សារព័ត៌មានបរទេសកាលពីពេល ថ្មីៗកន្លងមកផ្សាយថា ម្ចាស់ក្សត្រីMako និងលោកKei Komuro ជាគូដណ្ដឹងបានសម្រេចចិត្តពន្យារថ្ងៃភ្ជាប់ពាក្យ រួមទាំងពិធីរៀបអភិសេករហូតដល់ឆ្នាំ២០២០ ក្រោយពីមុននេះគ្រោងនឹងរៀបចំនៅចុងឆ្នាំ២០១៨ ដោយសារតែពួកគេនៅមិនទាន់ត្រៀមខ្លួន ។…
សារព័ត៌មានបរទេសកាលពីពេល ថ្មីៗកន្លងមកផ្សាយថា ម្ចាស់ក្សត្រីMako និងលោកKei Komuro ជាគូដណ្ដឹងបានសម្រេចចិត្តពន្យារថ្ងៃភ្ជាប់ពាក្យ រួមទាំងពិធីរៀបអភិសេករហូតដល់ឆ្នាំ២០២០ ក្រោយពីមុននេះគ្រោងនឹងរៀបចំនៅចុងឆ្នាំ២០១៨ ដោយសារតែពួកគេនៅមិនទាន់ត្រៀមខ្លួន ។ កាលពីមុននេះពិធីភ្ជាប់ពាក្យគ្រោងរៀបចំឡើងនៅថ្ងៃទី៤ មីនា២០១៨ ចំណែកពិធីរៀបអភិសេកគ្រោងធ្វើឡើងនៅថ្ងៃទី៤ វិច្ឆិកា២០១៨ ។
នៅក្នុងសេចក្ដីថ្លែងការណ៍ចុងក្រោយរបស់ព្រះនាង Mako និងគូដណ្ដឹងកាលពីថ្ងៃទី៦ កុម្ភៈ បញ្ជាក់ថា «ក្រោយពីគិតគូរឡើងវិញពីការរៀបអភិសេកឃើញថា ពួកយើងនៅមិនទាន់ព្រមព្រៀង ហើយក៏មានអារម្មណ៍ខកចិត្តពីបញ្ហានេះយ៉ាងខ្លាំង ។ ពួកយើងបានរូតរះ និងត្រូវការពេលវេលាច្រើនជាងនេះក្នុងការរៀបចំពីអនាគត» ។ ព្រះនាងបានបញ្ជាក់ទៀតថា «ខ្ញុំចង់គិតគូរលើរឿងរៀបអភិសេកឲ្យកាន់តែសីុជម្រៅជាងនេះ និងផ្ដល់ពេលសម្រាប់ត្រៀមខ្លួនក្នុងការរៀបអភិសេក និងនៅក្រោយពេលរៀបអភិសេកឲ្យបានច្រើនជាងនេះ» ។
តាមទំនៀមទម្លាប់ដែលមានរយៈពេលជាច្រើរយឆ្នាំរបស់ជប៉ុន ការរៀបអភិសេកជាមួយជនសាមញ្ញនឹងតម្រូវឲ្យព្រះនាងMakoត្រូវដកខ្លួនពីសមាជិករាជវង្សជប៉ុន ៕
ចែករំលែកព័តមាននេះ