ខេត្តព្រៃវែង ៖ ជុំវិញព័ត៌មានដ៏ចម្លែកមួួយដែលរាត្រីផ្សំដំណេកដ៏អស្ចារ្យឈានមកដល់… កូនក្រមុំបានប្រគល់ជូននូវអ្វីៗទាំងអស់ អត់មានតវ៉ាមួយម៉ាត់ណាទេ ជូនលោកប្រុសកូនកំលោះគិតថា ជាអនាគតស្វាមីពេញមួយរាត្រី ទោះបីលោកប្តីត្រូវការប៉ុន្មានក៏ដោយ ។ ប៉ុន្តែនៅពេលភ្លឺឡើង……
ខេត្តព្រៃវែង ៖ ជុំវិញព័ត៌មានដ៏ចម្លែកមួួយដែលរាត្រីផ្សំដំណេកដ៏អស្ចារ្យឈានមកដល់… កូនក្រមុំបានប្រគល់ជូននូវអ្វីៗទាំងអស់ អត់មានតវ៉ាមួយម៉ាត់ណាទេ ជូនលោកប្រុសកូនកំលោះគិតថា ជាអនាគតស្វាមីពេញមួយរាត្រី ទោះបីលោកប្តីត្រូវការប៉ុន្មានក៏ដោយ ។ ប៉ុន្តែនៅពេលភ្លឺឡើង… ស្រាប់តែមិនមែនជាអនាគតស្វាមី ដែលក្រាបផ្ទឹមពីថ្ងៃទៅវិញ គឺជាកូនកំលោះត្បាញអាយបន្លំខ្លួន ធ្វើឱ្យបញ្ហាធំបានផ្ទុះឡើងលាន់ទ្រហឹងដូចគ្រាប់បែកអាមេរិកទម្លាក់ធ្វើឱ្យភ្ញាក់ផ្អើលមួយប្រទេសនោះ មានដំណោះស្រាយចប់ដោយបរិបូណ៌ហើយ ។
ម្សិលមិញនេះ អ្នករាយការណ៍ព័ត៌មានកោះសន្តិភាពប្រចាំខេត្តព្រៃវែង បានធ្វើដំណើរទៅដល់ភូមិឋានរបស់សាមីខ្លួននៅស្រុកកញ្ជៀច បានជួបផ្ទាល់ជាមួយរដ្ឋអំណាចមូលដ្ឋាន និងអ្នកភូមិខ្លះបានផ្តល់ព័ត៌មាន ។ក្រោយពីបែករឿងគួរឱ្យភ្ញាក់ផ្អើល និងឈានដល់ការចាប់ខ្លួនយុវជនកំហូចថ្លើមធំហ៊ានលួចចូលទៅបន្លំផ្សំដំណេកជាមួយកូនក្រមុំ ជំនួសកូនកំលោះក្នុងថ្ងៃរៀបការ កាលពីយប់ថ្ងៃទី១៥ មករានោះ មកដល់ពេលនេះប្រភពព័ត៌មានពីអ្នកជិតខាងផ្ទះកូនក្រមុំ បានឱ្យដឹងថា ពេលនេះភាគីខាងកូនកំលោះបានបដិសេធ មិនព្រមទទួលយកកូនក្រមុំទេ ហើយថែមទាំងទាមទារយកថ្លៃបណ្ណាការវិញថែមទៀតផង ក្រោយពេលព្រហ្មចារីត្រូវប្រុសព្រានប្លន់គ្មានក្តីមេត្តានោះ ។
ជុំវិញបញ្ហានេះ កោះសន្តិភាពបានព្យាយាមសុំការបំភ្លឺ ពីក្រុមគ្រួសារខាងកូនក្រមុំជាច្រើនដង ប៉ុន្តែត្រូវបានបដិសេធ ដោយក្រុមគ្រួសារខាងកូនក្រមុំអះអាងថា ខ្លាចខ្មាស់គេ ។ ដោយឡែក ប្រភពព័ត៌មានពីអាជ្ញាធរមូលដ្ឋានបានឱ្យដឹងថា ក្រោយពីមានរឿងរ៉ាវខាងលើនេះមក សាមីខ្លួនកូនប្រុស និងក្រុមគ្រួសារបានទាមទារផ្តាច់គ្នាពីខាងស្រី ព្រមទាំងទារយកថ្លៃបណ្ណាការវិញផងដែរ ។ ចំណែកឯខាងកូនស្រីក៏ព្រមប្រគល់ឱ្យតាមការទាមទារដែរ គឺបានប្រគល់ប្រាក់ថ្លៃទឹកដោះចំនួន១ពាន់ដុល្លារ ថ្លៃផ្លែឈើ២០០ដុល្លារ និងលុយដែលបងប្អូនសាច់ញាតិបានសែនចងដៃក្នុងពិធីមង្គលការ ចំនួន១លានរៀលទៀត ។
