ខេត្តសៀមរាប ៖ ម្ចាស់តូបលក់ចាប់ហួយនៅស្រុកព្រះនេតព្រះ ត្រូវភ្លើងឆេះអស់ស្ទើរទាំងស្រុង ខណៈម្ចាស់បានចាក់សោចោលចេញទៅក្រៅ បង្កឱ្យមានការភ្ញាក់ផ្អើលទាំងយប់ ដឹងដល់សមត្ថកិច្ចភ្លាមៗផងដែរ ប៉ុន្តែពុំមានគ្រោះថ្នាក់ ឬបាត់បង់អាយុជីវិតដល់មនុស្សទេ ។ ហេតុការណ៍ឆេះតូបនោះបានកើតឡើងនៅលើផ្លូវជាតិលេខ៦ កាលពីវេលាម៉ោង២៣និង០០នាទីយប់ថ្ងៃទី០៥ ខែកុម្ភៈ ឆ្នាំ២០១៨ ស្ថិតនៅភូមិភ្នំលៀប ឃុំភ្នំលៀប ស្រុកព្រះនេត្រព្រះ ខេត្តបន្ទាយមានជ័យ ជាប់ព្រំប្រទល់ ស្រុកក្រឡាញ់ ខេត្តសៀមរាប ។
លោកវរៈសេនីយ៍ឯក ជី បេងជន អធិការនគរបាលស្រុកក្រឡាញ់ បានប្រាប់ថា ដោយមានពលរដ្ឋរាយការណ៍មកសមត្ថកិច្ចមូលដ្ឋានថា មានករណីអគ្គិភ័យបានកើតឡើង បណ្តាលឱ្យឆេះតូបជាងក្រឡឹងធ្វើអំពីឈើប្រក់ស័ង្កសី ស្ថិតនៅខាងជើងផ្លូវជាតិលេខ៦ ក្នុងភូមិភ្នំលៀប ឃុំភ្នំលៀប ស្រុកព្រះនេត្រព្រះ ខេត្តបន្ទាយមានជ័យ ជាប់ព្រំប្រទល់ ស្រុកក្រឡាញ់ ខេត្តសៀមរាប ។
ក្នុងករណីអគ្គិភ័យនេះដែរ លោកក៏បានបញ្ជាកម្លាំងជំនាញអធិការដ្ឋាននគរបាលស្រុកក្រឡាញ់របស់ខេត្តសៀមរាប ចេញរថយន្តពន្លត់អគ្គិភ័យ ទៅជួយអន្តរាគមន៍ចំនួន១គ្រឿង ដោយមានកិច្ចសហការណ៍រជាមួយរថយន្តពន្លត់អគ្គិភ័យ នៃអធិការដ្ឋាននគរបាលស្រុកព្រះនេត្រព្រះចំនួន១គ្រឿង នោះទើបគ្រប់គ្រងស្ថានការណ៍បានទាំងស្រុងនៅវេលាម៉ោង២៣និង៤០នាទីយប់ ថ្ងៃដដែល ។ មូលហេតុទុស្សេខ្សែភ្លើងម្ចាស់មិននៅចាក់សោចោល ។
លោកបានបញ្ជាក់ថា ជនរងគ្រោះដែរជាម្ចាស់តូបមានឈ្មោះ រឿន សំបាន ភេទប្រុស អាយុ២៥ឆ្នាំ និងប្រពន្ធឈ្មោះ សួ សារី អាយុ២៣ឆ្នាំ ទីលំនៅបច្ចុប្បន្នភូមិថ្មី ឃុំទឹកជោរ ស្រុកព្រះនេត្រព្រះ ខេត្តបន្ទាយមានជ័យ ។ បណ្តាលឱ្យខូចខាតសម្ភារប្រមាណជា៧០% ហើយមិនទាន់ដឹងថា សរុបជាទឹកប្រាក់អស់ប៉ុន្មាននៅឡើយនោះទេ ហើយករណីអគ្គិភ័យនេះពុំបណ្ដាលឱ្យមានគ្រោះថ្នាក់ ឬបាត់បង់អាយុជីវិតដល់មនុស្សទេ ៕
ចែករំលែកព័តមាននេះ