ខេត្តស្ទឹងត្រែង ៖ មេទ័ព មេកងពល នាយទាហាន និងពលទាហាន ដែលកំពុងឈរជើងការពារបូរណភាពទឹកដីនៅតាមបន្ទាត់ព្រំដែនកម្ពុជា-ឡាវ បានប្តេជ្ញាការពារបូរណភាពទឹកដី និងដែនអធិបតេយ្យជាតិមិនឲ្យប្រទេសជិតខាងឈ្លានពានបាន១មីលីម៉ែត្រឡើយ ។…
ខេត្តស្ទឹងត្រែង ៖ មេទ័ព មេកងពល នាយទាហាន និងពលទាហាន ដែលកំពុងឈរជើងការពារបូរណភាពទឹកដីនៅតាមបន្ទាត់ព្រំដែនកម្ពុជា-ឡាវ បានប្តេជ្ញាការពារបូរណភាពទឹកដី និងដែនអធិបតេយ្យជាតិមិនឲ្យប្រទេសជិតខាងឈ្លានពានបាន១មីលីម៉ែត្រឡើយ ។ ការប្តេជ្ញាចិត្តរបស់មេទ័ព មេកងពល នាយទាហាន និងពលទាហាន បានធ្វើឡើងក្នុងពេលដែល លោក សាយ សំអាល រដ្ឋមន្ត្រីក្រសួងបរិស្ថាន អញ្ជើចុះសាកសួរសុខទុក្ខ នាយទាហាន ពលទាហាន និងកងពលតូចអន្តរាគមន៍លេខ១២៨ ចំណុះឲ្យយោធភូមិភាគទី១ ក្នុងខេត្តស្ទឹងត្រែងដែក កំពុងឈរជើងការពារបូរណភាពទឹកដីព្រះរាជាណាចក្រកម្ពុជា នាថ្ងៃទី០៧ ខែមីនា ឆ្នាំ២០១៨ ។
ឧត្តមសេនីយ៍ទោ មៀច សាមុត មេបញ្ជាការកងពលតូច១២៨ បានប្តេជ្ញាថា នឹងប្រឹងប្រែងអស់កម្លាំងកាយចិត្ត ដើម្បីការជាតិមាតុភូមិ ការពារបូរភាពទឹកដី និងអធិបតេយ្យជាតិ ដោយមិនឲ្យប្រទេសជិតខាងឈ្លាននោះឡើយ និងសូមប្តេជ្ញាស្មោះត្រង់ដាច់ខាតចំពោះព្រះមហាក្សត្រ នៃព្រះរាជាណាចក្រកម្ពុជា រដ្ឋធម្មនុញ្ញ ប្តេជ្ញាការពាររាជរដ្ឋាភិបាលស្រមច្បាប់ដែលបានកើតឡើងដោយការបោះឆ្នោតដោយឆន្ទះរបស់ប្រជាពលរដ្ឋ និងប្រឆាំងដាច់ខាតប្រយុទ្ធប្រឆាំងជាមួយចលនាបះបោរទាំងឡាយ ដែលធ្វើឲ្យជាតិធ្លាក់ក្នុងភាពវឹកវរ ។
ឧត្តមសេនីយ៍ឯក ហួត ឈាង មេបញ្ជាការរង នៃកងទ័ពជើងគោក និងជាមេបញ្ជាការយោធភូមិភាគទី១ បានបញ្ជាក់ថា កងពលតូចអន្តរាគមន៍លេខ១២៨ ដែលបានឈរជើងការពារខ្សែរបន្ទាត់ព្រំដែននៅពេលនេះ មិនមែនមានតួនាទីត្រឹមតែការពារដឹកដីប៉ុននោះទេ តែក៏បានរួមចំណែកយ៉ាងសំខាន់ក្នុងការការពារធនធានធម្មជាតិ ការពារដែនជំរកសត្វព្រៃ និងការពារឧទ្យានជាតិវិរៈជ័យ មិនឲ្យធនធានធម្មជាតិទាំងនោះត្រូវបាត់បង់ដោយជនទុច្ចរិតបំផ្លិចបំផ្លាញឡើយ ។
លោកបន្តថា កងពលតូចអន្តរាគមន៍លេខ១២៨ និងយោធភូមិភាគទី១ បានសហការណ៍គ្នាយ៉ាងជិតស្និតជាមួយនឹងក្រសួងបរិស្ថាន ក៏ដូចជាមន្ត្រីឧទ្យានុរក្សដែលកំពុងឈរជើង ដើម្បីការពារធនធានធម្មជាតិ និងការពារព្រៃឈើដ៏សប្បូបែបនេះមិនឲ្យបាត់បង់ ។ ក្នុងឱកាសចុះសួសុខទុក្ខកងទ័ព្ទ រដ្ឋមន្ត្រីក្រសួងបរិស្ថាន លោក សាយ សំអាល់ បានសម្តែងនូវការកោតសរសើរ ចំពោះភាពអង់អាចក្លាហាន និងមនសិការស្នេហាជាតិរបស់បងប្អូនកងទ័ព រួមទាំងមន្ត្រីឧទ្យានុរក្ស ដែលបានឈរជើងការពារអធិបតេយ្យ និងបូរណភាពទឹកដី និងធនធានធម្មជាតិ នៃព្រះរាជាណាចក្រកម្ពុជា ឲ្យនៅគង់វងយូរអង្វែងតទៅមុខទៀត ។
លោកមានប្រសាសន៍ថា កិច្ចការពារទឹកដីជាកាតព្វកិច្ចចំបងរបស់កងទព័យើងដើម្បីជាតិមាតុភូមិ និងប្រជាជន ក្រោមការដឹកនាំប្រកបដោយភាពឈ្លាសវៃរបស់ប្រមុខរាជរដ្ឋាភិបាលដែលមាន សម្តេចអគ្គមហាសេនាបតីតេជោ ជាមុខដឹកនាំបានរៀបចំឲ្យមានបង្គោលព្រំដែន មានផ្លូវ ស្ពាន អភិវឌ្ឍន៍សម្រាប់ទុកកូនចៅជំនាន់ក្រោយបានយល់ដឹងពីភូមិសាស្ត្រទឹកដីប្រទេសខ្លួន ។
គួបញ្ជាក់ថា កងពលតូចអន្តរាគមន៍លេខ១២៨ ត្រូវបាន សម្តេចតេជោ ហ៊ុន សែន សម្រេចបង្កើតឡើងកាលពីខែសីហា ឆ្នាំ២០១៧ នេះ ក្រោយពេលដែលកងទ័ពឡាវដកចេញពីដីកម្ពុជាក្នុងតំបន់អូរអាឡៃ ស្រុកសៀមប៉ាង ។ បច្ចុប្បន្ននេះកងពលអន្តរាគមន៍លេខ១២៨ នៃយោធភូមិភាគទី១ កំពុងឈរជើងជើងការពារបូរណភាពទឹកដីនៅតាមបន្ទាត់ព្រំដែនកម្ពុជា-ឡាវ តំបន់អូរអាឡៃ និងអូរតាង៉ាវ ស្ថិតនៅក្នុងស្រុកសៀមប៉ាង ខេត្តស្ទឹងត្រែង ៕
ចែករំលែកព័តមាននេះ