រាជធានីភ្នំពេញ ៖ បន្ទាប់ពីអង្គរសង្ក្រាន្តបានបញ្ចប់ទៅ តារាជាច្រើនបានសម្តែងមោទនភាព និងសប្បាយរីករាយដែលមានឱកាសបានចូលរួមសម្តែងជូនទស្សនិកជនទស្សនា។ តារាទាំងអស់នោះបានលើកឡើងស្រដៀងគ្នាថា អង្គរសង្ក្រាន្តដែលបានរៀបចំឡើងនាឆ្នាំនេះពីជាខុសប្លែកពីឆ្នាំ មុនៗ ក្នុងនោះមានកម្មវិធីកម្សាន្តជាច្រើនសម្រាប់ភ្ញៀវទេសចរជាតិ និងអន្តរជាតិចូលរួមលេងកម្សាន្តនាឱកាសបុណ្យចូលឆ្នាំខ្មែរ…
រាជធានីភ្នំពេញ ៖ បន្ទាប់ពីអង្គរសង្ក្រាន្តបានបញ្ចប់ទៅ តារាជាច្រើនបានសម្តែងមោទនភាព និងសប្បាយរីករាយដែលមានឱកាសបានចូលរួមសម្តែងជូនទស្សនិកជនទស្សនា។
តារាទាំងអស់នោះបានលើកឡើងស្រដៀងគ្នាថា អង្គរសង្ក្រាន្តដែលបានរៀបចំឡើងនាឆ្នាំនេះពីជាខុសប្លែកពីឆ្នាំ មុនៗ ក្នុងនោះមានកម្មវិធីកម្សាន្តជាច្រើនសម្រាប់ភ្ញៀវទេសចរជាតិ និងអន្តរជាតិចូលរួមលេងកម្សាន្តនាឱកាសបុណ្យចូលឆ្នាំខ្មែរ ។
តារាសម្តែងកញ្ញាលីលី លើកឡើងថា «អង្គរសង្គ្រាន្តបីថ្ងៃនៅសៀមរាបបានបញ្ចប់ បន្សល់នូវអនុស្សាវរីយ៍ជាច្រើន និងការរួមសាមគ្គីគ្នាដើម្បីឱ្យប្រជាជនខ្មែរ និងជនបរទេស ទទួលបានភាពសប្បាយរីករាយ និងការរាំរែកនៅតាមភូមិ នីមួយៗ ។ សង្គ្រាន្តឆ្នាំនេះពិតជាមានន័យខ្លាំងណាស់សំរាប់ខ្ញុំ បើប្រៀបធៀបទៅនឹងសង្គ្រាន្តឆ្នាំ មុនៗ ព្រោះវាបូករួមការសប្បាយ ការនឿយហត់ ទឹកភ្នែកអាណិតគ្នាទៅវិញទៅមក ។ ទាំងអស់នេះគឺដើម្បីបង្កើតការសប្បាយទៅដល់ប្រជាជនខ្មែរ និងជនជាតិបរទេសដែលចូលមកកម្សាន្តក្នុងប្រទេសកម្ពុជាតំបន់ប្រាសាទសៀមរាប ទឹកដីប្រវត្តិសាស្ត្រប្រទេសកម្ពុជា»។
ដោយឡែកសម្រាប់តារាចម្រៀងប្រចាំផលិតកម្មរស្មីហង្សមាសលោកឆន សុវណ្ណរាជ បានលើកឡើងថា «ខ្ញុំបានចូលរួមព្រឹត្តិការណ៍អង្គរសង្ក្រាន្ត វារឹតតែអស្ចារ្យខ្លាំងណាស់សម្រាប់ឆ្នាំនេះ ហើយក៏សូមអរគុណដល់បងប្អូនដែលជាកងកម្លាំងមានសមត្ថកិច្ច និងក្រុមយុវជនស្ម័គ្រចិត្តទាំងអស់ដែលបានជួយការពារ និងជួយសម្រួលការងារជាច្រើនដល់ប្រជាជនខ្មែរយើង និងភ្ញៀវបរទេសដែលបានចូលរួមក្នុងអង្គរសង្ក្រាន្តឆ្នាំនេះ »។
