រាជធានីភ្នំពេញ ៖ កាលពីថ្ងៃទី១២ ខែមករា កន្លងទៅ ភោជនីយដ្ខាន មេកណូលា ដែលជាភោជនីយដ្ឋានវៀតណាម មួយដ៏ល្បីប្រចាំទីក្រុងភ្នំពេញ បានប្រារព្ធពិធីសម្ពោធជាផ្លូវការទីតាំងទី៣ របស់ខ្លួនដែលមានទីតាំងស្ថិតនៅជាន់ទី៣ នៃផ្សារទំនើប អ៊ី អន ម៉ល ភ្នំពេញ ។
តាមប្រសាសន៍របស់លោកស្រី លី អាប្រាម ដែលជាម្ចាស់ភោជនីយដ្ឋាន មេកណូលា បានមានប្រសាសន៍ថា ភោជនីយដ្ឋាន មេកណូលា បានបើកបម្រើជូនអតិថិជនដែលមានអាយុកាលជិត១០ឆ្នាំមកហើយ ក្នុងរយៈពេលនេះភោជនីយដ្ឋានមេកណូលា បានទទួលការគាំទ្រយ៉ាងខ្លាំង ជាពិសេសបាញ់ឆែវរបស់យើង ដែលមានទំហំធំ ស្រួយ ហើយមានច្រើនរសជាតិសម្រាប់ជ្រើសរើសនោះ បានទទួលការសរសើរ និងគាំទ្រយ៉ាងច្រើនពីសំណាក់ភ្ញៀវជាតិ និងអន្តរជាតិ ។
លើសពីនេះទៀត ភោជនីយដ្ឋាន មេកណូលា យើងបានសំរឹតសំរាំងជ្រើសរើសយកតែគ្រឿងផ្សំដែលមានគុណភាព បន្លែរបស់យើងមួយចំនួនគឺបានមកពីសួនបន្លែផ្ទាល់របស់យើង ។ ក្រៅពីបាញ់ឆែវ យើងក៏មានមុខម្ហូបជាច្រើនទៀតដែលទទួលបានការគាំទ្រ ហើយពួកយើងក៏នៅតែបន្តរកមុខម្ហូថ្មីៗ ហើយប្លែក ដើម្បីបម្រើដល់ភ្ញៀវយើងខ្ញុំ។
ភោជនីយដ្ឋានដើមចំប៉ា បើកបម្រើអាហារពេលព្រឹក ថ្ងៃត្រង់ និងល្ងាច ហើយជាមួយសាខាទាំងបីរបស់យើង លោកអ្នកនឹងកាន់តែមានភាពងាយស្រួល ដែលសាខាទី១ មានទីតាំងនៅវីឡាលេខ ៥៥ លើផ្លូវ ប៉ាស្ទ័រ ។ សាខាទី២ នៅផ្ទះលេខ ១៣ ផ្លូវលេខ ២៥៤ (ជិតគ្លីនិកណាហ្គា) និងសាខាទី៣ គឺស្ថិតនៅ ហ្សូន F នៃជាន់ទី៣ នៃផ្សារទំនើប អ៊ីអន ម៉ល ។
ចែករំលែកព័តមាននេះ