ខេត្តស្វាយរៀង ៖ បុរសជាមេភូមិម្នាក់ ទើបតែទិញរថយន្តថ្មីបាន៣ថ្ងៃ បើកបរនៅស្ទើរភ្លើងជាន់ហ្គែរ បែរច្រឡំថាហ្វ្រាំង ក៏ជ្រុលទៅបុកប្រពន្ធខ្លួងឯងស្លាប់យ៉ាងអាណោចអាធ័ម ខណៈដែលប្រពន្ធកំពុងបោយដៃធ្វើសញ្ញារ៉ឺយែឱ្យថយក្រោយចូលក្នុងរោងដាក់រថយន្ត ស្រាប់តែជាន់ហ្គែរគំហុកទៅមុខបុកប្រពន្ធចំពីមុខពេញទំហឹង កិនពីលើបណ្តាលឲ្យស្លាប់ភ្លាមៗ។…
ខេត្តស្វាយរៀង ៖ បុរសជាមេភូមិម្នាក់ ទើបតែទិញរថយន្តថ្មីបាន៣ថ្ងៃ បើកបរនៅស្ទើរភ្លើងជាន់ហ្គែរ បែរច្រឡំថាហ្វ្រាំង ក៏ជ្រុលទៅបុកប្រពន្ធខ្លួងឯងស្លាប់យ៉ាងអាណោចអាធ័ម ខណៈដែលប្រពន្ធកំពុងបោយដៃធ្វើសញ្ញារ៉ឺយែឱ្យថយក្រោយចូលក្នុងរោងដាក់រថយន្ត ស្រាប់តែជាន់ហ្គែរគំហុកទៅមុខបុកប្រពន្ធចំពីមុខពេញទំហឹង កិនពីលើបណ្តាលឲ្យស្លាប់ភ្លាមៗ។
ហេតុការណ៍នេះ កាលពីវេលាម៉ោង១១ និង០៧នាទីព្រឹកថ្ងៃទី២៣ កុម្ភៈ ស្ថិតនៅចំណុចខាងមុខផ្ទះរបស់ជនរងគ្រោះ ស្ថិតក្នុងភូមិកណ្តាល ឃុំខ្សែត្រ ស្រុកកំពង់រោទ៍ ខេត្តស្វាយរៀង ។ បើតាមសមត្ថកិច្ចឱ្យដឹងថាករណីគ្រោះថ្នាក់ចរាចរណ៍នេះ បង្កឡើងដោយបុរសជាប្តី បើករថយន្តម៉ាកLexus Rx300 ពណ៌.សស្លាកលេខ 4Hzx239 មានឈ្មោះម៉ម សូត្រ អាយុ៥១ឆ្នាំ ជាមេភូមិកណ្តាល ។ ដោយឡែក ស្ត្រីរងគ្រោះដែលស្លាប់ឈ្មោះដូង សៅ អាយុ៤៩ឆ្នាំ ត្រូវជាប្រពន្ធ ។ នៅកន្លែងកើតហេតុ មានការខូចខាតម៉ូតូមួយគ្រឿងម៉ាកហុងដាសេ១២៥ ស៊េរីឆ្នាំ២០១៦ ពណ៌ខ្មៅ ខូចខាតយ៉ាងដំណំ ។
ប្រភពមួយទៀតបានឱ្យដឹងថា កាលពីពេលព្រឹកកូនប្រសាជនរងគ្រោះ បើកបររថយន្តទៅក្រៅផឹកកាហ្វេ បន្ទាប់មកក៏បើកត្រឡប់មកទុកនៅខាងមុខផ្ទះ រួចក៏យកម៉ូតូជិះចេញទៅក្រៅបាត់ទៅ ។ ក្រោយមក បុរសជាឳពុកក្មេក (លោកមេភូមិ) មកពីធ្វើការឃើញរថយន្តនៅហាលក្តៅ ក៏ឈប់ម៉ូតូនៅពីមុខរថយន្តហើយហៅប្រពន្ធឲ្យមកជួយមើលក្រោយ និងស៊ីញ៉ូដៃធ្វើសញ្ញាចរាចរណ៍ ។ ចំណែកបុរសជាប្តីក៏ចូលបើករថយន្តគោលបំណងបើកថយក្រោយយករថយន្តចូលក្នុងរោងដាក់រថយន្ត ក្រោយពីដេរថយន្តឆេះហើយគឺជាន់ហ្វ្រាំងដាក់លេខអារយ៉ែថយក្រោយ ក៏ច្រឡំជាន់ហ្គែរទៅមុខ ហោះបុកប្រពន្ទកិនចំពីលើបណ្តាលឲ្យស្លាប់ភ្លាមៗ ។
ចែករំលែកព័តមាននេះ