រាជធានីភ្នំពេញ ៖ ក្នុងពេលដែលបងប្រុសនាយចយ មានសេចក្តីសុខ ព្រោះរៀបការពេញមុខ នាងកញ្ចុបវិញនឹកឡើងចម្បែងចិត្តអាណិតខ្លួនមានមុខមាត់មិនទាក់ទាញ ហើយជានារីដែលត្រូវរីកសាយនៃសម្រស់ មិនដឹងជាមានវាសនាល្អឆ្លងដល់ការសំពះផ្ទឹមដូចនាយចយ ឬអត់ទេ? គេសង្កេតឃើញថា…
រាជធានីភ្នំពេញ ៖ ក្នុងពេលដែលបងប្រុសនាយចយ មានសេចក្តីសុខ ព្រោះរៀបការពេញមុខ នាងកញ្ចុបវិញនឹកឡើងចម្បែងចិត្តអាណិតខ្លួនមានមុខមាត់មិនទាក់ទាញ ហើយជានារីដែលត្រូវរីកសាយនៃសម្រស់ មិនដឹងជាមានវាសនាល្អឆ្លងដល់ការសំពះផ្ទឹមដូចនាយចយ ឬអត់ទេ?
គេសង្កេតឃើញថា នៅក្នុងពិធីរៀបមង្គលការនាយចយ ឃើញពន្លកតារាកំប្លែងនាងកញ្ចុប បានតុបតែងកាយរ៉ូបពណ៌ទឹកប៊ិចវែង ផាត់មុខលាបម្ស៉ៅញញឹមទាញយកភាពរីករាយ បើទោះជាមុខមាត់បែបណាក៏ជារបស់ធម្មជាតិម្តាយផ្តល់ជូន។ យ៉ាងណាមិញនៅក្នុងចិត្តពេលសួរនាំរឿងនេះ នាងកញ្ចុបសែនអាណិតខ្លួន ហើយរឹតតែអត់ដឹងថា អនាគតមានភ័ព្ទវាសនាគ្រងឈុតសម្លៀកបំពាក់ប្រពៃណីរៀបការខ្មែរក្រោមការទះដៃជូនពរដូចដែលនាយចយ សាងឡើងដែរឬអត់ទេ! ។
នាងកញ្ចុបបានរៀបរាប់នៅពេលចូលរួមមង្គលការបងប្រុសថា «បើនិយាយរឿងប្តីបានដូចគេអត់ នៅពេលខាងមុខនាងអត់សង្ឃឹមទេ សូន្យតែម្តង បើយើងមុខមាត់ចឹង! នាងថា ជាតិនេះអត់គូបាត់ហើយ បុរសៗគេមានលុយដណ្តឹងប្រពន្ធ មិនយកទេប្រពន្ធមិនស្អាត មានតែពឹងលើព្រេងសំណាង»។ កញ្ចុបដែលឆ្នាំនេះប្រាប់ថា «ពេញក្រមុំវ័យ១៨ឆ្នាំទៅហើយ» ពោលឡើងទៀតថា «អារម្មណ៍ពេលនេះ អត់គិតដល់ថា អនាគតមានស្វាមីទេ សំខាន់ត្រូវរកការងារឱ្យល្អសន្សំលុយកាក់ទុកទាន់ខ្លួននៅក្មេង។ បើនិយាយពីរឿងសិក្សារៀនបានថ្នាក់ទី៧ប៉ុណ្ណោះ លុះមានឱកាសសម្តែងជាមួយលោកពូក្រឹម គឺសប្បាយចិត្តដែលអាចធ្វើឱ្យនាងរកប្រាក់បានខ្លះយកទៅជូនលោកឪពុក អ្នកម្តាយ និងទុកខ្លួនឯង»។
នាងបន្តថា «កាលពីមុននៅឯស្រុកក្រែក ខេត្តត្បូងឃ្មុំ នាងបាត់មុខ១រយៈ ទើបតែពេលនេះមកវិញ ពូក្រឹមហៅថតកំប្លែងជូនទូរទស្សន៍បាយ័នបានប៉ុន្មានរឿងដែរ នាងស្រឡាញ់ការសម្តែង ហើយរំពឹងថា វត្តមានវាយលុកក្នុងពិភពសិល្បៈរបស់ខ្លួន ពិតជាអាចលេចធ្លោដូចបងប្រុសនាយចយ»។ នាងកញ្ចុបបានស្នើដល់បណ្តាផលិតករភាពយន្តទាំងអស់អាចយកនាងថតសម្តែងផង ដើម្បីបានពង្រីកលទ្ធភាពរកប្រាក់ចំណូលផង និងសាងស្នាដៃភាពយន្តផង ព្រោះនាងមានគោលការណ៍ថា បើសល់លុយល្មមនោះ ចង់បង្កើតកន្លែងលក់ដូរខ្លះនៅក្នុងផ្ទះនាពេលខាងមុខ។
ចំណែកនាយចយជាបងប្រុសនាងកញ្ចុបវិញថា «ក្នុងចំណោមបងប្អូន៨នាក់ មានតែលោក និងប្អូនស្រីកញ្ចុបទេ មានមុខមានចឹង។ ប៉ុន្តែមិនបានទំនាស់តូចចិត្ត ឬបន្ទោសអ្នកមានគុណឡើយ»។ នាយចយសង្ឃឹមថា កញ្ចុបប្អូនស្រីពិតជាជួបគូព្រេងមានមេឃធាងដូចជាខ្លួនដែរ និងសង្ឃឹមថា សិល្បៈរបស់នាងហក់ឡើង ហើយបងៗផលិតករទាំងអស់អាណិតទាំងលោក និងប្អូនស្រីបានថតភាពយន្តជាច្រើន ដើម្បីកុំឱ្យតែមានកំប្លែងតែ១មុខ។
ចែករំលែកព័តមាននេះ