រាជធានីភ្នំពេញ ៖ ប្រទេសកម្ពុជាប្រកាន់របបនយោបាយប្រជាធិបតេយ្យសេរីពហុបក្ស ហើយការបោះឆ្នោតប្រ ព្រឹត្តទៅតាមប្រព័ន្ធសមាមាត្រ ដោយយកគណបក្សនយោបាយជាតួឯកប្រកួតប្រជែងមិនអាចមានប្រទេសណាមួយមកជៀតជ្រែកបាន ឡើយ ។ នេះបើតាមអះអាងរបស់អ្នកនាំពាក្យគណបក្សកាន់អំណាច ។…
រាជធានីភ្នំពេញ ៖ ប្រទេសកម្ពុជាប្រកាន់របបនយោបាយប្រជាធិបតេយ្យសេរីពហុបក្ស ហើយការបោះឆ្នោតប្រ ព្រឹត្តទៅតាមប្រព័ន្ធសមាមាត្រ ដោយយកគណបក្សនយោបាយជាតួឯកប្រកួតប្រជែងមិនអាចមានប្រទេសណាមួយមកជៀតជ្រែកបាន ឡើយ ។ នេះបើតាមអះអាងរបស់អ្នកនាំពាក្យគណបក្សកាន់អំណាច ។
លោកសុខឥសានបានបានឲ្យដឹងតាមសារតេឡេក្រាមនៅថ្ងៃទី២១ មីនា ឆ្នាំ២០១៨ តាមសារអេឡិចត្រូនិចតេឡេក្រាមថា បេក្ខភាពនាយករដ្ឋមន្ត្រីចេញពីគណបក្សឈ្នះឆ្នោត ហើយការជ្រើសរើសជាសិទ្ធិសម្រេចរបស់គណបក្សនីមួយៗ ដោយគ្មានអ្នកណាលូកលាន់បានឡើយ ដូច្នេះនាយករដ្ឋមន្ត្រីកាន់តំណែងយូរ ប្ញមិនយូរអាស្រ័យលើការសម្រេចចិត្តរបស់ប្រជាជនបោះឆ្នោតគាំទ្រគណបក្សនោះ ប្ញយ៉ាងណាតែប៉ុណ្ណោះមិនមានអ្នកណាចាប់បង្ខំបានជាដាច់ខាត ។
លោកក៏បានគូសបញ្ជាក់ថា «នេះហើយជាលទ្ធិប្រជាធិបតេយ្យនៅប្រទេសកម្ពុជាមិនអាចយកប្រជាធិបតេយ្យប្រទេសដទៃមកចាប់បង្ខំកម្ពុជាឲ្យអនុវត្តតាមបានជាដាច់ខាត ។ ហេតុនេះកុំមានការថ្នាំងថ្នាក់ ប្ញក៏ច្រណែននឹងសម្តេចតេជោហ៊ុន សែន ដែលបេក្ខភាពនាយករដ្ឋមន្ត្រីរបស់គណបក្សប្រជាជនកម្ពុជា ដែលបានឈ្នះឆ្នោតច្រើនអាណត្តិមកហើយ សម្តេចត្រូវធ្វើនាយករដ្ឋមន្ត្រីច្រើនអាណត្តិ អញ្ចឹងហើយ បើប្រជាជននៅតែបោះឆ្នោតគាំទ្រគ ណបក្សប្រជាជនកម្ពុជាតទៅទៀត សម្តេចតេជោ នៅតែបន្តកាន់តំណែងជានាយករដ្ឋមន្ត្រីតទៅទៀត តាមឆន្ទៈរបស់ប្រជាជនកម្ពុជា ។ ករណីនេះទោះបីមានការដាក់ចំណាត់ថ្នាក់យ៉ាងណា ប្ញលាបពណ៌ថា ផ្តាច់ការយ៉ាងណា ក៏ស្រេចលើ ចិត្តអ្នកដាក់ តែគ្មានសិទ្ធិរំលោភឆន្ទៈប្រជាជនកម្ពុជា បានជាដាច់ខាត ។
លោកសុខឥសានក៏បានលើកឡើងថា នៅក្នុងប្រទេសប្រជាធិបតេយ្យអំណាចជារបស់ប្រជាជន ហើយប្រទេសនីមួយៗនៅលើពិភពលោកមានប្រជាធិបតេយ្យដោយឡែកៗពីគ្នា អាស្រ័យលើការសម្រេចចិត្តរបស់ប្រជាជននៃប្រទេសនោះ ហើយដែលមានចែងនៅក្នុងរដ្ឋធម្មនុញ្ញ ។ ឧទាហរណ៍នៅសហរដ្ឋអាមេរិកមានប្រជាធិបតេយ្យបែបអាមេរិកប្រធានាធិបតីអាចកាន់តំណែងបានយ៉ាងយូរ ២អាណត្តិ មានរយៈពេល៨ឆ្នាំ ។ អំណាចស្ថិតនៅលើប្រធានាធិបតី ចង់ដក ដាក់មន្ត្រីណាស្រេចលើប្រធានាធិបតី រួមទាំមន្ត្រីតុលាការផង ។ នៅប្រទេសចិនមានប្រជាធិបតេយ្យបែបចិន ដែលមានប្រជាជនប្រមាណ ១៥០០លាននាក់ ។ ប្រជាជនចិនរីកចម្រើនតាំងពីហូបបបររហូតដល់ក្លាយជាមហាអំណាចសេដ្ឋកិច្ចពិភពលោក អាស្រ័យដោយប្រជាធិបតេយ្យបែបចិន ។ ឥឡូវនេះប្រជាជនចិន បានធ្វើវិសោធនកម្មរដ្ឋធម្មនុញ្ញ មិនកំណត់អាណត្តិប្រធានាធិបតី ដើម្បីបន្តនិរន្តរភាពនៃការដឹកនាំឲ្យមានការរីកចម្រើនជាប់ ។ ដូច្នេះ មិនអាចនិយាយថា ប្រជាធិបតេយ្យប្រទេសនេះល្អជាង ប្រជាធិបតេយ្យប្រទេសនោះបានទ វាអាស្រ័យលើឆន្ទៈ និងការសម្រេចចិត្តរបស់ប្រជាជនប្រទេសនីមួយៗតែប៉ុណ្ណោះ ។ គ្មានប្រទេសណា ប្ញ មជ្ឈដ្ឋានណាមានសិទ្ធិកំណត់ឲ្យយករូបមន្តអ្វីមួយតាមខ្លួនចង់បាននោះឡើយ ។
លោកបញ្ជាក់ថា « នៅប្រទេសប្រជាធិបតេយ្យ ប្រជាជននៅប្រទេសនោះជាអ្នកមានសិទ្ធិសម្រេចជោគវាសនាក្នុងក្របខ័ណ្ឌប្រជាធិបតេយ្យរបស់ប្រទេសខ្លួនផ្ទាល់ ហើយគ្មានប្រទេសណាផ្សេងអាចលូកដៃជ្រៀតជ្រែកបានជាដាច់ខាត » ៕
ចែករំលែកព័តមាននេះ