គ្រប់មនុស្សគ្រប់គ្នាតែងតែប្រាថ្នាសុខភាពល្អ ស្បែករលាងស្រស់ថ្លា និងក្មេងជាងវ័យ ហេតុនេះការថែរក្សាចំពោះសុខភាពរាង្គកាយ គឺជារឿងមួយដែលត្រូវយកចិត្តទុកដាក់។ មានវិធីសាស្ត្រជាច្រើន ដែលយើងអាចធ្វើបាន ដើម្បីឱ្យមានសុខភាពល្អរក្សាសម្រស់បានស្រស់ស្អាតតាមសមត្ថភាព ដែលមនុស្សម្នាក់អាចធ្វើទៅបាន និងតាមលទ្ធភាពថវិកា…
គ្រប់មនុស្សគ្រប់គ្នាតែងតែប្រាថ្នាសុខភាពល្អ ស្បែករលាងស្រស់ថ្លា និងក្មេងជាងវ័យ ហេតុនេះការថែរក្សាចំពោះសុខភាពរាង្គកាយ គឺជារឿងមួយដែលត្រូវយកចិត្តទុកដាក់។ មានវិធីសាស្ត្រជាច្រើន ដែលយើងអាចធ្វើបាន ដើម្បីឱ្យមានសុខភាពល្អរក្សាសម្រស់បានស្រស់ស្អាតតាមសមត្ថភាព ដែលមនុស្សម្នាក់អាចធ្វើទៅបាន និងតាមលទ្ធភាពថវិកា មិនថា ជាសុភាពនារី ឬជាសុភាពបុរសនោះឡើយ។
ការម៉ាស្សា គឺជាវិធីសាស្ត្រមួយដែលចំណាយពេល និងថវិកាតិច ដែលអាចជួយកាត់បន្ថយស្ត្រេស ធ្វើឱ្យអារម្មណ៍ធូរស្រាល កាត់បន្ថយការតានតឹង នឹងជួយឱ្យគេងលក់បានស្រួល ជាកត្តានាំឱ្យសុខភាពល្អ ទប់ស្កាត់សម្រស់កុំឲ្យមានសភាពជ្រៀវជ្រួញ និងទុនជ្រេទៅតាមវ័យផងដែរ។
ថ្ងៃនេះយើងណែនាំរបៀបម៉ាស្សាមួយប្រភេទ មិនមែនតែសុភាពស្ត្រីនោះទេ សូម្បីតែបុរសក៏ចូលចិត្តម៉ាស្សាដែរ គឺការម៉ាស្សាខាត់ស្បែក ដែលជាការខាត់ស្បែកបែបធម្មជាតិ ជាមួយនឹងផលិតផលចំរាញ់ចេញពី ផ្លែឈឺស្រស់ និង មឺមរុក្ខជាតិ ។
ការម៉ាស្សាប្រភេទនេះ គឺដើម្បីជួយសម្រួលដល់សរសៃឈាម និងបើករន្ធរោម ដោយប្រើផលិតផលបែបធម្មជាតិ ជំរុះកោសិកាចាស់ៗ បណ្តុះកោសិកាថ្មីឡើងវិញ ហើយធ្វើអោយស្បែកទន់រលាង និងមានសំណើមតាមបែបធម្មជាតិ។
លោកវ៉ាត់ ណាឡុំ ជាគ្រូបង្រៀនម៉ាស្សានៅហាងចំប៉ីស្ប៉ា បានប្រាប់កោះសន្តិភាពថា ការម៉ាស្សាប្រភេទខាត់ស្បែកនេះ គឺភាគច្រើនផ្តោតទៅលើការថែរក្សាស្បែក និងសម្រួលដល់អរម្មណ៍ក្រោយពីរភាពហត់នឿយក្នុងការងារប្រចាំថ្ងៃ ប៉ុន្តែមិនអាចបំបាត់ការចុករោយ ស្ពឹកស្រពន់បាននោះទេ បានត្រឹមតែជួយសម្រួលតិចតួចតែប៉ុណ្ណោះ។
លោកបានបន្តថា ម៉ាស្សាប្រភេទនេះ ទិសដៅសំខាន់បំផុត គឺដើម្បីធ្វើឱ្យស្បែកស្អាត កំចាត់នូវកោសិកាចាស់នៅលើស្បែក ផ្លាស់ប្តូរកោសិកាថ្មីនៃស្បែកដែលមានសភាពជាំខ្មៅ ឬស្បែកដែលមានបញ្ហាអាលែកហ្ស៊ី ឬចាញ់កម្តៅថ្ងៃ មកឱ្យមានសភាពដូចដើមតាមធម្មជាតិវិញ ។ វាអាចនិយាយថា ការម៉ាស្សានេះជាការថែរក្សាស្បែក និងសម្រស់។ លោកប្រាប់ថា បើមានលទ្ធភាពមកម៉ាស្សាខាត់ស្បែកមួយសប្តាហ៍ម្តងរិតតែល្អ វាធ្វើឱ្យសម្រស់យើងនៅថេ នៅគង់វង្ស ក្មេងជាងវ័យ។
គ្រូបង្រៀនម៉ាស្សាដដែលនេះ និយាយបន្តថា «ដំណើរកំសាន្ត និងការងារបានតម្រូវអោយមនុស្សគ្រប់រូបប្រឈមនឹងបរិយាកាស ភាពវិវត្តន៍នៃអាយុកាលបានធ្វើសុខភាពស្បែកឆាប់ប្រែប្រូលពីក្មេងទៅចាស់។
