ខេត្តត្បូងឃ្មុំ ៖ សំណង់ផ្សារគំរូព្រំដែននៃកម្ពុជាដែលមានតម្លៃជាង២លានដុល្លារ ត្រូវបានបញ្ចុះបឋមសិលាសាងសង់នាព្រឹកថ្ងៃទី១៦ ខែមករា ឆ្នាំ២០១៨ ដែលមានទីតាំងស្ថិតនៅភូមិដា ឃុំដា ស្រុកមេម៉ត់ ហើយប្រជាពលរដ្ឋស្វាគមន៍…
ខេត្តត្បូងឃ្មុំ ៖ សំណង់ផ្សារគំរូព្រំដែននៃកម្ពុជាដែលមានតម្លៃជាង២លានដុល្លារ ត្រូវបានបញ្ចុះបឋមសិលាសាងសង់នាព្រឹកថ្ងៃទី១៦ ខែមករា ឆ្នាំ២០១៨ ដែលមានទីតាំងស្ថិតនៅភូមិដា ឃុំដា ស្រុកមេម៉ត់ ហើយប្រជាពលរដ្ឋស្វាគមន៍ និងមានក្តីសប្បាយរីករាយណាស់។
ពិធីនេះធ្វើឡើងក្រោមអធិបតីភាពលោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្មនៃកម្ពុជា និងមានការចូលរួមពីមន្ត្រីស្ថានទូតនៃសារធារណរដ្ឋសង្គមវៀតណាមប្រចាំនៅព្រះរាជាណាចក្រកម្ពុជាផងដែរ ។
លោក លី ទ្លេង អភិបាលខេត្តត្បូងឃ្មុំបានបញ្ជាក់ថា ការបើកការដ្ឋានសាងសង់ផ្សារគំរូព្រំដែននាឱកាសនេះ ពិតជាមានអត្ថន័យយ៉ាងជ្រាលជ្រៅ និងជាមោទនភាពសម្រាប់ពលរដ្ឋកម្ពុជា និយាយជារួម និងនិយាយដោយឡែកសម្រាប់ប្រជាពលរដ្ឋទូទាំងខេត្តត្បូងឃ្មុំ មានភព្វព្រេងវាសនាខ្ពស់ ហើយសូមសម្តែងទឹកចិត្តសប្បាយរីករាយឥតឧប្បមា និងចូលរួមអបអរសាទរចំពោះការទទួលបានសមិទ្ធិផលដ៏វិសេសវិសាល ដែលប្រមុខដឹកនាំរដ្ឋាភិបាលនៃប្រទេសទាំង២(កម្ពុជា-វៀតណាម) ធ្វើឲ្យសមិទ្ធិផលនេះកកើតឡើង ។
បុរសចំណាស់ម្នាក់ឈ្នោះទេព សារី អាយុ៦៨ឆ្នាំ នៅភូមិ-ឃុំដា បានឲ្យដឹងថា គាត់សប្បាយរីករាយនៅពេលឃើញការសាងសង់ផ្សារនេះបានកើតឡើង ហើយបានផ្តល់អត្ថប្រយោជន៍ដល់ប្រទេសទាំង២ ក្នុងការដោះដូរទំនិញទៅវិញទៅមក ដែលលើកស្ទួយសេដ្ឋកិច្ចឲ្យរីកចម្រើនផងដែរ ៕
ចែករំលែកព័តមាននេះ