ខេត្តបន្ទាយមានជ័យ ៖ អភិបាលខេត្តត្រូវពង្រឹកការត្រួតពិនិត្យការនាំចេញ-ចូលទំនិញគ្រប់ប្រភេទទំនិញគេចពន្ធក្លែងក្លាយ និងខូចគុណភាពនាំចូលពីប្រទេសជិតខាង ដែលលើកឡើងបើកសន្និបាទបូកសរុបនៅព្រឹកថ្ងៃទី២២ ខែមករា នៅសាលប្រជុំសាលាខេត្តបន្ទាយមានជ័យ ។ លោក សួន…
ខេត្តបន្ទាយមានជ័យ ៖ អភិបាលខេត្តត្រូវពង្រឹកការត្រួតពិនិត្យការនាំចេញ-ចូលទំនិញគ្រប់ប្រភេទទំនិញគេចពន្ធក្លែងក្លាយ និងខូចគុណភាពនាំចូលពីប្រទេសជិតខាង ដែលលើកឡើងបើកសន្និបាទបូកសរុបនៅព្រឹកថ្ងៃទី២២ ខែមករា នៅសាលប្រជុំសាលាខេត្តបន្ទាយមានជ័យ ។
លោក សួន បវរ អភិបាលខេត្តបន្ទាយមានជ័យមានប្រសាសន៍ថា ដើម្បីពង្រឹងការងារត្រួតពិនិត្យការនាំចេញ-ចូលទំនិញគ្រប់ប្រភេទតាមបន្ទាត់ព្រំដែនដូចជា ទំនិញគេចពន្ធដែលធ្វើឲ្យបាត់បង់ចំណូលរដ្ឋត្រូវមានវិធានការទប់ស្កាត់បទល្មើសគ្រប់ប្រភេទ ដើម្បីបង្កើនចំណូលពន្ធថវិការរដ្ឋតាមផែនការ ។ ទំនិញក្លែងក្លាយ និងទំនិញខូចគុណភាណដែលប៉ះពាល់សុខមាលភាពបងប្អូនប្រជាពលរដ្ឋ មន្ត្រីជំនាញ និងកម្លាំងពាក់ព័ន្ធត្រូវមានវិធានការទប់ស្កាត់ឲ្យបាន ។
លោកបានកោតសសើរចំពោះមន្ត្រីជំនាញ និងកងកម្លាំងរយៈពេលកន្លងមកបានយកចិត្តទុកដាក់អស់ពីកម្លាំងកាយចិត្តបានធ្វើការងារបំរើប្រជាពលរដ្ឋ និងប្រទេសជាតិស្របតាមគោលនយោបាយរបស់រាជរដ្ឋាភិបាលកម្ពុជាក្រោមការដឹកនាំពីសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា មានសុខសន្តិភាព និងការអភិវឌ្ឍន៍និងរីកចម្រើន ។
លោក សួន បវរ មានប្រសាសន៍លទ្ធផលការងារប្រចាំឆ្នាំ២០១៧ ឃើញថា ការអនវត្តន៍ការងារក្នុងខេត្តបន្ទាយមានជ័យទទួលបានលទ្ធផលល្អហើយ ការអនុវត្តន៍បន្តឆ្នាំ២០១៨ ខាងមុខនេះ សំណុំពរសុំឲ្យមន្ត្រីជំនាញ និងកម្លាំងស្ថាប័នពាក់ព័ន្ធត្រូវដាក់វិធានការលុបបំបាត់បទល្មើសគ្រឿងញៀន បទល្មើសសេ្ឋកិច្ច បទល្មើសព្រៃឈើ និងបទល្មើសផ្សេងៗត្រូវអនុវត្តឲ្យបានដើម្បីភូមិ-ឃុំមានសុវត្ថិភាព ។
សូមបញ្ជាក់ថា សន្និបាតបូកសរុបលទ្ធផលការងារប្រឆាំ២០១៧ និងលើកទិសដៅការងារឆ្នាំ២០១៨ ខេត្តបន្ទាយមានជ័យដែលត្រូវបិតនៅថ្ងៃទី២៣ ខែមករា ក្រោមអធិបតីភាពសម្តេចក្រឡាហម ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ ៕
ចែករំលែកព័តមាននេះ