ពេលនេះ តារាកំប្លែងនាយ សានម៉ៅ សង្គ្រោះបន្ទាន់នៅមន្ទីរពេទ្យ
- ភ្នំពេញ
រាជធានីភ្នំពេញ ៖ នាយ សាន ម៉ៅ ដែលល្បីថា ឈឺជំងឺទឹកនោមផ្អែមអស់ជាច្រើនឆ្នាំមកហើយនេះ ស្រាប់តែកាលពីថ្ងៃ១៧ ខែមីនា ឆ្នាំ២០១៨…
រាជធានីភ្នំពេញ ៖ នាយ សាន ម៉ៅ ដែលល្បីថា ឈឺជំងឺទឹកនោមផ្អែមអស់ជាច្រើនឆ្នាំមកហើយនេះ ស្រាប់តែកាលពីថ្ងៃ១៧ ខែមីនា ឆ្នាំ២០១៨ បានធ្វើទុក្ខស្លឈាមរហូតបញ្ជូនទៅសង្គ្រោះបន្ទាន់នៅមន្ទីរពេទ្យកាល់ម៉ែត ដោយស្ថានភាពធ្ងន់ធ្ងរនៅឡើយ។
បើយោងតាមការប្រកាសពីសមាគមសិល្បករខ្មែរដែលមានអ្នកនាង ចន ច័ន្ទលក្ខិណា ជាប្រធានបានផ្តល់ជូនសមាជិកឱ្យជ្រាបថា លោក សាន ម៉ៅ មានឈ្មោះពិត ធូ ចំរ៉ុង កំពុងត្រូវបានក្រុមវេជ្ជបណ្ឌិតនៅមន្ទីរពេទ្យកាល់ម៉ែត ជួយសង្គ្រោះអាយុជីវិតជាបន្ទាន់។ ដំណឹងនេះ បានធ្វើឱ្យសិល្បករទាំងអស់ព្រួយបារម្ភបំផុត ព្រោះនាយ សាន ម៉ៅជាសិល្បករល្បីល្បាញឈរជើងបម្រើសិល្បៈយូរឆ្នាំមកហើយ និងមានជំនាញសមត្ថភាពដ៏កម្ររក ដោយសារលោកចេះទាំងកំប្លែង និងជាអ្នកសម្តែងល្ខោនបាសាក់មានភាពស្ទាត់ជំនាញ។
ខណៈពេលដែលលោកឈឺ គេឃើញតារាកំប្លែងនាយក្រឹមបានទៅសួរសុខទុក្ខ ហើយក៏ទទួលដំណឹងថា សិល្បករផ្សេងទៀតត្រៀមទៅសួរនាំលោក សាន ម៉ៅ ផងដែរ។
ប៉ុន្តែយោងលើការបង្ហោះតាមបណ្តាញសង្គមរបស់លោក អ៊ឹម ជីវ៉ា បានលើកឡើងថា «តារាកំប្លែងលោក ធូ ចំរ៉ុង ហៅនាយសាន ម៉ៅ កំពុងសង្គ្រោះបន្ទាន់នៅមន្ទីពេទ្យកាល់ម៉ែត ដោយសារជំងឺបេះដូង និងទឹកក្នុងសួតធ្ងន់ធ្ងរ។ ខ្ញុំបាទ អ៊ឹម ជីវ៉ា តំណាងឱកយសមាគមសិល្បករខ្មែរដែលមានអ្នកបង ចន ច័ន្ទលក្ខិណា ជាប្រធាន និងបងប្រុស ហេង ឡុង បានយកថវិកាមកឧបត្ថម្ភដល់នាយ សាន ម៉ៅ នូវថវិកាចំនួន2,000,000 លានរៀល»។
នេះជាព័ត៌មានបឋមដែលយើងទទួលបាន ហើយក៏រំពឹងថា លោក សាន ម៉ៅ នឹងវិលមករកស្ថានភាពប្រសើរឡើងវិញមិនធ្ងន់ធ្ងរជាងនេះ។ កន្លងមក អាការៈរបស់លោក សាន ម៉ៅ គឺមានជំងឺទឹកនោមផ្អែមយូរមកហើយ ប៉ុន្តែស្ថានភាពនៅអាចប្រសើរ អាចបោះជំហ៊ានបំពេញការងារបាន ទើបតែពេលនេះទេ ដែលលោកនៅមន្ទីរពេទ្យ ហើយធ្ងន់៕
ចែករំលែកព័តមាននេះ