រាជធានីភ្នំពេញ ៖ សេចក្តីរាយការណ៍បន្តឱ្យដឹងនៅវេលាម៉ោងជាង១០ព្រឹកថ្ងៃទី០៥ មេសា នេះ ពលរដ្ឋខ្មែរ ដែលភៀសខ្លួនទៅរស់នៅសហរដ្ឋអាមេរិក ហើយត្រូវបញ្ជូនមកវិញ តាមព្រលានយន្តហោះអន្តរជាតិភ្នំពេញ នោះ…
រាជធានីភ្នំពេញ ៖ សេចក្តីរាយការណ៍បន្តឱ្យដឹងនៅវេលាម៉ោងជាង១០ព្រឹកថ្ងៃទី០៥ មេសា នេះ ពលរដ្ឋខ្មែរ ដែលភៀសខ្លួនទៅរស់នៅសហរដ្ឋអាមេរិក ហើយត្រូវបញ្ជូនមកវិញ តាមព្រលានយន្តហោះអន្តរជាតិភ្នំពេញ នោះ គឺចំនួនជាក់លាក់និងផ្លូវការមាន៤៣នាក់ ក្នុងនោះស្រី៣នាក់ ។ បច្ចុប្បន្ន ពួកគេកំពុងនៅជាមួយប៉ូលិសអន្តោប្រវេសន៍ ដើម្បីបំពេញបែបបទផ្លូវការ ។
គួរបញ្ជាក់ថា កន្លងមក ថ្នាក់ដឹកនាំរាជរដ្ឋាភិបាលកម្ពុជា ធ្លាប់បានសំណូមពរឱ្យអាមេរិកពិចារណាផ្អាក
ការបញ្ជួនត្រឡប់ពលរដ្ឋកម្ពុជា មកស្រុកកំណើតវិញ ដើម្បីធ្វើការកែសម្រួល MoU ឆ្នាំ២០០២ ដើម្បី
«ភាពជាមនុស្សធម៌» ដែលត្រូវបែកបាក់គ្រួសារកូន ប្រពន្ធ ជាដើម ហើយវាជាការរំលោភសិទ្ធិមនុស្សផងដែរ ។ ពលរដ្ឋខ្មែរ ដែលត្រូវចាប់បញ្ជួនមកកម្ពុជា គឺជាកុមារដែលបានរត់គេចពីសង្គ្រាមនៅកម្ពុជានាឆ្នាំ ១៩៧០ នៃសម័យសង្គ្រាម និងរបបខ្មែរក្រហម ។
ពលរដ្ឋខ្មែរដែលត្រូវបានចាប់បញ្ជួនទាំងនោះ គឺជាអ្នកដែលបានប្រព្រឹត្តបទល្មើសព្រហ្មទណ្ឌ ឬបទល្មើសនានា នៅលើទឹកដីអាមេរិក ហើយបានទទួលការអនុវត្តទោសនៅប្រទេសនេះរួចរាល់ តែពួកគេនៅតែត្រូវបានចាប់បញ្ជួនត្រឡប់មកស្រុកខ្មែរដដែល ។ ចាប់តាំងពីឆ្នាំ២០០២ រហូតមកដល់បច្ចុប្បន្ននេះពលរដ្ឋកម្ពុជាប្រមាណជាង ៦០០ នាក់ត្រូវបានចាប់បញ្ជួនពីអាមេរិកមកកម្ពុជា ។
ព័ត៌មានលម្អិតនឹងមានផ្សាយជូនលើទំព័រកាសែតកោះសន្តិភាព ។
ចែករំលែកព័តមាននេះ