ខេត្តក្រចេះ ៖ មនុស្សប្រុសស្រី៤នាក់បានគេចផុតពីការស្លាប់ដោយបានហែលទឹក បណ្តែតខ្លួននៅក្នុងទន្លេចម្ងាយរាប់រយម៉ែត្រ បន្ទាប់ពីក្រុមជនរងគ្រោះបានជួបហេតុការណ៍ បុកទូកដឹកក្រួសជាមួយ និងសាឡាងនៅកណ្តាលទន្លេមេគង្គ កាលពីវេលាម៉ោង៤ទាបភ្លឺ ថ្ងៃទី១២ ខែមេសានេះ…
ខេត្តក្រចេះ ៖ មនុស្សប្រុសស្រី៤នាក់បានគេចផុតពីការស្លាប់ដោយបានហែលទឹក បណ្តែតខ្លួននៅក្នុងទន្លេចម្ងាយរាប់រយម៉ែត្រ បន្ទាប់ពីក្រុមជនរងគ្រោះបានជួបហេតុការណ៍ បុកទូកដឹកក្រួសជាមួយ និងសាឡាងនៅកណ្តាលទន្លេមេគង្គ កាលពីវេលាម៉ោង៤ទាបភ្លឺ ថ្ងៃទី១២ ខែមេសានេះ ។
ជនរងគ្រោះប្រុសស្រីទាំង៤នាក់ សុទ្ធជាម្តាយមីង និងកូនក្មួយប្រុសៗដែលមានទីលំ នៅឃុំផ្ទះកណ្ដាល ស្រុកស្រីសន្ធ ខេត្តកំពង់ចាមបានជួបហេតុការណ៍លិចទូកនៅកណ្តាលទន្លេ ។
ក្រៅពីនៅសល់ជីវិតដែលប្រឹងហែល និងបណ្តែតខ្លូនតាមបណ្តោយខ្សែរទឹកហូរចម្ងាយ រាប់រយម៉ែត្រពីកណ្តាលទន្លេមកដល់ច្រាំង គឺជនរងគ្រោះមិនមានអ្វីសេសសល់នៅលើខ្លួនទៀតនោះទេ សូម្បីតែសម្លៀកបំពាក់ និងស្បែកជើងក៏ដោយត្រូវលិចចូលក្នុងបាតទន្លេជាមួយ និងទូកដែរ ។
ស្ត្រីវ័យម្តាយមីងឈ្មោះ ចន្ថា អាយុ៣៩ឆ្នាំ បានរៀបរាប់ថា ពួកគាត់បានជិះនៅលើទូក ក្រួសដែលបានឡើងមកទិញ និងដឹកយកទៅលក់នៅស្រុក ។ ហើយក៏បានបើកបុកជាមួយ និងសាឡាងបូមខ្សាច់នៅកណ្តាលទន្លេ បណ្តាលឲ្យលិចតែម្តង ។ ស្ត្រីរងគ្រោះបានបន្តថា ពួកគាត់បានព្យាយាមហែលទឹកបណ្តោយតាមខ្សែរទឹកហូរបណ្តែតខ្លួនមកសន្សឹមៗចុះមកក្រោមពីភូមិឬស្សីចារ ឃុំថ្មគ្រែ មកទើនៅច្រាំងក្នុងសង្កាត់ក្រគរ ក្រុងក្រចេះចម្ងាយរាប់រយម៉ែត្រ ។
ដោយសារតែឃើញសភាពរបស់ជនរងគ្រោះដែលដើរមកឡើងគោកខ្លះគ្មានសម្លៀកបំ ពាក់ និងខ្លះគ្មានស្បែកជើង ព្រោះត្រូវដោះចេញដើម្បីងាយដែលទឹកនោះ ក្រុមជនរងគ្រោះត្រូវបាន លោកចៅសង្កាត់ និងអ្នកភូមិផ្តល់ជូនសម្លៀកបំពាក់ និងថវិការខ្លះ ដើម្បីធ្វើជាសោហុយបន្ត ដំណើររទៅស្រុក ។
ករណីគ្រោះថ្នាក់ចរាចរណ៍ផ្លូវទឹកនេះត្រូវបានគេកត់សម្គាល់ឃើញថា បានលើកឡើងជា លើកទី២ ហើយនាពេលថ្មីៗនេះ ។ ដោយកាលពីខែមិនា កន្លងទៅ ក៏មានករណីគ្រោះថ្នាក់ ចរាចរណ៍ផ្លូវទឹកម្តងរួចមកហើយ ក្នុងនោះបានបង្កឲ្យអ្នកនេសាទម្នាក់ ត្រូវបានស្លាប់នៅក្នុងទឹកផងដែរ ៕
ចែករំលែកព័តមាននេះ