ខេត្តបន្ទាយមានជ័យ ៖ បុរសម្នាក់ធ្វើអត្តឃាតចង.កសម្លាប់ខ្លួនឯងព្រោះតូចចិត្តនឹងម្តាយស្តីបន្ទោសបង្កឲ្យមានការភ្ញាក់ផ្អើល ។ ហេតុកាណ៍នេះបានកើតឡើងនៅវេលាម៉ោង៦និង៤០នាទីព្រឹក ថ្ងៃទី១៩ ខែមេសា ឆ្នាំ២០១៨ នៅភូមិកំបោរ ឃុំភ្នំលៀប…
ខេត្តបន្ទាយមានជ័យ ៖ បុរសម្នាក់ធ្វើអត្តឃាតចង.កសម្លាប់ខ្លួនឯងព្រោះតូចចិត្តនឹងម្តាយស្តីបន្ទោសបង្កឲ្យមានការភ្ញាក់ផ្អើល ។ ហេតុកាណ៍នេះបានកើតឡើងនៅវេលាម៉ោង៦និង៤០នាទីព្រឹក ថ្ងៃទី១៩ ខែមេសា ឆ្នាំ២០១៨ នៅភូមិកំបោរ ឃុំភ្នំលៀប ស្រុកព្រះនេត្រព្រះ ខេត្តបន្ទាយមានជ័យ ។
លោកវរសេនីយ៍ឯក មាស ប្ញទ្ធី អធិការនគរបាលស្រុកព្រះនេត្រព្រះបានឲ្យដឹងថា បុរសដែលដាច់ចិត្តធ្វើអត្តឃាតសម្លាប់ខ្លួនឈ្មោះ ធិ សុជា អាយុ៣០ឆ្នាំ រស់នៅភូមិកំបោរ ឃុំភ្នំលៀប ស្រុកព្រះនេត្រព្រះ ខេត្តបន្ទាយមានជ័យ បានធ្វើអត្តឃាតចង.កសម្លាប់ខ្លួនដោយខ្លួនឯងនៅខាងលិចឈាងខាងជើងផ្ទះរបស់ខ្លួនចំងាយប្រហែល៤០ម៉ែត្រ ចងនឹងដើមស្វាយកំពស់២,៣០ម៉ែត្រ ចងជាមួយនឹងខ្សែកាវពណ៌ស ។
លោកអធិការបានបញ្ជាក់ថា តាមការបំភ្លឺរបស់ឈ្មោះ គង់ សម្បត្តិ ភេទប្រុស អាយុ៥៣ឆ្នាំ ត្រូវជាឪពុកបង្កើតបានរៀបរាប់បញ្ជាក់ថា ក្នុងរយៈពេលបុណ្យចូលឆ្នាំថ្មីប្រពៃណីជាតិខ្មែរចាប់ពីថ្ងៃទី១៤ ខែមេសា ដល់ថ្ងៃទី១៨ ខែមេសា ឆ្នាំ២០១៨ កូនរបស់គាត់បានដើរលេង និងផឹកស្រានៅពេលយប់ម៉ោង៨ឬ៩ នៅម្តុំដើមពោធិ៍បីដើមជិតផ្លូវលំក្នុងភូមិអន្លង់សារ ឃុំភ្នំលៀប ទើបចូលផ្ទះពេលនោះប្រពន្ធរបស់ខ្លួនឈ្មោះ ទុយ ឈុយ អាយុ៤៨ឆ្នាំ ត្រូវជាម្តាយបង្កើតបាននិយាយស្តីបន្ទោសឱ្យជនរងគ្រោះកុំឱ្យដើរផឹកស្រាពេលយប់នៅម្តុំដើមពោធិបីដើម ព្រោះក្មេងធ្លាប់ស្ទាក់វាយគ្នាកន្លែងនោះពេលនោះកូនគាត់បានខឹងក៏ប្រកែកនឹងម្តាយ ។
លុះនៅព្រឹកថ្ងៃទី១៩ ខែមេសា ឆ្នាំ២០១៨ គាត់បានឃើញជនរងគ្រោះកាន់ធុងស្ពិចទ្រោដើរទៅកាន់ដើមស្វាយស្មានថា ជនរងគ្រោះយកធុងទៅដងទឹកនៅក្រោយផ្ទះតាមធម្មតាលុះម៉ោង៧និង១០នាទីព្រឹកថ្ងៃដដែលមានប្រជាពលរដ្ឋក្នុងភូមិប្រាប់ថា កូនរបស់ខ្លួនបានចង.កសម្លាប់នៅក្រោយផ្ទះពេលនោះពេទ្យប៉ុស្តិ៍សុខភាពភូមិកំបោរ និងបងប្អូននៅភូមិកំបោរបានជួយស្រាយខ្សែដែលចងដើម្បីជួយសង្គ្រោះ ពីព្រោះខ្លួននៅក្តៅៗមានកំដៅនៅឡើយ តែជនជនរងគ្រោះបានស្លាប់បាត់ទៅហើយ ។ ហើយការស្លាប់របស់កូនគាត់នេះគឺស្លាប់ដោយសារចង.កសម្លាប់ដោយខ្លួនឯងមូលហេតុគឺកូនខ្ញុំខឹងម្តាយបង្កើតជេរស្តីបន្ទោសឱ្យពីរឿងដើរផឹកស្រាពេលយប់ៗទើបចូលផ្ទះ ៕
ចែករំលែកព័តមាននេះ