រាជធានីភ្នំពេញ ៖ ប្រមុខរាជរដ្ឋាភិបាលកម្ពុជាបានប្រកាសកាលពីថ្ងៃទី ០៤ មីនា ឆ្នាំ ២០១៨ នេះថា ដោយសារកម្ពុជាជាប្រទេសប្រកាន់លទ្ធិប្រជាធិបតេយ្យសេរីពហុបក្ស ដូច្នេះក្នុងទិវាពលកម្មអន្តរជាតិខាងមុខ…
រាជធានីភ្នំពេញ ៖ ប្រមុខរាជរដ្ឋាភិបាលកម្ពុជាបានប្រកាសកាលពីថ្ងៃទី ០៤ មីនា ឆ្នាំ ២០១៨ នេះថា ដោយសារកម្ពុជាជាប្រទេសប្រកាន់លទ្ធិប្រជាធិបតេយ្យសេរីពហុបក្ស ដូច្នេះក្នុងទិវាពលកម្មអន្តរជាតិខាងមុខ អ្នកណាចង់ហែញ្ញាតិ គឺអាចហែញ្ញាតិបាន។
សម្តេចតេជោ ហ៊ុន សែន នាយករដ្ឋមន្ត្រីកម្ពុជានៅក្នុងពិធីសំណេះសំណាលជាមួយកម្មករជាង១ម៉ឺននាក់ នៅតំបន់សេដ្ឋកិច្ចពិសេស ក្រុងព្រះសីហនុ ព្រឹកថ្ងៃអាទិត្យ ថ្ងៃទី០៤ ខែមីនា ឆ្នាំ២០១៨ នេះថាស ម្តេចក៏មានគម្រោងមានវត្តមាននៅរោងចក្រណាមួយដែលមានរៀបចំពិធីជប់លាងអបអរទិវាពលកម្មអន្តរជាតិនៅថ្ងៃទី១ ខែឧសភានេះ។
សម្តេចតេជោ មានប្រសាសន៍ថា៖ «ឯខ្ញុំអាចមានពិធីជួបជុំ ជាមួយនឹងការសប្បាយរីករាយ នៅតាមរោងចក្រណាមួយ។ ឆ្នាំហ្នឹងខ្ញុំគិតឆ្លៀត ធ្វើអញ្ចឹងវិញ គឺរោងចក្រណាមួយដែលចាត់តាំងការកំសាន្តសប្បាយជាមួយកម្មករ ខ្ញុំចង់ទៅរោងចក្រនុង […] ឧបមាគេរៀបចំបាយទឹកអី ជាមួយកម្មករទិវាពលកម្មអន្តរជាតិ យើងទៅបាយទឹកក្នុងរោងចក្រហ្នឹងតែម្តង សប្បាយជាមួយគេឯង ដើម្បីបង្កើតនូវស្ថានភាពថ្មីមួយដែលយើងបានធ្វើកន្លងទៅ»។
សម្តេចតេជោ បញ្ជាក់ថា៖ «ឯចំពោះអ្នកហែក្បូនដាក់ញាតិស្អី អានុង ជាសិទ្ធិរបស់គេទេ។ កម្មកររាប់លាននាក់ ហើយមានមនុស្ស ៣០០ នាក់ ដើរហែញ្ញាតិនោះ វាតិចណាស់ ឱ្យហែញ្ញាតិទៅ។ ប្រទេសប្រជាធិបតេយ្យ ធ្វើម៉េច វាអញ្ចឹង គេហែញ្ញាតិដាក់ស្អីដាក់ទៅ ជាសិទ្ធិរបស់គេ» ។ តែសិទ្ធិកម្មករជាទូទៅក៏ត្រូវបានការគោរពផងដែរ បើសិនគេចង់សប្បាយនៅតាមរោងចក្រ៕
ចែករំលែកព័តមាននេះ