តើយើងនឹងចំណាយប្រាក់លើការជួលផ្ទះអ្នកដទៃឬ ? ប្រសិនបើអ្នកចូលនិវត្តន៍ ហើយគ្មានប្រាក់សម្រាប់បង់ថ្លៃឈ្នួលវិញ តើអ្នកនឹងទៅរស់នៅទីណា ? បើទិញផ្ទះ ផ្ទះនេះនឹងជារបស់យើង តែបើជួលផ្ទះ ទោះយ៉ាងណា…
តើយើងនឹងចំណាយប្រាក់លើការជួលផ្ទះអ្នកដទៃឬ ? ប្រសិនបើអ្នកចូលនិវត្តន៍ ហើយគ្មានប្រាក់សម្រាប់បង់ថ្លៃឈ្នួលវិញ តើអ្នកនឹងទៅរស់នៅទីណា ? បើទិញផ្ទះ ផ្ទះនេះនឹងជារបស់យើង តែបើជួលផ្ទះ ទោះយ៉ាងណា ផ្ទះនោះក៏ជារបស់អ្នកដទៃ គេនឹងបណ្តេញយើងពេលណាក៏បាន ។
គង់គ្មានអ្នកណាម្នាក់ចង់ចំណាយប្រាក់លើថ្លៃឈ្នួលផ្ទះរហូតអស់មួយជីវិតទេ ព្រោះយើងមិនមែនជាម្ចាស់កម្មសិទ្ធិ ។ ផ្ទះគឺជាក្តីសុបិនរបស់មនុស្សគ្រប់រូប អ្នកជាម្ចាស់កម្មសិទ្ធិនឹងបានរស់នៅរហូតដល់នាទីចុងក្រោយនៃជីវិត ដែលជាទូទៅ យើងមិនទិញវាជាញឹកញាប់ទេ ព្រោះវាជាទ្រព្យសម្បត្តិមានតម្លៃថ្លៃ និងអាចត្រូវបង់រំលស់ជាមួយធនាគារជាច្រើនឆ្នាំ ។
គួរជ្រើសរើសទិញផ្ទះ និងពិចារណាឲ្យបានល្អតាម៤ចំណុចឲ្យស្របជាមួយប្រាក់ និងត្រូវចិត្តដូចខាងក្រោមនេះ ៖
១-ជ្រើសរើសផ្ទះឲ្យត្រូវនឹងតម្រូវការ ៖
ជាផ្ទះដាច់តែឯង ឬខុនដូ គឺត្រូវពិចារណាពីតម្រូវការរបស់យើងទាំងក្នុងរយៈពេលខ្លី និងរយៈពេលវែង ដើម្បីកំណត់ភាពសមស្របនៃទីកន្លែងរស់នៅក្នុងជីវិតទៅថ្ងៃអនាគត ដូចជា ករណីមានផែនការរៀបការ ហើយមានបុត្រ គឺគួរជ្រើសរើសផ្ទះដែលមានបន្ទប់គេង ព្រមទាំងត្រៀមទទួលសមាជិកគ្រួសារថ្មី ។ ប៉ុន្តែបើតាំងចិត្តថា នឹងនៅលីវរស់នៅម្នាក់ឯង គួរជ្រើសរើសកន្លែងរស់នៅតូចបន្តិច និងមិនរ៉ាប់រងច្រើនខ្លាំងក្លាពេក ។
២-កំណត់ចំនួនប្រាក់សម្រាប់ទិញផ្ទះ ៖
ការទិញផ្ទះ គឺជាការបង្កើតបំណុលរយៈពេលយូរ និងមានថ្លៃចាយវាយបន្ត បន្ទាប់ជាច្រើនទៀតដូចជា ថ្លៃតុបតែងបន្ថែម ថ្លៃចំណែកកណ្តាល ឧបករណ៍អគ្គិសនី និងឧបករណ៍សម្រួលភាពងាយស្រួលជាដើម។ ដូច្នេះ យើងត្រូវកំណត់ចំនួនប្រាក់ទាំងថ្លៃផ្ទះ, ការចាយវាយលើការថែទាំ រួមទាំងត្រូវមើលពីលទ្ធភាពរបស់ខ្លួនក្នុងការទូទាត់បំណុលថា តើគួរកំណត់ប្រាក់សមស្របចំនួនប៉ុន្មាន ។
៣-ពិនិត្យមើលព័ត៌មានពាក់ព័ន្ធ ៖
ជាផ្ទះថ្មី ឬផ្ទះចាស់ ក៏គួរស្ទង់មើលដើម្បីប្រមូលព័ត៌មានធ្វើការសម្រេចចិត្តមុននឹងទិញ ដូចជា ភាពគួរឲ្យជឿជាក់របស់គម្រោង និងបទពិសោធន៍របស់អតិថិជនគម្រោងនោះជាដើម ។ ការចូលទៅមើលទីតាំងថា បរិវេណក្បែរៗយ៉ាងដូចម្តេច និងមានសុវត្ថិភាពដែរឬទេ ។ យើងព្យាយាមប្រមូលព័ត៌មានឲ្យបានច្រើនបំផុតពីប្រភពផ្សេងៗគ្នាដែលគួរឲ្យជឿជាក់ ដើម្បីយកមកប្រៀបធៀបគុណសម្បត្តិ និងគុណវិបត្តិ មុននឹងសម្រេចចិត្តទិញ ។
៤-ដាក់ផែនការខ្ចីប្រាក់ ៖
ចូរបង្កើតគោលដៅដើម្បីឲ្យយើងអាចទូទាត់បានក្នុងរយៈពេលសមស្រប និងរកវិធីទូទាត់ឲ្យអស់យ៉ាងលឿនបំផុត ដោយចាប់ផ្តើមពីការជជែកជាមួយធនាគារផ្សេងៗអំពីលក្ខខណ្ឌការខ្ចីប្រាក់ និងប្រៀបធៀបជាមួយធនាគារមួយទៀត រួមទាំងតាមដានព័ត៌មានដើម្បីកាត់បន្ថយបន្ទុកបានច្រើនផងដែរ ។ វិធីល្អ យើងគួរប្រើវិធីសាស្ត្របង់រំលស់ផ្ទះឲ្យបានឆាប់រហ័សខ្លាំងឡើង ដោយការបំពេញប្រាក់បង់រំលស់ពីប្រាក់ខែថែមទៀត ឬយកប្រាក់ Bonus មកទូទាត់ផ្ទះបន្ថែមរៀងរាល់ដើមឆ្នាំ ដើម្បីកាត់បន្ថយភារកិច្ចបំណុល។
ទោះជាការបង់រំលស់ផ្ទះ គឺជាតួនាទីផ្នែកប្រាក់ក្នុងរយៈពេលយូរក្តី ប៉ុន្តែបើយើងមានផែនការល្អលើប្រាក់, ជ្រើសរើសផ្ទះឲ្យស្របនឹងតម្រូវការ, ស្ទង់មើលព័ត៌មានផ្សេងៗ រួមទាំងពិនិត្យមើលពីប្រភពខ្ចីប្រាក់ដែលធ្វើឲ្យយើងអាចបង់រំលស់ផ្ទះបានមិនលំបាក មនុស្សចាយប្រាក់ខែដូចជាយើង ក៏អាចទិញផ្ទះបានយ៉ាងមានក្តីសុខផងដែរ ៕
ចែករំលែកព័តមាននេះ