រាជធានីភ្នំពេញ ៖ អង្គភាពប្រឆាំំងអំពើពុកលួយ ហៅកាត់ថា ACU បានទទួលពាក្យបណ្តឹងចំនួន២៩ ពាក្យបណ្តឹង ក្នុងនោះ បណ្តឹងអនាមិកចំនួន២២ និងការស្តាប់ចម្លើយបានចំនួន២០លើក ។ នេះបើតាមសេចក្តីប្រកាសព័ត៌មា នរបស់ក្រុមប្រឹក្សាជាតិប្រឆាំងអំពើពុករលួយ ។
យោងតាមសេចក្តីប្រកាសព័ត៌មានរបស់អង្គភាពប្រឆាំងអំពើពុករលួយបានឲ្យដឹង ក្នុងកិច្ចប្រជុំក្រុមប្រឹក្សាជាតិប្រឆាំងអំពើពុករលួយលើកទី៣៣ អាណត្តិទី២ ក្រោមអធិបតីភាពលោក តុប សំ ប្រធានក្រុមប្រឹក្សាជាតិប្រឆាំងអំពើពុករលួយ លោកឃាង សេង ប្រធានស្តីពីអង្គភាពប្រឆាំងអំពើពុករលួយ បានលើកឡើងថា ក្នុងអំឡុងខែមីនា ឆ្នាំ២០១៨ អង្គភាពបានទទួលការប្រកាសទ្រព្យសម្បតិ្ត និងបំណុលសរុបចំនួន២១៣៦នាក់ ដែលក្នុងនោះប្រកាសតាមរបប២ឆ្នាំ មានចំនួន៣៤៩នាក់ ទទួលបានតែងតាំងថ្មីចំនួន១៥៦២នាក់ លាលែងចប់អាណត្តិចំនួន១៨នាក់ ចូលនិវត្តន៍ចំនួន៥នាក់ និងបញ្ឈប់ពីមុខដំណែងចំនួន២០២នាក់ ។
លោកក៏បានលើកឡើងថា ក្នុងខែមីនា ACU បានទទួលពាក្យបណ្តឹងបានចំនួន២៩ពាក្យបណ្តឹង (បណ្តឹងអនាមិក២២ពាក្យបណ្តឹង ស្មើនឹង២៥% ) ។ អង្ភភាពបានឲ្យសាម៉ីខ្លួនរង់ការចោទប្រកាន់ធ្វើការបំភ្លឺ ចំនួន២៦លិខិត ទទួលបានបំភ្លឺចំនួន៣១លិខិត ហើយបានឆ្លើយតបទៅម្ចាស់បណ្តឹងចំនួន៤០ម្ចាស់បណ្តឹង ក្រោយពិចារណាថា ពាក្យបណ្តឹងមិនពាក់ព័ន្ធដល់សមត្ថកិច្ចអង្គភាពប្រឆាំងអំពើពុករលួយទេ ។ និងបានបើកបន្ទាប់ស្តាប់ចម្លើយចំនួន២០លើក ។
ជាមួយគ្នានោះដែរ លោកបានលើកឡើងថា បានចុះផ្សាយច្បាប់ស្តីពីការប្រឆាំងអំពើពុករលួយ បានចុះផ្សាយច្បាប់ស្តីពីការប្រឆាំងអំពើពុករលួយដល់ក្រុមប្រឹក្សា ឃុំសង្កាត់ស្មៀន ឃុំ នគរបាល ឃុំ មេភូមិ អនុប្រធានភូមិ និងប្រជាពលរដ្ឋក្នុងខេត្តកំពង់ចាម សរុបចំនួន៥៣៨៨នាក់ ដែលមាន៥០គោលដៅ ។
លោក ឃាង សេង ក៏បានលើកឡើងថា អង្គភាពប្រឆាំងអំពើពុករលួយក៏បានចូលរួមសង្កេតការណ៍ ការប្រឡងវគ្គមគ្គុទេសទេសចរណ៍ ថ្នាក់ជាតិ ថ្នាក់តំបន់ការជ្រើសរើសនិស្សិត ចូលរួមរៀនថ្នាក់វេជ្ជបណ្ឌិត នៅសាលាសកលវិទ្យាល័យ វិទ្យាសាស្ត្រសុខាភិបាលផងដែរ ។
សេចក្តីប្រកាសព័ត៌មានដដែលក៏បានឲ្យដឹងថា ក្រុមប្រឹក្សាវិន័យ និងត្រួតពិនិត្យផ្ទៃក្នុងរបស់អង្គភាពប្រឆាំងអំពើពុករលួយ ដើម្បីចាត់វិធានការលើមន្ត្រីអង្គភាពប្រឆាំង អំពើពុករលួយ ដែលបានប្រព្រឹត្តកំហុស ។
លោក តុប សំ ប្រធានក្រុមប្រឹក្សាជាតិប្រឆាំងអំពើពុករលួយក៏បានសាទរចំពោះការខិតខំប្រឹងប្រែងរបស់អង្គភាព ប្រឆាំងអំពើពុករលួយ ដែលធ្វើឲ្យមានការគាំទ្រពីមជ្ឈដ្ឋានជាតិ និងអន្តរជាតិព្រមទាំងជំរុញលើកទឹកចិត្តឲ្យអង្គភាពខិតខំរកវិធីសាស្ត្របន្ថែមទៀត ដើម្បីដោះស្រាយបញ្ហាប្រឈមនានាឲ្យបានសមស្រប និងទាន់សភាពការណ៍ផងដែរ ៕
ចែករំលែកព័តមាននេះ