ការនាំចេញគ្រឿងសមុទ្របន្តលូតលាស់ខ្លាំងក្លាក្នុងឆ្នាំនេះ
ទីក្រុងហាណូយ ៖ លោក Ngo Van Ich ប្រធានសមាគមអ្នកនាំចេញ និងផលិតគ្រឿងសមុទ្រប្រទេសវៀតណាម បាននិយាយថា ការនាំចេញគ្រឿងសមុទ្រ…
ទីក្រុងហាណូយ ៖ លោក Ngo Van Ich ប្រធានសមាគមអ្នកនាំចេញ និងផលិតគ្រឿងសមុទ្រប្រទេសវៀតណាម បាននិយាយថា ការនាំចេញគ្រឿងសមុទ្រ…
ទីក្រុងហាណូយ ៖ លោក Ngo Van Ich ប្រធានសមាគមអ្នកនាំចេញ និងផលិតគ្រឿងសមុទ្រប្រទេសវៀតណាម បាននិយាយថា ការនាំចេញគ្រឿងសមុទ្រ នឹងសម្រេចហួសគោលដៅប្រមាណ៨,៥ប៊ីលានដុល្លារក្នុងឆ្នាំនេះ ។
លោកបន្តថា វិស័យនេះក៏នឹងសម្រេចគោលដៅការនាំចេញបានប្រមាណ១០ប៊ីលានដុល្លារក្នុងឆ្នាំ២០២០ ផងដែរ ។
លោកបាននិយាយកាលពីថ្ងៃអាទិត្យថា ការនាំចេញបានកើនឡើងដល់៨,៣ប៊ីលានដុល្លារកាលពីឆ្នាំមុន ។
លោក Nguyen Xuan Cuong រដ្ឋមន្ត្រីកសិកម្ម និងការអភិវឌ្ឍជនបទ បានសរសើរដល់កិច្ចខិតខំប្រឹងប្រែងរបស់វិស័យគ្រឿងសមុទ្រ ។ លោកថា ៖« ពួកយើងនឹងជួបប្រទះឧបសគ្គជាច្រើនក្នុងឆ្នាំនេះ តែពួកយើងក៏ជួបនឹងឱកាសផ្សេងៗផងដែរ » ។
ឧបសគ្គទាំងនោះរួមមាន ការទទួលបានកាតលឿងព្រោះតែការនេសាទខុសច្បាប់, មិនរាយការណ៍ និងមិនស្ថិតក្រោមការគ្រប់គ្រងដោយគណៈកម្មការអឺរ៉ុប ការកែទម្រង់ផលិតកម្ម និងការនេសាទឲ្យមានចីរភាព ។
លោក Nguyen Xuan Cuong បន្តថា ៖« ពួកយើងកំពុងតែស្ថិតក្នុងដំណើរការអនុម័តច្បាប់នេសាទថ្មី និងកម្មវិធីដកការព្រមានលើគ្រឿងសមុទ្រវៀតណាមទាក់ទងនឹងការនេសាទខុសច្បាប់, មិនរាយការណ៍ និងមិនស្ថិតក្រោមការគ្រប់គ្រង » ។
លោកបន្ថែមថា វិស័យនេះមានមូលដ្ឋានយ៉ាងល្អក្នុងផ្នែកហេដ្ឋារចនាសម្ព័ន្ធ, មធ្យោបាយនិងការរៀបចំផលិត ហើយអាចនឹងសម្រេចហួសគោលដៅដែលបានកំណត់ដោយក្រសួង ស្មើនឹង៨,៥ប៊ីលានដុល្លារ ។
ក្រៅពីទីផ្សារចាស់ៗដូចជា សហរដ្ឋអាមេរិក និងសហភាពអឺរ៉ុបហើយ លោកបានផ្តល់យោបល់ឲ្យវិស័យនេះចូលទៅក្នុងទីផ្សារផ្សេងទៀតដូចជា ប្រទេសអូស្ត្រាលី ជប៉ុន និងកូរ៉េខាងត្បូង ជាដើម ។
លោកនិយាយថា ៖« ប្រទេសឥណ្ឌា ចិន និងអាស៊ាន គឺជាទីផ្សារល្អៗ ប៉ុន្តែពួកយើងមិនទាន់ទាញអត្ថប្រយោជន៍ពីពួកគេបានច្រើនទេ។ នៅឆ្នាំនេះ ពួកយើងត្រូវតែផ្តោតលើវិធីទាញអត្ថប្រយោជន៍ពីទីផ្សារទាំងនេះ » ៕
ចែករំលែកព័តមាននេះ