ខេត្តកំពង់ធំ ៖ ស្ត្រីម្នាក់តូចចិត្ត ដោយមានជំងឺប្រចាំកាយបានសម្រេចចិត្តបញ្ចប់ជីវិតខ្លួនឯង ដោយចង.ករសម្លាប់ខ្លួន កាលពីព្រឹកថ្ងៃទី០១ ខែមិនា ឆ្នាំ២០១៨ នៅលើជង្រុកស្រូវរបស់ខ្លួន ស្ថិតក្នុងភូមិបឹង ឃុំចើងដើង ស្រុកបារាយណ៍ ខេត្តកំពង់ធំ ។
ប្រភពព័ត៌មានពីលោកសេនីយ៍ត្រី សន តាល់ អធិការរងនគរបាលស្រុកបារាយណ៍បានឲ្យដឹងថា ជនរង ខាងលើនេះឈ្មោះ ជុំ អេង ភេទស្រី អាយុ៥១ឆ្នាំ ប្តីឈ្មោះ ឃឹម ចន អាយុ៥០ឆ្នាំ មានកូនស្រីម្នាក់ អាយុ១៤ឆ្នាំ រស់នៅភូមិឃុំកើតហេតុខាងលើ ។
បើយោងតាមការឲ្យដឹងពីសាច់ញាតិនិយាយថា ជនរងគ្រោះមានជំងឺថ្លើម ទឹកនោមផ្អែម និងគ្រោះក្នុងតម្រងនោម ឈឺរាំរ៉ៃ ព្យាបាលមិនជាសោះ អស់រយៈកាលជាច្រើនខែឆ្នាំមកហើយ ដោយសារតែជំងឺនេះបានធ្វើឲ្យជីវភាពនៅក្នុងគ្រួសាររបស់គាត់មិនសូវធូរធារដូចគេឯងនោះទេ ដល់ឈឺយូរៗទៅធ្វើឲ្យស្ត្រីរងគ្រោះគិតខ្លីក៏ ដើម្បីបញ្ចប់នូវទុក្ខវេទនានេះ ។
លុះនៅព្រឹកថ្ងៃកើតហេតុនៅពេលដែលប្តី និងកូនមិននៅផ្ទះ មានឱកាសល្អ ជនរងគ្រោះក៏បានយកខ្សែរនីឡុងឡើងទៅចង.ករ ជាមួយនឹងឈើដំបូលជង្រុកស្រូវ បណ្តាលឲ្យស្លាប់បាត់បង់អាយុជីវិតតែម្តងទៅ ។
បន្ទាប់ពីសមត្ថកិច្ចចុះពិនិត្សសពរួច ក៏ប្រគល់ឲ្យសាច់ញាតិយកទៅធ្វើបុណ្យតាមប្រពៃណី ៕
ចែករំលែកព័តមាននេះ