តារាចម្រៀងប៉ែន សារ៉ាវ ចំណាយប្រាក់រួមគ្នារៀបការ
- ភ្នំពេញ
រាជធានីភ្នំពេញ ៖ តារាចម្រៀង និងសម្តែងលោកប៉ែន សារ៉ាវ បានចូលរោងការកាលពីព្រឹកថ្ងៃទី២៥ ខែកុម្ភៈ ២០១៨ បន្ទាប់ពីឈ្វេងយល់ចិត្តគ្នាអស់រយៈពេល១ឆ្នាំ ។…
រាជធានីភ្នំពេញ ៖ តារាចម្រៀង និងសម្តែងលោកប៉ែន សារ៉ាវ បានចូលរោងការកាលពីព្រឹកថ្ងៃទី២៥ ខែកុម្ភៈ ២០១៨ បន្ទាប់ពីឈ្វេងយល់ចិត្តគ្នាអស់រយៈពេល១ឆ្នាំ ។
មង្គលការនេះរៀបចំនៅភោជនីយដ្ឋាន Friend House និងបន្តទទួលភ្ញៀវនៅពេលល្ងាចនៅភោជនីយដ្ឋានដដែលនោះដោយមានភ្ញៀវប្រមាណ៥០០នាក់ចូលរួម ។
លោកប៉ែន សារ៉ាវ បញ្ជាក់ថា ភរិយារបស់លោក គឺជាជាងអ៊ុតសក់នៅម្តុំចោមចៅឈ្មោះ ហៀក សារីម ។ ក្រោយរៀបការរួចលោកនៅតែបន្តការងារសិល្បៈដដែល ហើយភរិយារបស់លោកក៏នៅតែបន្តការងាររបស់នាងដដែលដែរ ។
ភរិយារបស់លោកប៉ែន សារ៉ាវ មិនហាមស្វាមីចាប់អាជីពសិល្បៈទេ ព្រោះជាការពេញចិត្ត និងជីវិតរីកដុះដាលបានក៏ដោយសារសិល្បៈ ។ នាងថាមិនប្រច័ណ្ឌស្វាមីទេគ្រាដែលនាងយល់ច្បាស់ពីអ្នកសិល្បៈ ។
លោកប៉ែន សារ៉ាវ កន្លងមកតស៊ូខ្លាំងក្នុងអាជីពសិល្បៈទម្រាំបានជីវិតលូតលាស់ដូចសព្វថ្ងៃ ។
ពិធីរៀបការនេះលោកប៉ែន សារ៉ាវ អត់ឲ្យអ្នកមានគុណចំណាយប្រាក់ទេ គឺលោក និងភរិយារួមគ្នារៀបចំឡើង ។ ចំណែកទីកន្លែងជប់លៀងពេលល្ងាច គឺលោកថៅកែហាងហ្វ្រេនហោស សុខចិត្តបិទហាងមួយថ្ងៃពេញ ដើម្បីឱ្យរៀបចំកម្មវិធីមង្គលការលោក ដោយលោកជាអ្នកចម្រៀងប្រចាំហាងនោះដែរ ៕
ចែករំលែកព័តមាននេះ