រាជធានីភ្នំពេញ ៖ តារាសម្តែងនាង គៀត សុវណ្ណាឡាង បានឆ្លើយតបយ៉ាងចាក់ដោតទៅកាន់មហាជនមួយចំនួនដែលបានសើចចំអកមកលើរូបនាងចំពោះរឿងធ្លាក់ខ្លួនលក់កាហ្វេ ក្រោយស្ងប់ស្ងាត់ពីអាជីពសិល្បៈមួយរយៈចុងក្រោយនេះ ។
![](https://kohsantepheapdaily.com.kh/wp-content/uploads/2024/05/fd59b7d836adfbc303338887405f59cb.jpg)
តារាស្រីនេះបានចាត់ទុកការចំអកចំពោះរឿងខាងលើ មកលើរូបនាងគឺជាការយល់ឃើញបែបអវិជ្ជមានពីមនុស្សមួយចំនួន ខណៈពេលដែលនាងកំពុងតែរីករាយសម្រាប់មុខរបរបែបសុច្ចរិតមួយនេះ។ គៀត សុវណ្ណាឡាង បានលើកឡើងថា មានគេខ្លះនិយាយថា ម្តេចខ្ញុំក៏ធ្លាក់ខ្លួនមកលក់កាហ្វេអ៊ីចឹង។
នាងថា តែសំរាប់ខ្ញុំមិនថា ការងារ ឬរកស៊ីអ្វីឡើយអោយតែសុចរិត មិនកេងប្រវ័ញ្ចគេ និងមិនធ្វើបាបអ្នកណាមួយ គឺខ្ញុំហ្នឹងធ្វើ ។ នាងបញ្ជាក់ថា អ្នកខ្លះគាត់អាចមើលមកគិតថា ការស៊ីរកខ្ញុំវាតូចមិនសមនឹងខ្ញុំ តែសំរាប់ខ្ញុំសប្បាយចិត្តនឹងធ្វើវា អាចមិនល្អមើលតែល្អ…….បើថ្ងៃសៅរ៍រឺថ្ងៃអាទិត្យខ្ញុំអាចលក់បាន១០០កែវជាងទៅ២០០កែវ។
![](https://kohsantepheapdaily.com.kh/wp-content/uploads/2024/05/573b421387cf2d2c53bdd7ffdaa71ad5.jpg)
ដោយឡែក ពាក់ព័ន្ធការងារសិល្បៈ វិញ គៀត សុវណ្ណាឡាង បានអះអាងថា សំរាប់ការថតរឿងវិញមានគេទាក់ទងមក៣រឿងដែរ តែការថតរឿងខ្ញុំមិនមែនតែចេះតែទទួលទេ ខ្ញុំត្រូវមើលសាច់រឿងដែរទើបទទួល ហើយរឿងខ្លះទៀតត្រូវថតចំថ្ងៃខ្ញុំរវល់ការងាផ្ទាល់ខ្លួន ហើយយរឿងខ្លះទៀតខុសតម្លៃ ។ អគុណមែនទែនដែរនៅតែស្រលាញ់នឹងគ្រាំទ្ររបស់ទាំងអស់គ្នារហូតមក។
ជាការកត់សម្គាល់ មួយរយៈពេលចុងក្រោយនេះតារាសម្តែង គៀត សុវណ្ណាឡាង មិនសូវមមាញឹកខ្លាំងក្នុងការងារសិល្បៈទេ ដោសារនាងដាក់ចិត្តដាក់កាយពង្រីកមុខរបរតូចតាមមួយដើម្បីរកប្រាក់ចំណូលចិញ្ចឹមជីវិតវិញ ។
![](https://kohsantepheapdaily.com.kh/wp-content/uploads/2024/05/cad60b386e4e77fa812e0e5acfecb8cd.jpg)
មុខរបរលក់កាហ្វេរបស់តារាសម្តែង គៀត សុវណ្ណាឡាង កំពុងជោគជ័យ ជាហេតុធ្វើឱ្យនាងហាក់លែងសូវខ្វល់រឿងថតកុនដូចមុនទៀត ហើយនាងក៏មិនខ្មាស់អៀនក្នុងការបើករកស៊ីមុខរបររកស៊ីដ៏សាមញ្ញមួយនេះដែរ ។
ទោះជាយ៉ាងណា ថ្វីដ្បិតតែមិនមានស្នាដៃថ្មីបង្ហាញមហាជន ប៉ុន្តែតារាសម្តែង គៀត សុវណ្ណាឡាង បានបញ្ជាក់ថា នាងនៅតែស្រឡាញ់សិល្បៈ ហើយនាងនឹងឆ្លៀតឱកាសចូលរួមសម្តែងនៅក្នុងរឿងផ្សេងៗ ប្រសិនបើនាងមានពេលវេលាគ្រប់គ្រាន់ ៕
![](https://kohsantepheapdaily.com.kh/wp-content/uploads/2024/05/d2fa297c13068c2f2ca7d1b895af9181.jpg)
![](https://kohsantepheapdaily.com.kh/wp-content/uploads/2024/05/6bf9cbaf8fd89ebf223bd459b2eda6a3.jpg)
![](https://kohsantepheapdaily.com.kh/wp-content/uploads/2024/05/3f1d31048617554ef9232bf241b02ce6.jpg)
![](https://kohsantepheapdaily.com.kh/wp-content/uploads/2024/05/fe59a29466ed5bc59fd00a3ec2aea0af.jpg)
ចែករំលែកព័តមាននេះ