តវ៉ាថា៖ បើបិទ បិទទាំងអស់
- បន្ទាយមានជ័យ
ខេត្តបន្ទាយមានជ័យ ៖ លោកអភិបាលខេត្ត កាលពីថ្ងៃទី២២ ខែមីនា បានចេញលិខិតរដ្ឋបាលឱ្យបិទច្រករបៀងអូរបីជាន់ ស្ថិតក្នុងឃុំអូរបីជាន់ ស្រុកអូរជ្រៅ ។ យោងតាមសេចក្តីជូនដំណឹងរបស់សាលាខេត្ត…
ខេត្តបន្ទាយមានជ័យ ៖ លោកអភិបាលខេត្ត កាលពីថ្ងៃទី២២ ខែមីនា បានចេញលិខិតរដ្ឋបាលឱ្យបិទច្រករបៀងអូរបីជាន់ ស្ថិតក្នុងឃុំអូរបីជាន់ ស្រុកអូរជ្រៅ ។ យោងតាមសេចក្តីជូនដំណឹងរបស់សាលាខេត្ត លេខ១២១/១៨/សជណ ចុះថ្ងៃទី១៩ ខែមីនា កម្មវត្ថុស្តីពីករណីចាត់វិធានការបញ្ឈប់ និងបិទច្រករបៀងអូរបីជាន់ ។
សេចក្តីជូនដំណឹងចែងថា ជូនលោកឧត្តមសេនីយ៍ និងលោកអភិបាលស្រុកអូរជ្រៅជ្រាបថា នៅថ្ងៃទី១៥ មីនា ឆ្នាំ២០១៨ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានដាក់បទបញ្ជាឱ្យរដ្ឋបាលសាលាខេត្តបញ្ឈប់ និងបិទច្រករបៀងអូរបីជាន់ ស្ថិតភូមិឃុំអូរបីជាន់ ស្រុកអូរជ្រៅ ។ ដើម្បីអនុវត្តតាមបទបញ្ជាដ៏ខ្ពង់ខ្ពស់នេះ រដ្ឋបាលខេត្ត សូមឱ្យលោកឧត្តមសេនីយ៍ និងលោកអភិបាលស្រុក ចាត់វិធានការយ៉ាងម៉ឺងម៉ាត់បញ្ឈប់ និងបិទច្រករបៀងអូរបីជាន់ជាបន្ទាន់ ។
ក្រោយពេលលោកអភិបាលខេត្តបានចេញលិខិតឲ្យបិទនោះ ច្រករបៀងអូរបីជាន់ ក៏ត្រូវបានបិទកាលពីថ្ងៃទី២២ ខែមីនា ហើយប្រជាពលរដ្ឋឃុំអូរបីជាន់ បានកោតសរសើរលោកអភិបាលខេត្តយ៉ាងខ្លាំង ។ ទោះជាយ៉ាងណាពួកគាត់លើកឡើងថា បើបិទច្រកអូរបីជាន់ ក៏ត្រូវបិទច្រករបៀងដទៃទៀតដែលនៅខាងជើងផ្លូវជាតិលេខ៥ ដែលមានមិនតិចជាង១០កន្លែងដែរ ។ ច្រករបៀងទាំងនោះ មានការដាក់ប៉ុស្តិ៍និងបារ៉ាស់ ដោយឃុបឃិតជាមួយឈ្មួញនាំទំនិញគេចពន្ធនិងខូចគុណភាពចេញចូលយ៉ាងសេរីនិងបទល្មើសជាច្រើនទៀតដែលកើតមាន។ បើបិទច្រករបៀងអូរបីជាន់ហើយ ត្រូវបិទទាំងអស់ទើបស្មើភាពគ្នា ៕
ចែករំលែកព័តមាននេះ