សម្រស់ឈីន រតនៈ និងចំរើន សុភ័ក្ត្រ ពេលក្លាយជាតារាល្បី
- ភ្នំពេញ
រាជធានីភ្នំពេញ ៖ បើនិយាយពីប្រវត្តិសិល្បៈ គឺកញ្ញាឈីន រតនៈ និងចំរើន សុភ័ក្ត្រ តស៊ូប្រឡងរហូតដល់វគ្គចុងក្រោយ និងធ្វើឱ្យគូប្រជែងមួយចំនួនភ័យបារម្ភ ។…
រាជធានីភ្នំពេញ ៖ បើនិយាយពីប្រវត្តិសិល្បៈ គឺកញ្ញាឈីន រតនៈ និងចំរើន សុភ័ក្ត្រ តស៊ូប្រឡងរហូតដល់វគ្គចុងក្រោយ និងធ្វើឱ្យគូប្រជែងមួយចំនួនភ័យបារម្ភ ។ អ្នកទាំងពីរបច្ចុប្បន្នកំពុងតែមានប្រជាប្រិយភាព ហើយរូបសម្បត្តិវិញក៏ប្រែទៅជាស្អាតប្លែកគួរឱ្យគយគន់សមជាពន្លកថ្មីរបស់មហាជន ។
ប្រិយមិត្តធ្លាប់បានស្គាល់រួចមកហើយអតីតបេក្ខនារីប្រឡងចម្រៀងលំដាប់ថ្នាក់ពិភពលោក គឺស្រីស្អាតឈីន រតនៈ និងចំរើន សុភ័ក្ត្រ ។ តារា២ដួងនេះកំពុងសាងស្នាដៃក្នុងពិភពសិល្បៈបានល្បីឈ្មោះក្រោយឈោងចេញពីការប្រឡងដ៏សំខាន់ដោយឆ្លងកាត់វគ្គចុងក្រោយដូចគ្នា ។ រវាងឈីន រតនៈ និងចំរើន សុភក្ត្រ័ បានចំណាត់ថ្នាក់លេខ២ពេលឡើងប្រឡង ។
ចំរើន សុភក្ត្រ័ ជាប់ដល់វគ្គចុងក្រោយកម្មវិធីឌឹវយខេមបូឌារដូវកាលទី១ តែនាងទទួលបានចំណាត់ថ្នាក់ល្អធ្វើឱ្យអ្នកកាន់ពានប៊ុត សីហា បុកពោះខ្លាំងណាស់ដែរ។ សល់៤នាក់ចុងក្រោយសុភ័ក្ត្រ និងប៊ុត សីហា បញ្ចេញទេពកោសល្យដាក់គ្នា។ ទោះជាយ៉ាងណាក្តីចុងក្រោយការប្រកាសអ្នកកាន់ពានបានទៅលើសីហា ។
ចំណែកឈីន រតនៈ វិញក៏ដល់វគ្គចុងក្រោយឌឹវយខេមបូឌាដែរ តែក្រោយចំរើន សុភ័ក្ត្រ។ នាងក៏បានចូលរួមបង្កកម្មវិធីឲ្យរំជើបរំជួលនៅវគ្គចុងក្រោយ បើតែថែល ថៃ ប្រហែសដឹងតនាងែឡើងកាន់ពានរង្វាន់ទៅហើយ ។
បច្ចុប្បន្នតារាស្រី២ដួងនេះកំពុងចែងចាំងសម្រស់ ហើយក្លាយជាតារាពេញនិយមក្នុងពិភពសិល្បៈគួរឱ្យចាប់អារម្មណ៍ ។ ឈីន រតនៈជាតារាចម្រៀងតាមភោជនីយដ្ឋានមុនឡើងជាតារាល្បី ។ នាងច្រៀងតាមហាងបង្កឱ្យភ្ញៀវស្តាប់ពេលពិសាអាហារស្លុងតាមសំឡេងដ៏ពីរោះរបស់នាង ហើយលាន់មាត់គ្រប់គ្នាថាសំឡេងនាងពិតជាព ីរោះ ហើយអាចមានអនាគតល្អ ។ ក្រោយពេលចូលប្រឡងកក្រើកនាងប្រែមុខមាត់ពីជនសាមញ្ញាទៅជាតារាមានគេចាប់ចិត្តគាំទ្រ ។
ចំរើន សុភ័ក្ត្រ ពីមុនគ្រាន់តែដឹងថា មានទឹកដមសំឡេងច្រៀងខាងប្រពៃណី និងជាសិស្សសាលាវិចិត្រសិល្បៈ ។ ជា រឿយៗឲ្យតែមានកម្មវិធីបុណ្យជាតិ សុភ័ក្ត្រ និងបងស្រីចំរើន សោភា តែងតែបង្ហាញវត្តមានផ្នែកសិល្បៈបុរាណ ។ ក្រោយពេលប្រឡងចម្រៀងលក្ខណៈអន្តរជាតិមក សុភ័ក្ត្រ បានធ្វើឱ្យគេទទួលស្គាល់ថាជាអ្នកចម្រៀងវិវឌ្ឍពីផ្នែកបុរាណមកសម័យគួរឲ្យសរសើរ ៕
ចែករំលែកព័តមាននេះ