ទីក្រុងបាងកក ៖ កាលពីមុន នៅពេលដែលតម្លៃជួលអគារការិយាល័យក្នុងទីក្រុងបាងកកកើនឡើងយ៉ាងខ្លាំង ក្រុមហ៊ុនជាច្រើនក្នុងតំបន់សំខាន់ៗនឹងផ្លាស់ប្តូរទីតាំងទៅកាន់អគារផ្សេងៗទៀតដើម្បីកាត់បន្ថយការចំណាយ ។ ប៉ុន្ដែបច្ចុប្បន្ននេះ តម្លៃជួលបន្តកើនឡើង ក៏ពួកគេមិនរើទីតាំង ដោយសារកង្វះការិយាល័យដែលមានទីតាំងល្អៗ…
ទីក្រុងបាងកក ៖ កាលពីមុន នៅពេលដែលតម្លៃជួលអគារការិយាល័យក្នុងទីក្រុងបាងកកកើនឡើងយ៉ាងខ្លាំង ក្រុមហ៊ុនជាច្រើនក្នុងតំបន់សំខាន់ៗនឹងផ្លាស់ប្តូរទីតាំងទៅកាន់អគារផ្សេងៗទៀតដើម្បីកាត់បន្ថយការចំណាយ ។ ប៉ុន្ដែបច្ចុប្បន្ននេះ តម្លៃជួលបន្តកើនឡើង ក៏ពួកគេមិនរើទីតាំង ដោយសារកង្វះការិយាល័យដែលមានទីតាំងល្អៗ ។
ការិយាល័យទាំងអស់ក្នុងទីក្រុងបាងកកបានទំហំ៨,៩លានម៉ែត្រការ៉េ ។ ក្នុងចំណោមនេះ មាន៣,២លានម៉ែត្រការ៉េ ស្ថិតក្នុងអគារកម្រិតល្អនិងមានអត្រាជួលរួចប្រមាណ៦% មានន័យថា ការិយាល័យដែលនៅសល់មានតែ១៩២.០០០ម៉ែត្រការ៉េប៉ុណ្ណោះ ។
ទំហំនេះរួមមាន ការិយាល័យតូចៗស្ថិតនៅជាន់ខុសៗគ្នា ។ នេះជាមូលហេតុដែលធ្វើឲ្យក្រុមហ៊ុនធំៗពិបាកក្នុងការពង្រីកការិយាល័យរបស់ខ្លួន និងធ្វើឲ្យពួកគេផ្លាស់ប្តូរការិយាល័យទៅកាន់អគារផ្សេងៗដែលមានទំហំនៅសល់ធំជាង។
និន្នាការនេះត្រូវបានគិតថា នឹងបន្តរហូតដល់ឆ្នាំ២០២១យ៉ាងតិច ព្រោះពេលនោះមានការិយាល័យប្រមាណ២៨៦.០០០ម៉ែត្រការ៉េទៀតនឹងសម្រេចការសាងសង់ និងជួយកាត់បន្ថយបញ្ហាកង្វះការិយាល័យក្នុងបាងកក ។
យោងតាម Thailand Property Intelligence Centreរបស់ក្រុមហ៊ុនJLLបានឲ្យដឹងថា ការិយាល័យប្រមាណ៥៥៤.០០០ម៉ែត្រការ៉េនឹងសម្រេចការសាងសង់ក្នុងកំឡុងឆ្នាំ២០១៨ដល់២០២១ឬជាមធ្យមស្មើ១៨៥.០០០ម៉ែត្រការ៉េក្នុង១ឆ្នាំ ។
ក្នុងពេលបច្ចុប្បន្ននេះ ក្រុមហ៊ុនដែលចង់បង្កើនចំនួនបុគ្គលិកបន្ថែម និងស្ថិតក្នុងការិយាល័យដដែល នឹងមិនមានជម្រើសផ្សេងក្រៅពីងាកទៅការប្រើប្រាស់មធ្យោបាយខុសៗគ្នាដូចជា ការកាត់បន្ថយទំហំកន្លែងធ្វើការសម្រាប់បុគ្គលិក, កាត់បន្ថយចំនួនការិយាល័យឯកជន បន្ទប់ប្រជុំ ឬកន្លែងប្រជុំ, ការប្រើប្រាស់កន្លែងស្តុកអីវ៉ាន់នៅខាងក្រៅការិយាល័យជាដើម ៕
ចែករំលែកព័តមាននេះ