ហេតុការណ៍ដែលបានកើតឡើងនៅថ្ងៃផ្សំដំណេករវាងជនកំហូច និងកូនក្រមុំនេះ ត្រូវបានអ្នកស្រុកនៅក្បែផ្ទះកូនក្រមុំអះអាងដូចៗគ្នាប្រាប់កោះសន្តិភាពថា ពួកគាត់មិនជឿថា យុវជនដែលបន្លំខ្លួននោះមានគំនិតអាក្រក់ហ៊ានលួចធ្វើអំពើលាមកថោកទាបបែបនេះទេ និងបានសង្ស័យថា ទាំងយុវជនជាប់ចោទឈ្មោះ
ឈឺន ចាន់សេង និងកូនក្រមុំអាចត្រូវបានគេដាក់ថ្នាំ គ្រាន់តែនៅពេលនេះមិនមានភស្តុតាងប៉ុណ្ណោះ ។ទោះជាបែបនេះក្តី ក៏គ្មានហេតុផលដែលថា តើអ្នកដាក់ថ្នាំមានបំណងអ្វី ? អ្នកស្រុកទាំងនោះ បែរជាអះអាងថា មូលហេតុដែលពួកគាត់សង្ស័យបែបនេះ ដោយសារតែពួកគាត់ស្គាល់ជនសង្ស័យច្បាស់ គឺជាមនុស្សសុភាពស្លូតបូត មិនខិលខូច និងមិនចេះរករឿងអ្នកណាទេ នៅក្នុងភូមិ ។ ចំណែកឯគ្រួសារក៏ក្រីក្រខ្លាំង រាល់ថ្ងៃគិតតែពីធ្វើការស៊ីឈ្នួលដកដំឡូងឱ្យគេ២នាក់ម្តាយ យកប្រាក់មកចិញ្ចឹមឪពុកពិការនៅផ្ទះ មិនដែលដើរលេងផ្តេសផ្តាស់ឯណាទេ ហើយសំខាន់អ្នកទាំង២ក៏មិនដែលមានទំនាក់ទំនងអ្វីនិងគ្នាដែរ ព្រោះកូនស្រីបានចេញពីផ្ទះ ទៅរស់នៅជាមួយម្តាយធំនៅឯទីរួមខេត្តព្រៃវែង តាំងពីអាយុ១៣ឆ្នាំមកម្ល៉េះ ដែលមកដល់ពេលនេះ គឺរយៈពេល៥ឆ្នាំហើយ ។
ទោះជាយ៉ាងណាក៏ដោយ នេះគ្រាន់តែជាការសន្និដ្ឋានមួយរបស់អ្នកស្រុកប៉ុណ្ណោះ មិនអាចយកជាការបាននោះទេ តែអ្វីដែលជាក់ស្តែងនោះគឺនាងកូនក្រមុំបានក្លាយជាអ្នករងគ្រោះ ក្នុងអំពើដ៏ទាបថោកនោះ ដែលទទួលរងការប៉ះពាល់កិត្តិយស ហើយអ្វីៗក៏បាត់បង់ទៀត ដែលពិធីមង្គលការក្លាយជាការជូរចត់នៃជីវិត ត្រូវសងបណ្ណាការដែលខាងប្រុស ទាំងខ្លួនមិនបានខុសអ្វីសោះ ។
តាមរយៈវីដេអូឃ្លីបមួយ ដែលបានបង្ហោះពីទិដ្ឋភាពប៉ូលិសសាកសួរឈ្មោះ ឈឺន ចាន់សេង នោះគឺបាននិយាយត្រឹមតែថា «ព្រោះនិស្ស័យ» ហើយប៉ូលិស ក៏ផ្ទុះសំណើចនិងបានបង្លុយពាក្យតបវិញថា «និស្ស័យគុក» ៕
ចែករំលែកព័តមាននេះ