«Reuter» ផ្សាយថា លោកNajib Balala រដ្ឋមន្ត្រីក្រសួងទេសចរណ៍របស់កេនយ៉ា បញ្ជាក់កាលពីថ្ងែទី៣១ មីនា ២០១៨ ចូលរួមរំលឹកដល់រមាសឈ្មោលមួយក្បាលបានងាប់ក្នុងវ័យចំណាស់កាលពីជាងដប់ថ្ងៃមុននៅសួនសត្វ «Ol…
«Reuter» ផ្សាយថា លោកNajib Balala រដ្ឋមន្ត្រីក្រសួងទេសចរណ៍របស់កេនយ៉ា បញ្ជាក់កាលពីថ្ងែទី៣១ មីនា ២០១៨ ចូលរួមរំលឹកដល់រមាសឈ្មោលមួយក្បាលបានងាប់ក្នុងវ័យចំណាស់កាលពីជាងដប់ថ្ងៃមុននៅសួនសត្វ «Ol Pejeta» ឆ្ងាយពីក្រុងណៃរ៉ូប៊ីទៅភាគខាងជើងប្រហែល២៥០គីឡូម៉ែត្រថា រដ្ឋាភិបាលកំពុងត្រៀមធ្វើវិសោធនកម្មច្បាប់ ដើម្បីអភិរក្សសត្វព្រៃ ឲ្យកាន់តែមានប្រសិទ្ធភាពបន្ថែមទៀត ។ អាជ្ញាធរកំពុងត្រៀមកំណត់ដាក់ទោសទៅលើអ្នកដែលឆែកឆេរឃើញមានភ្លុកដំរី ឬកុយរមាសនឹងត្រូវជាប់គុកអស់មួយជីវិតដើម្បីជាការអភិរក្សសត្វព្រៃនៅក្នុងប្រទេស ។
«ស៊ូដង»(sudan) ជារមាសសចុងក្រោយនៅលើពិភពលោកបានស្លាប់ក្នុងអាយុ៤៥ឆ្នាំ និងមានមិត្តរួមពូជដូចគ្នានៅសេសសល់ចំនួន២ក្បាលជារមាសញី គឺ Najin អាយុ២៧ឆ្នាំកូនរបស់«ស៊ូដង់» និងFatu អាយុ១៧ឆ្នាំជា កូនៗរបស់កូនរមាស«ស៊ូដង់» (Sudan) ។
នៅទសវត្ស១៩៧០ កេនយ៉ាធ្លាប់មានរមាសដល់ទៅ២០.០០០ក្បាល ប៉ុន្តែបានថយចុះនៅសល់តែ៤០០ក្បាលនៅក្នុងទសវត្ស៩០ និងក្រោយមកក៏ទទួលការអភិរក្សបន្តដើម្បីជួយបង្កើនចំនួនរមាសបានចំនួន៦៥០ក្បាលក្នុងពេលបច្ចុប្បន្ន ភាគច្រើនជារមាសខ្មៅ។
ភាពហិនហោចនៃរមាសសខាងជើង ដោយការប្រមាញ់យកកុយទៅលក់ដោយកុយរមាសមួយគីឡូក្រាមមានតម្លៃដល់ទៅ៥០.០០០ដុល្លារ ។ កេនយ៉ាធ្លាប់ធ្វើវិសោធនកម្មច្បាប់អភិរក្សថ្មីនៅឆ្នាំ២០១៣ ដោយបានបង្កើនទោសដល់អ្នកជួញដូរឲ្យជាប់គុកអស់មួយជីវិត ប៉ុន្តែអ្នកមានកាន់កាប់កុយរមាសមានទោសជាប់គុកតែពី៥ ទៅ២០ឆ្នាំប៉ុណ្ណោះ៕
ចែករំលែកព័តមាននេះ