ទាក់ទងនិងការប្រែប្រួលទាំងនេះ វាគឺជាលក្ខខណ្ឌនៃធម្មជាតិ។ បន្តែយើងកមិនត្រូវបណ្តោយខ្លួនទៅតាមពេលវេលាទាំងស្រុងនោះទេ គឺយើងត្រូវតែរកវិធីមកការពារ។ ចំប៉ីស្ប៉ាសូមធ្វើការណែនាំអំពីវីធីសាស្ត្រថែរក្សាសម្រស់តាមបែបធម្មជាតិដែលមានតំលៃថោកសមរម្យ មិនប៉ះពាល់ដល់សុខភាពស្បែករបស់អតិថិជនធានាថា មិនមានកាបាត់បង់ទ្រង់ទ្រាយដើមនៃស្បែកនោះឡើយ ប៉ុន្តែវាថែរក្សា និងផលិតនូវកោសិការបស់ស្បែក វាជួយបំបាត់នូវស្នាមខ្មៅមួយចំនួន ដោយសារកំដៅនៃព្រះអាទិត្យ ជំរះបញ្ហាធូលីដីដែលមាននៅលើស្បែក និងធ្វើឱ្យស្បែកប្រែមកជាសភាពដូចដើមវិញ»។
លោកបានប្រាប់ផងដែរ សម្រាប់ស្តាយនៃការម៉ាស្សាខាត់ស្បែក ប្រើស្តាយស្រដៀងនឹងការម៉ាស្សាប្រេង ដែលមានរយៈពេលពី១ម៉ោងកន្លះទៅ២ម៉ោង ។
នៅហាងចំប៉ីស្ប៉ា ភាគច្រើនផលិតផលប្រើសម្រាប់ខាត់ គឺផ្សំចេញពីធម្មជាតិទាំងអស់ ដែលមានដូចជាពន្លៃ ទឹកឃ្មុំ ទឹកដោះគោឆៅ ដូង អាវូកាដូ ផ្លែប័រ និងកាហ្វេជាដើម។ គ្រឿងផ្សំខាត់ស្បែកទាំងនេះ វាល្អសម្រាប់ស្បែកទូទៅ និងគ្រប់វ័យ។
លោក ណាឡុំ បានរៀបរាប់របៀបនៃការម៉ាស្សាខាត់ស្បែកនេះថា «របៀបនៃការម៉ាស្សាខាត់ស្បែកនេះ ទី១ គឺយើងម៉ាស្សាជូនគាត់ជាមួយនឹងប្រេងដែលយើងធ្វើហ្នឹងប្រហែលចន្លោះពី១៥នាទី ទៅ២០នាទី។១៥នាទី ទៅ២០នាទី អាចនិយាយបានថា វាជួយសម្រួលសរសៃរភ្ញៀវ ជាធម្មតានៅពេលដែលភ្ញៀវណាមក គឺគាត់តែងតែមានការហត់នឿយ តែងតែមានការឈឺចុកចាប់ និងស្ពឹកស្រពន់អញ្ចឹងសម្រាប់ សេវាម៉ាស្សាខាត់ស្បែក វាមិនមែនជាលក្ខណៈបំបាត់នូវបញ្ហាអស់ហ្នឹងទេ ប៉ុន្តែវាអាចជួយបន្តិចបន្តួចសម្រាប់សម្រួលអារម្មណ៍របស់គាត់មុនពេលដែលចាប់ផ្តើមព្យាបាលស្បែកគាត់។ បន្ទាប់ម៉ាស្សា១៥នាទី ទៅ២០នាទីហើយ យើងចាប់ផ្តើមខាត់អំបិលជូនគាត់ បន្ទាប់ពីខាតផលិតផលជាប្រភេទអំបិលហើយយើងប្រើគ្រីមសម្រាប់សម្អាតនៅលើស្បែកគាត់ អញ្ចឹងបន្ទាប់ពីគ្រីមមកយើងមានជាផលិតផលធម្មជាតិយកមកខាត់ជូនគាត់ ពេលដែលខាត់ផលិតផលធម្មជាតិហើយយើងឱ្យគាត់ចូលស្ទីម ស្ទីមរួចយើងឱ្យគាត់លាបឡេការពារធម្មតា»។
តម្លៃសម្រាប់ការម៉ាស្សាខាត់ស្បែកនេះ មួយម៉ោង៣៥ដុល្លារ និងពីរម៉ោង៥០ដុល្លារ។ បើទោះបីតម្លៃនេះ ហាក់ថ្លៃបន្តិចមែន តែសេវាកម្មនេះទទួលបានការចាប់អារម្មណ៍ខ្លាំងពីភ្ញៀវដែលមកចំប៉ីស្ប៉ា ដោយក្នុងមួយថ្ងៃ មានភ្ញៀវចាប់ពី១៥ ទៅ២០នាក់ ក្នុងមួយសាខា មានទាំងភ្ញៀវបុរស និងស្ត្រី ដែលជ្រើសរើសយកការម៉ាស្សាប្រភេទនេះ ។ ការម៉ាស្សាបែបខាត់ស្បែកនេះ មិនប្រកាន់វ័យ ឬភេទនោះទេ ក្មេងក៏បានធ្វើបានដែរ៕
ចែករំលែកព័តមាននេះ