រាជធានីភ្នំពេញ ៖ តារាសម្តែងកញ្ញាពៅ លីដា បានបង្ហាញភាពហ៊ឺហារបស់ខ្លួនបន្ថែមទៀតតាមរយៈរថយន្តថ្មីម៉ាក luxus ២០១៨ មានតម្លៃជាង២០ម៉ឺនដុល្លារ ។ នេះជារថយន្តថ្មីដ៏ទំនើបមួយគ្រឿងដែលពៅ…
រាជធានីភ្នំពេញ ៖ តារាសម្តែងកញ្ញាពៅ លីដា បានបង្ហាញភាពហ៊ឺហារបស់ខ្លួនបន្ថែមទៀតតាមរយៈរថយន្តថ្មីម៉ាក luxus ២០១៨ មានតម្លៃជាង២០ម៉ឺនដុល្លារ ។
នេះជារថយន្តថ្មីដ៏ទំនើបមួយគ្រឿងដែលពៅ លីដា ទើបទទួលបាន បន្ទាប់ពីមុននេះនាងបានបង្ហាញរថយន្ត land cruiser មានតម្លៃជិត១០ម៉ឺនដុល្លារ ។
កាដូរថយន្តដែលទើបតែទទួលបាននេះត្រូវបានពៅ លីដា បង្ហោះតាមហ្វេសប៊ុកជាមួយនឹងសារអបអរសាទរពីប្រិយមិត្តគាំទ្រ ។
ពៅ លីដា បានបង្ហោះសារភ្ជាប់ជាមួយរថយន្តថ្មីនេះថា «កូនសូមអរគុណណាស់លោកពុកអ្នកម្តាយដែលបានរួមចិត្តគ្នាទិញកាដូដ៏មានតម្លៃជាទីបំផុតឱ្យកូន នៅក្នុងឆ្នាំ២០១៨នេះ ។ កូនសប្បាយចិត្តខ្លះណាស់ពីដើមរហូតមកដល់ពេលនេះលោកទាំងពីរតែងតែបំពេញបំណងកូនរហូតមិនដែលថាទេសូម្បីមួយម៉ាត់ មានតែប្រើពាក្យថា កូនចាំបន្តិចសិនណា ។ កូនសូមជូនពរ ឲ្យលោកមានគុណទាំងពីរ មានសុខភាពល្អ មាំមួន និងមានតែជ័យជម្នះគ្រប់យ៉ាងទាំងអស់ មានអាយុយឺនយូរ ធ្វើជាម្លប់ឱ្យកូនជ្រកជារៀងរហូត»។
ការបង្ហាញភាពហ៊ឺហាក្នុងជីវិតរស់នៅប្រចាំថ្ងៃរបស់ពៅ លីដា ជាបន្តបន្ទាប់ក្នុងរយៈពេលចុងក្រោយនេះ ព្រមគ្នាជាមួយនឹងអាជីពសិល្បៈនិងជំនួញផ្ទាល់ខ្លួនកំពុងទទួលជោគជ័យព្រមគ្នា ។
ទោះជាយ៉ាងណាក្តីកន្លងមកក្នុងពិភពសិល្បៈ មានការខ្សឹបខ្សៀវគ្នាថា តារាភាពយន្តសម្បុរស្រអែមស្រស់កញ្ញាពៅ លីដា ដែលកំពុងហ៊ឺហានឹងរថយន្តទំនើប និងរស់នៅក្នុងវីឡាដ៏ធំស្កឹមស្កៃតម្លៃជាង២០ម៉ឺនដុល្លារ គឺទំនងមានអ្នកឧបត្ថម្ភនៅពីក្រោយ ។
មជ្ឈដ្ឋានជាច្រើនទាំងក្នុង និងក្រៅរង្វង់សិល្បៈ មានការភ្ញាក់ផ្អើលខ្លាំង នៅពេលដែលតារាភាពយន្តកញ្ញាពៅ លីដា មានជីវភាពលេចធ្លោដាច់តារាសិល្បៈល្បីឈ្មោះមួយចំនួន។ ក្រៅពីមានទ្រនំវីឡាដ៏ធំស្កឹមស្កៃនៅបុរីពិភពថ្មី លីដា បានផ្លាស់ប្តូររថយន្តជាបន្ទាប់ ដែលក្រៅពីប្តូរពី Lexus RX300 មកជិះ Tundra មិនបានប៉ុន្មានផង ស្រាប់តែទិញបន្ថែម Land cruiser តម្លៃជាង១០ម៉ឺនដុល្លារ ទៀត ។
ខណៈដែលលីដា កំពុងតែហ៊ឺហានោះ គេអាចដឹងត្រឹមថា បច្ចុប្បន្ននេះក្រៅពីមានចំណូលពីអាជីពសិល្បៈ នាងមានហាងថែរក្សាសម្រស់មួយនៅម្តុំផ្សារដីហុយ ហើយក្រុមគ្រួសាររបស់នាងមានមុខរបរលក់ផ្អកតាមអនឡាញ ។
ស្របពេលដែលជីវភាពមានការប្រែប្រួលយ៉ាងឆាប់រហ័សពៅ លីដា បានប៉ះនឹងដំណឹងជាហូរហែថា នាងមានអ្នកពិសេសចាំជួយជ្រោមជ្រែងពីក្រោយខ្នង ខណៈដែលកន្លងមកផ្ទុះដំណឹងថា នាងបានជួបឪពុកបង្កើតវិញ បន្ទាប់ពីបែកគ្នា២១ឆ្នាំ ដែលឪពុករបស់នាងមានងារជាមន្ត្រីធំផ្កាយ២ ទ្រព្យស្តុក គាប់ជួននឹងព័ត៌មានសាយភាយថា មានបុរសសម្បូរទ្រព្យមួយចំនួនតាមស្នេហ៍នាងផងនោះ ។ ប៉ុន្តែរាល់ពេលអ្នកសារព័ត៌មានចោទសួរ លីដា តែងតែអះអាងថា អ្វីដែលនាងមានពេលនេះ ជាកម្លាំងញើសឈាមរបស់នាង រួមជាមួយក្រុមគ្រួសារទាំងស្រុង គឺគ្មាននរណាជួយឧបត្ថម្ភនាងទេ ។
ចំពោះអាជីពសិល្បៈពៅ លីដា នៅតែមានទីផ្សារច្រើន ទាំងសម្តែងភាពយន្ត ថតឈុតខារ៉ាអូខេ និងថតស្ប៉តពាណិជ្ជកម្មជាដើម ។ បច្ចុប្បន្ននាងកំពុងលេចមុខតាមកញ្ចក់ទូរទស្សន៍ PNN ជាតួឯកក្នុងរឿង «ក្រមុំឆ្នាសប៉ះមេស្រុកឆ្នើម» និងកំពុងថតជាតួឯករឿងភាគថ្មី «ដួងចន្ទ ដួងចិត្ត» ៕
ចែករំលែកព័តមាននេះ