រាជធានីភ្នំពេញ ៖ ក្នុងជំនួបពិភាក្សាជាមួយសម្តេច វិបុលភក្តីសាយឈុំ ប្រធានព្រឹទ្ធសភានាយកមូលនិធិខុនរ៉ាដអាឌិនណៅអ៊ែរថ្មី ប្រចាំព្រះរាជាណាចក្រកម្ពុជាបានសន្យានឹងខិតខំធ្វើយ៉ាងណាឲ្យទំណាក់ទំនង កម្ពុជាអាល្លឺម៉ង់ មានភាពជិតស្និតបន្ថែមទៀត ។
ក្នុងជំនួបជាមួយសម្តេចវិបុលសេនាភក្តីនាព្រឹកថ្ងៃទី០៣ ខែមេសា ឆ្នាំ២០១៨ នៅវិមានព្រឹទ្ធសភា
លោក Daniel Schmuecking នាកយកមូលនិធិខុនរ៉ាដអាឌិនណៅអ៊ែរថ្មីប្រចាំព្រះរាជាណាចក្រកម្ពុជាបានថ្លែងអំណរគុណចំពោះសម្តេចប្រធានព្រឹទ្ធសភា ដែលបានចំណាយពេលវេលាដ៏មានតម្លៃអនុញ្ញាតឲ្យឯកឧត្តមចូលជួបសម្តែងការគួរសមនាពេលនេះ ។
លោកនាយក បានជម្រាបជូនសម្តេចប្រធានព្រឹទ្ធសភាអំពីកិច្ចសហប្រតិបត្តិការរវាងមូលនិធិខុ នរ៉ាដអាឌិនណៅអ៊ែរជាមួយនឹងព្រះរាជាណាចក្រកម្ពុជាចាប់តាំងពីឆ្នាំ២០០៤ រហូតមកដល់បច្ចុប្បន្នដោយសម្រេចបាននូវសមិទ្ធផលជាផ្លែផ្កាយ៉ាងច្រើន ។ មូលនិធិខុនរ៉ាដអាឌិនណៅអ៊ែរ មានដៃគូនៅបណ្តាប្រទេសនានាចំនួន១០០ ដែលអាចពិភាក្សាវិភាគវែកញែក អំពីបញ្ហាលើសកល លោកដែលមានការប្រែប្រួលនាពេលអនាគត ។
លោកនាយកបានសម្តែនូវសេចក្តីរីករាយដែលបានមកបំពេញការងារនៅព្រះរាជាណាចក្រកម្ពុជា ហើយលោកនាយកបានសន្យាថា នឹងខិតខំធ្វើយ៉ាងណាឲ្យទំនាក់ទំនង និងកិច្ចសហប្រតិបត្តិកា ររវាងប្រទេសទាំងពីរកម្ពុជា-អាល្លឺម៉ង់ ឲ្យកាន់តែជិតស្និតថែមទៀត ។
សម្តេចវិបុលសេនាភក្តីសាយ ឈុំ បានសម្តែងសេចក្តីសោមនស្សរីករាយ និងស្វាគមន៍យ៉ាងកក់ក្តៅ ចំពោះលោកនាយមូលនិធិដែលត្រូវបានមូលនិធិខុនរ៉ាដអាឌិនណៅអ៊ែរប្រចាំទីក្រុងប៊ែក ឡាំង តែងតាំងជាតំណាងមូលនិធិខុនរ៉ាដអាឌិនណៅអ៊ែរប្រចាំកម្ពុជា ។
សម្តេចប្រធានព្រឹទ្ធសភាបានថ្លែងអំណរគុណយ៉ាងជ្រាលជ្រៅ ចំពោះមូលនិធិខុនរ៉ាដអាឌិនណៅ អ៊ែរប្រចាំកម្ពុជាដែលកាលពីពេលកន្លងទៅបានគាំទ្រដល់អគ្គលេខាធិការដ្ឋានព្រឹទ្ធសភាក្នុងការបណ្តុះបណ្តាលមន្ត្រីនៃអគ្គលេខាធិការដ្ឋានព្រឹទ្ធសភាការរៀបចំសិក្ខាសាលាកម្រិតថ្នាក់ជាតិ ថ្នាក់ក្រោមជាតិ សិក្ខាសាលាថ្នាក់តំបន់ និងការរៀបចំបំពេញទស្សនកិច្ចសិក្សានៅបរទេសការផ្តល់នូ វការពិគ្រោះយោបល់លើនីតិវិធីការងារ និងនីតិវិធីនីតិកម្មរបស់ព្រឹទ្ធសភា ។
សម្តេចប្រធានព្រឹទ្ធសភាបានសំណូមពរដល់មូលនិធិខុនរ៉ាដអាឌិនណៅអ៊ែរប្រចាំកម្ពុជា បន្តកិច្ច សហប្រតិបត្តិការជាមួយនឹងអគ្គលេខាធិការដ្ឋានព្រឹទ្ធសភា ដើម្បីចាត់ចែងនូវកម្មវិធីបណ្តុះបណ្តាលនានា ជាគុណប្រយោជន៍ដល់មន្ត្រីរាជការនៃអគ្គលេខាធិការដ្ឋានព្រឹទ្ធសភាមានជាអាទិ៍ ៖ ទី១ -អភិវឌ្ឍសមត្ថភាពអ្នកនាំពាក្យរបស់ព្រឹទ្ធសភា និងការងារព័ត៌មាន និងទំនាក់ទំនងសាធារណៈរបស់ព្រឹទ្ធសភា ទី២-ជួយគាំទ្រដល់ការរៀបចំវេទិកាសាធារណៈពាក់ព័ន្ធនឹងវិមជ្ឈការ និងវិសហមជ្ឈការនៅថ្នាក់ក្រោមជាតិ តាមបណ្តាភូមិភាគទាំង៨ និងទី៣ – បន្តគាំទ្រឲ្យមានដំណើរទស្សនកិ ច្ចសិក្សារបស់គណៈកម្មការនានាព្រឹទ្ធសភា ដើម្បីស្វែងយល់បទពិសោធន៍លើការងារសភានៅបរទេស ។
សម្តេចប្រធានព្រឹទ្ធសភា មានជំនឿជឿជាក់ថា ទំនាក់ទំនង និងកិច្ចសហប្រតិបត្តិការរវាងព្រះ រាជាណាចក្រកម្ពុជា និងមូលនិធិខុនរ៉ាដអាឌិនណៅអ៊ែរនឹងរួមចំណែកក្នុងការពង្រឹងទំនាក់ទំនង និងកិច្ចសហប្រតិបត្តិការរវាងព្រះរាជាណាចក្រកម្ពុជា និងប្រទេសអាល្លឺម៉ង់ ដើម្បីជាគុណប្រ យោជន៍រួមសម្រាប់ប្រជាជន និងប្រទេសទាំងពីរ ៕
ចែករំលែកព័តមាននេះ