តូចចិត្តមានជំងឺប្រចាំកាយចង.កសម្លា.ប់ខ្លួន ខណៈមានសតិមិនគ្រប់
- កំពង់ធំ
ខេត្តកំពង់ធំ ៖ កាលពីវេលាម៉ោង០៣រសៀល ថ្ងៃទី២០ ខែកុម្ភៈ ឆ្នាំ២០១៨ ស្ថិតក្នុងភូមិស្អៀរ ឃុំឈូក ស្រុកប្រាសាទសំបូរ ខេត្តកំពង់ធំ។…
ខេត្តកំពង់ធំ ៖ កាលពីវេលាម៉ោង០៣រសៀល ថ្ងៃទី២០ ខែកុម្ភៈ ឆ្នាំ២០១៨ ស្ថិតក្នុងភូមិស្អៀរ ឃុំឈូក ស្រុកប្រាសាទសំបូរ ខេត្តកំពង់ធំ។ មានបុរសម្នាក់មានជំប្រចាំកាយ ក្លាយជាមនុស្សមានសតិមិនសូវគ្រប់ បានចងកសម្លាប់ខ្លួននៅលើផ្ទះម្តាយ។ សមត្ថកិច្ចបានឲ្យដឹងថា ជនរងគ្រោះឈ្មោះ គុំ ហ៊ាន់ ភេទប្រុស អាយុ ៣៣ឆ្នាំ រស់នៅភូមិឃុំកើតហេតុខាងលើ។
បើយោងតាមការឲ្យដឹងពីសាច់ញាតិនិយាយថា ជនរងគ្រោះ មានជំងឺព្យាបាលមិនជាសោះអស់រយៈកាលជាច្រើនខែឆ្នាំមកហើយដល់ឈឺយូរៗទៅធ្វើឲ្យបាត់បង់ស្មារតីក្លាយជាមនុស្សមានសតិមិនសូវគ្រប់រស់នៅជាមួយម្តាយ។ លុះថ្ងៃកើតហេតុនៅពេលដែលម្តាយ និងបងប្អូនមិននៅផ្ទះ ជនរងគ្រោះ ក៏បានយកខ្សែនីឡុងទៅចងករជាមួយនឹងធ្នឹមផ្ទះបណ្តាលឲ្យស្លាប់។ បន្ទាប់ពីសមត្ថកិច្ចចុះពិនិត្យសាកសពរួច ក៏ប្រគល់ឲ្យសាច់ញាតិយកទៅធ្វើ បុណ្យតាមប្រពៃណី៕
ចែករំលែកព័តមាននេះ