីពន្ធនាគារ និងមណ្ឌលឃុំឃាំង សរុស២២ទូទាំងប្រទេស ។
លោកថា លោករដ្ឋមន្ត្រីក្រសួងយុត្តិធម៌នឹងដឹកនាំកិច្ចប្រជុំគណៈកម្មការថ្នាក់ជាតិពិនិត្យ និងវាយតម្លៃបញ្ជីឈ្មោះទណ្ឌិតស្នើសុំបន្ធូរបន្ថយទោស និងលើកលែងទោស ដើម្បីពិនិត្យសំណើសុំបន្ធូរបន្ថយទោស និងលើកលែងទោសក្នុងឱកាសបុណ្យពិសាខបូជា ដែលទទួលបានពីគណៈកម្មការថ្នាក់រាជធានីខេត្ត (ពន្ធនាគារចំនួន១៨) និងគណៈកម្មការក្រសួងមហាផ្ទៃ(មណ្ឌលអប់រំកែប្រែចំនួន៤) លើបញ្ជីទណ្ឌិតស្នើសុំសរុប ២២៨នាក់ (ស្ត្រី១៨នាក់) ។
បញ្ចាក់ សូមជម្រាបជូនថា កាលពីបុណ្យចូលឆ្នាំខ្មែរកន្លងទៅ ៖ គណៈកម្មការជាតិបានពិនិត្យ និងសម្រេចស្នើសុំការអនុគ្រោះទោសដល់ទណ្ឌិតសរុប៥០រូប (ស្ត្រី៦រូប) ក្នុងនោះបន្ធូរបន្ថយទោសដល់ទណ្ឌិតចំនួន៤២រូប (ស្ត្រី៥រូប) និងលើកលែងទោសដល់ទណ្ឌិតចំនួន៨រូប(ស្ត្រី១រូប) សម្រាប់ឱកាសបុណ្យចូលឆ្នាំថ្មីប្រពៃណីជាតិឆ្នាំនេះ ក្នុងចំណោមបញ្ជីដែលបានស្នើសុំពីគណៈកម្មការក្រសួងមហាផ្ទៃ និងគណៈកម្មការរាជធានីខេត្តចំនួន៣២១រូប ៕
ចែករំលែកព័តមាននេះ