រាជធានីភ្នំពេញ ៖ សេចក្តីរាយការណ៍ឲ្យដឹងថា កាលពីល្ងៃទី០៦ ខែមេសា ឆ្នាំ២០១៨ តំណាងអយ្យការសាលាដំបូងរាជធានីភ្នំពេញ បានធ្វើការដោះលែងជនជាតិកូរ៉េម្នាក់ ពាក់ព័ន្ធករណីឆបោកពាណិជ្ជការខ្មែរ លើទឹកប្រាក់ប្រមាណ២៥ម៉ឺនដុល្លារអាមេរិក ។
ប៉ុន្តែការដោះលែងជនជាតិកូរ៉េនេះ ត្រូវបានលោកក្រឡាបញ្ជីម្នាក់អះអាងថា ដើមបណ្តឹងប្តឹងទាមទារប្រាក់២៥ម៉ឺនដុល្លារពីជនជាតិកូរ៉េនោះ មិនមានឯកសារណាមួយជាភស្តុតាងបញ្ជាក់ច្បាស់លាស់ សម្រាប់ធ្វើឲ្យតំណាងអយ្យការដាក់បន្ទុកលើជនជាប់ស្ស័យថា ឲ្យមានពិរុទ្ធភាពនោះទេ ពោលគឺដើមបណ្តឹងគ្រាន់តែនិយាយមាត់ថា លោក LEE JONG GUl បានយកប្រាក់ពីគាត់២៥ម៉ឺនដុល្លារអាមេរិក ក្នុងការដាក់ភាគហ៊ុនរកស៊ីជាមួយគ្នា តែលុយនោះមិនទាន់បានប្រគល់ដល់ដៃជនសង្ស័យទេ ហើយបានប្តឹងឲ្យសមត្តកិច្ចចាប់ខ្លួន លោក LEE JONG GUI ខណៈពេលជនសង្ស័យចុះពីយន្តហោះ ក្នុងព្រលានអន្តរជាតិខេត្តសៀមរាប ។
ការចាប់ខ្លួនជនជាតិកូរ៉េនោះ សមត្ថកិច្ចធ្វើឡើងតាមដីកាបញ្ជាឲ្យចូលខ្លួនរបស់តុលាការសាលាដំបូងរាជធានីភ្នំពេញ ។ នៅពេលចាប់ខ្លួនជនសង្ស័យត្រូវបានសមត្ថកិច្ចនាំមកកាន់រាជធានីភ្នំពេញ តាមដីកាបញ្ជារបស់លោកព្រះរាជអាជ្ញា ដើម្បីធ្វើការសាកសួរ រួមទាំងមានភាគីដើមបណ្តឹង និងមេធាវីការពារក្តីនៅចំពោះមុខទៀតផង ។
ក្រោយពីតំណាងអយ្យការសាកសួរចប់ ជនសង្ស័យត្រូវបានដោះលែងឲ្យមានសេរីភាពវិញ ក្រោមការសោកស្តាយជាទីបំផុតពីភាគីដើមបណ្តឹង ដែលខំប្តឹងឲ្យចាប់ខ្លួនជនសង្ស័យ ហើយត្រូវមានការដោះលែងទៅវិញ ដោយគ្មានបានសំណងមួយកាក់មួយរៀលវិញនោះ ។
គួបញ្ជាក់ថា កាលពីវេលាម៉ោង០៧និង៤០នាទីយប់ ថ្ងៃទី០៥ ខែមេសា ឆ្នាំ២០១៨ កម្លាំងសមត្ថកិច្ចព្រហ្មទណ្ឌកំរិតស្រាលខេត្តសៀមរាប បានសហការណ៍ជាមួយកម្លាំងសមត្ថកិច្ចព្រហ្មទណ្ឌក្រសួងមហាផ្ទៃ អនុវត្តន៍តាមដីកាបព្ជាឲ្យចូលខ្លួនរបស់ព្រះរាជអាជ្ញាសាលាដំបូងរាជធានីភ្នំពេញ លើជនសង្ស័យឈ្មោះ LEE JONG GUl ភេទប្រុស អាយុ៥២ឆ្នាំ ជនជាតិកូរ៉េ ដែលពាក់ពន្ធ័ករណីរំលោភលើទំនុកចិត្ត “យកប្រាក់” ដើម្បីចាត់ការតាមនីតិវិធី ៕
ចែករំលែកព័តមាននេះ