ក្ដៅហួតហែងខ្លាំង! អ្នកស្រុកមង្គលបុរីចាប់ឆ្មាដាក់ទ្រុងហែរកាត់ផ្សារនិងភូមិបន់ស្រន់សុំទឹកភ្លៀង
- បន្ទាយមានជ័យ
ខេត្តបន្ទាយមានជ័យ ៖ នៅរដូវប្រាំងហួតហែងក្ដៅខ្លាំងជាប្រពៃណីចាប់ឆ្មាដាក់ទ្រុង៤ទៅ៥ក្បាល
ខេត្តបន្ទាយមានជ័យ ៖ នៅរដូវប្រាំងហួតហែងក្ដៅខ្លាំងជាប្រពៃណីចាប់ឆ្មាដាក់ទ្រុង៤ទៅ៥ក្បាល
ខេត្តបន្ទាយមានជ័យ ៖ នៅរដូវប្រាំងហួតហែងក្ដៅខ្លាំងជាប្រពៃណីចាប់ឆ្មាដាក់ទ្រុង៤ទៅ៥ក្បាលហើយហែរកាត់ផ្សារនិងភូមិ បន់ស្រន់សុំទឹកភ្លៀង បានធ្វើឡើងកាលពីថ្ងៃទី៥ ខែឧសភា ឆ្នាំ២០២៤ នៅឃុំតាឡំ ស្រុកមង្គលបុរី ខេត្តបន្ទាយមានជ័យ ។
ប្រជាពលរដ្ឋឃុំតាឡំបានរៀបរាប់ឱ្យដឹងថា នេះជាប្រពៃណីនិងទំនៀមទំលាប់របស់ប្រជាពលរដ្ឋនៅស្រុលកមង្គលបុរី នៅពេលេរដូវប្រាំងហួតហែងក្ដៅខ្លាំងគ្មានភ្លៀងធ្លាក់ ដែលធ្វើប៉ះពាល់ខ្វះទឹកប្រើប្រាស់និងបង្កបង្កើនផល គឺប្រជាពលរដ្ឋប្រមូលផ្តុំគ្នាផ្តួចផ្តើមចាប់ឆ្មារដាក់ទ្រុង៤ទៅ៥ក្បាលហើយហែរកាត់ពីភូមិមួយចូលភូមិមួយដែលមានដាក់មីក្រូ ទ្រ និងស្គដៃ មានគោយន្ត៤ទៅ៥គ្រឿងអ្នកចូលរួមដើរហែមិនតិចជាង៥០នាក់។
ប្រជាពលរដ្ឋបានបញ្ជាក់ថា ការហែឆ្មា ឬនាងម៉ែវសុំទឹកភ្លៀងនេះពេលហែកាត់ភូមិចូលផ្សារ ទីប្រជុំជន គេសង្កេតឃើញមានបងប្អូនប្រជាពលរដ្ឋនាំយកទឹកចាក់លើឆ្មារ ហើយបត់ស្រន់សុំទឹកភ្លៀង ហើយមានបងប្អូនខ្លះចូលរួមជាថវិកា ខ្លៈអ្នកគ្រប់គ្រងហែសម្រាប់ផ្គត់ផ្គង់ថ្លៃប្រេងគោយន្តនិងថ្លៃមីក្រូ និងអ្នកភ្លេង ថ្លៃទឹកអ្នកដែលចូលរួមហែរ ដែលនេះគឺជាប្រពៃណីសម្រាប់អ្នកមង្គលបុរី។
ប្រជាពលរដ្ឋរូបនោះបានបញ្ជាក់ថា ជាក់ស្តែងនៅពេលហែឆ្មា ឬនាងម៉ែវអ្នកភូមិតាឡុំគឺហែតាមផ្លូវឆ្លងកាត់៣ទៅ៤ភូមិ ប្រជាពលរដ្ឋរស់នៅតាមផ្លូវចាក់ទឹកឆ្មារ ហើយបានហែចូលវត្តព្រះស្រែធ្វើពិធីបួងសួរតាមបែបប្រពៃណីនិងទំនៀមទំលាប់ នៅទីទួលតាក្រាញ់ ដើម្បីសុំទឹកភ្លៀងឱ្យមានភ្លៀងសម្រាប់ប្រើប្រាស់និងបង្កបង្កើនផលដែលធ្វើភាគច្រើនគឺបានផលគឺមានភ្លៀងធ្លាក់ ក្រោយធ្វើបាន១ទៅ២ថ្ងៃក្រោយ តែឆ្នាំនេះក្រោយបន់ស្រន់ហើយសង្ឃឹមមានភ្លៀងធ្លាក់៕
ចែករំលែកព័តមាននេះ