តារសម្តែង និងជាប្រធានសមាគមសិល្បករខ្មែរអ្នកនាងចន ច័ន្ទលក្ខិណា លើកឡើងថា «បេសកកម្មអង្គរសង្ក្រាន និងអច្ឆរិយអង្គរ ត្រូវបានបញ្ចប់ហើយ នាងខ្ញុំសូមអរគុណយ៉ាងជ្រាលជ្រៅដល់បងប្អូនសិល្បករ សិល្បការិនី និងក្រុមការងារទាំងអស់ដែលបានចូលរួមសម្តែង និងជួយចាត់ចែងរៀបចំការសម្តែងក្នុងរឿងអច្ឆរិយអង្គរ ។ ដោយសារតែការខំប្រឹងប្រែងរបស់ពួកយើងទាំងអស់គ្នានេះហើយ ទើបយើងទាំងអស់គ្នាបានទទួលការគាំទ្រ និងការកោតសរសើរពីថ្នាក់ដឹកនាំ ក៏ដូចជាក្រុមការងារ សហភាពសហពន្ធ័យុវជនកម្ពុជាផងដែរ ។
តាមពិតលើកនេះទំហំការសម្តែងមានលក្ខណៈទ្រង់ទ្រាយធំ តែកម្លាំងក្រុមការងារតិច មិនសូវមានអ្នកជួយ តែយើងបានទទួលជោគជ័យគួរជាទីមោទនៈ កម្លាំងតិច ហើយហត់ តែយើងសប្បាយចិត្ត និងភាពជោគជ័យមួយនេះ ។ ទាំងនេះគឺបានមកពីកម្លាំងសាមគ្គីនៃការសហការជាធ្លុងមួយរបស់បងប្អូនយើង ។
អង្គរសង្ក្រាន្តត្រូវបានបញ្ចប់ តែអ្វីដែលនៅសល់ដិតដាម គឺស្នាមញញឹមរបស់បងប្អូនប្រជាពលរដ្ឋខ្មែរ ដែលបានចូលរួមអបអរនូវមហាព្រឹត្តិការណ៍ដ៏ល្អនេះ »។
ក្នុងនាមប្រធានសមាគមតារាបង្ហាញម៉ូដកម្ពុជា (Cambodia Super Models Association) កញ្ញាឌួង ហ្សូរីដា បានលើកឡើងថា«សូមអរគុណដល់បងប្រធាន សសយក និង ក្រុមការងារពាក់ព័ន្ធទាំងអស់ក្នុងការផ្តល់ឱកាសការងារស្មគ្រ័ចិត្តចូលរួមជាផ្នែកមួយនៃការងារអង្គរសង្រា្កន្តរយៈពេល៦ឆ្នាំជាប់គ្នារហូតមក ។
សូមកោតសរសើរដល់តារារបស់ក្រុមយើងទាំងអស់នូវការយកបេះដូងពិតប្រាកដរបស់ ប្អូនៗចូលរួមបម្រើប្រជាជាតិ ស្មគ្រ័ចិត្តជួយការងារ សសយក និងបង្កើតការកម្សាន្ត សប្បាយៗតាមរយៈគ្រប់សកម្មភាពកូរគ្រប់កន្លែងដែល ប្អូនៗចុះទៅតាមការរៀបចំរបស់ក្រុមការងារ ។
អ្វីដែលរឹតតែធ្វើឱ្យនាងខ្ញុំក្នុងនាមជាប្រធានក្រុមមានមោទនភាពខ្លាំងបំផុតចំពោះ ប្អូនៗនោះ គឺការមិនរើសអើង ទាមទារតែនៅក្នុងកញ្ចក់ទូរទស្សន៍ ត្រូវតែឡើងឆាកដើម្បីភាពលេចធ្លោ ភាពល្បីល្បាញ តែផ្ទុយទៅវិញ អ្នកទាំងអស់គ្នាបានយល់យ៉ាងច្បាស់នូវគ្រប់យ៉ាងដើម្បីបុព្វហេតុនៃការរៀបចំការបង្កើតបរិយាស្និទ្ធស្នាលជាមួយក្រុមការងារ និងមហាជនតាមរយៈសកម្មភាពនៃការចូលរួមកម្សាន្តគ្រប់ទិសទីនៃការចាត់តាំងរបស់ក្រុមការងារ ។ ទាំងនេះហើយគឺជាជោគជ័យដែល ប្អូនៗទទួលបានការគាំទ្រ និងឆក់យកបេះដូងមហាជនឱ្យរឹតតែស្រឡាញ់គាំទ្រ ប្អូនៗទ្វេឡើង »៕
ចែករំលែកព័តមាននេះ