កុំថាឡើយអ្នកក្នុងភូមិ សូម្បីតែមន្ត្រីក៏នៅមិនស្រណុក
- កំពត
ខេត្តកំពត ៖ គ្រួសារក្រីក្រមួយ មានសមាជិក៤នាក់ គឺប្ដី-ប្រពន្ធ និងកូនប្រុស-ស្រី២នាក់ រស់នៅភូមិច្រនៀងទេរ ឃុំភ្នំប្រាសាទ ស្រុកកំពង់ត្រាច ។…
ខេត្តកំពត ៖ គ្រួសារក្រីក្រមួយ មានសមាជិក៤នាក់ គឺប្ដី-ប្រពន្ធ និងកូនប្រុស-ស្រី២នាក់ រស់នៅភូមិច្រនៀងទេរ ឃុំភ្នំប្រាសាទ ស្រុកកំពង់ត្រាច ។…
ខេត្តកំពត ៖ គ្រួសារក្រីក្រមួយ មានសមាជិក៤នាក់ គឺប្ដី-ប្រពន្ធ និងកូនប្រុស-ស្រី២នាក់ រស់នៅភូមិច្រនៀងទេរ ឃុំភ្នំប្រាសាទ ស្រុកកំពង់ត្រាច ។ កាលពីរសៀលថ្ងៃទី១៩ មីនា កន្លងទៅ បុរសជាប្ដីបាននាំកូនប្រុស-ស្រី២នាក់ ដែលសុទ្ធតែពិការភ្នែកពីកំណើត គឺគ្រាន់តែមើលឃើញព្រាលៗ និងព្រិចភ្នែករហូត ដែលកូនស្រីអាយុ១០ឆ្នាំ និងកូនប្រុសអាយុ៥ឆ្នាំ ទៅអូសឈឹបរកត្រីយកមកលក់ គ្រាន់ដោះស្រាយជីវភាពក្នុងគ្រួសារ ។ ជាអកុសលស្រាប់តែជួបរឿងគួរឲ្យសង្វេគគឺ ឪពុកបានលង់ទឹកស្លាប់នៅស្រះទឹកមួយនៅក្នុងភូមិនោះ ។
ស្រី្តឈ្មោះ ហែម ឃីម អាយុ៤០ឆ្នាំ ជាប្រពន្ធ ដែលភ្នែកពិការមើលឃើញព្រាលៗដែរនោះនិយាយថា គ្រួសាគាត់់ក្រីក្រណាស់ សម្រាប់ជីវភាពប្រចាំថ្ងៃមានតែការរកត្រី និងខ្យងក្ដាមលក់ប៉ុណ្ណោះ តែពេលនេះប្ដីគាត់លង់ទឹកស្លាប់ទៀតខណៈទៅរកត្រីជាមួយកូន ។ ស្ត្រីជាប្រពន្ធនិយាយទៀតថា គាត់មិនបានទៅរកត្រីជាមួយប្ដីទេ តែកូនស្រីបងឈ្មោះសុខ ពេជ្រ អាយុ១០ឆ្នាំ និងកូនប្រុស សុខ សេរីវឌ្ឍនា អាយុ៥ឆ្នាំ ព្រមទាំងក្មួយប្រុសម្នាក់ទៀត អាយុ១២ឆ្នាំទៅជាមួយ ។ ពេលចុះមុជរាវត្រីក្នុងទឹកស្រះមិនឃើញឪពុកងើបមកវិញ ទើបកូនៗរត់មកប្រាប់ម្ដាយ និងបានដឹងថា ប្តីគាត់លង់ទឹកស្លាប់ទៅហើយ ។
នៅវេលាម៉ោង៤ល្ងាចថ្ងៃដដែលនោះ អ្នកភូមិបានជួយរកសពឃើញយកមកធ្វើបុណ្យ ហើយម្នាក់ៗមានក្ដីអាណិតអាសូរគ្រួសារនេះយ៉ាងខ្លាំង ដែលពេលនេះបុរសជាប្ដីឈ្មោះ សុខ រ៉ា អាយុ៣៨ឆ្នាំ លង់ទឹកស្លាប់ ឯប្រពន្ធនិងកូនៗសុទ្ធតែពិការភ្នែក ម្នាក់ៗទាល់តែនៅជិតគ្នាណាស់ ទើបមើលគ្នាឃើញ ។
នៅព្រឹកថ្ងៃទី២០ មីនា លោក អូន ខន អភិបាលស្រុកកំពង់ត្រាច រួមដំណើរដោយលោកសេង សុគន្ធ អធិការនគរបាលស្រុក បាននាំយកអំណោយមានអង្ករ ប្រាក់ចំនួន៣០មុឺនរៀល និងមឈូសមួយទៅជួយបុណ្យសព ។ បើតាមមន្ត្រីនគរបាលខេត្តឱ្យដឹងថា មឈូសដែលនាំយកទៅប្រគល់ឱ្យគ្រួសារសព ទូទាំងខេត្តមានចំនួន១១៤ហើយ ដែលលោកឧត្តមសេនីយ៍ ម៉ៅច័ន្ទមធុរឹទ្ធ ស្នងការនគរបាលខេត្តផ្តល់ជូនដល់គ្រួសាសព ដោយសារគ្រោះថ្នាក់ផ្សេងៗនៅក្នុងខេត្ត ៕
ចែករំលែកព័តមាននេះ