ខេត្តកំពង់ឆ្នាំង ៖ គេប្រទះឃើញបុរសម្នាក់ដេកស្លាប់ក្បែរគុម្ភស្លឹកគ្រៃ បង្កការភ្ញាក់ផ្អើលហេតុការណ៍បុរសម្នាក់បានដេកស្លាប់ខាងលើនេះ បានបង្កឲ្យមានការភ្ញាក់ផ្អើលកាលពីរសៀលថ្ងៃទី១១ ខែមេសា ឆ្នាំ២០១៨ ស្ថិតនៅក្នុងភូមិទួលវិហារ ឃុំជ្រាប់ ស្រុកសន្ទុក ខេត្តកំពង់ធំ ។
សមត្ថកិច្ចនគរបាលបានឲ្យដឹងថា ជនរងគ្រោះមានឈ្មោះ ជូរ ស៊ីធិន ភេទប្រុស អាយុ៣៤ឆ្នាំ ជនជាតិខ្មែរ រស់នៅភូមិអង្គរបាន ឃុំអង្គរបាន ស្រុកកងមាស ខេត្តកំពង់ចាម ។
បើយោងតាមការបំភ្លឺពីស្ត្រីដែលត្រូវជាប្រពន្ធជនរងគ្រោះនិយាយប្រាប់សមត្ថកិច្ចថា ប្តីរបស់គាត់ចូលចិត្តផឹកស្រាជាប្រចាំ ដល់ផឹកយូរៗ ទៅសឹងតែក្លាយទៅជាមានសតិមិនសូវគ្រប់ ហើយប្តីរបស់គាត់បានដើរបាត់ពីផ្ទះរយៈពេល៤ថ្ងៃមកហើយ មិនដឹងគោលដៅច្បាស់លាស់ថា ទៅណានោះទេ ស្រាប់តែនៅថ្ងៃកើតហេតុខាងលើ ក៏មានគេទូរស័ព្ទប្រាប់គាត់ថា មានគេប្រទះឃើញប្តីគាត់បានដេកស្លាប់នៅក្បែរគុម្ភស្លឹកគ្រៃអែប និងចិញ្ចើមផ្លូវនៅក្នុងភូមិឃុំខាងលើ ។
ហើយគេក៏បានរាយការណ៍ប្រាប់សមត្ថកិច្ច រួចសមត្ថកិច្ចបានសហការណ៍ជាមួយសាច់ញាតិដោយមានការចូលរូមពីអាជ្ញាធរ ចុះទៅពិនិត្យសព ឃើញថា ពុំមានស្លាកស្នាមអ្វីទេ ទើបសន្និដ្ធានថា ការស្លាប់របស់ជនរងគ្រោះ គឺបណ្ដាលមកពីគាំងបេះដូងស្លាប់ ក្រោយពីពិនិត្យរួចក៏ប្រគល់សពឲ្យក្រុមគ្រួសារធ្វើបុណ្យតាមប្រពៃណី ៕
ចែករំលែកព័តមាននេះ