ព្រះមេគណខេត្តជួយសាងសង់ផ្ទះឲ្យពលរដ្ឋក្រីក្រដែលអគ្គីភ័យឆាបឆេះអស់
- កំពង់ចាម
ខេត្តកំពង់ចាម ៖ ផ្ទះឈើរបស់បុរសពោះម៉ាយម្នាក់ឈ្មោះ អឿ យឿន អាយុ៧០ឆ្នាំ មានជីវភាព ខ្វះខាតស្ថិតនៅភូមិកន្លែងរុន ឃុំរាយប៉ាយ ស្រុកកងមាស…
ខេត្តកំពង់ចាម ៖ ផ្ទះឈើរបស់បុរសពោះម៉ាយម្នាក់ឈ្មោះ អឿ យឿន អាយុ៧០ឆ្នាំ មានជីវភាព ខ្វះខាតស្ថិតនៅភូមិកន្លែងរុន ឃុំរាយប៉ាយ ស្រុកកងមាស…
ខេត្តកំពង់ចាម ៖ ផ្ទះឈើរបស់បុរសពោះម៉ាយម្នាក់ឈ្មោះ អឿ យឿន អាយុ៧០ឆ្នាំ មានជីវភាព
ខ្វះខាតស្ថិតនៅភូមិកន្លែងរុន ឃុំរាយប៉ាយ ស្រុកកងមាស ត្រូវបានអគ្គីភ័យឆាបឆេះខ្ទេចដោយមិនមានមានលទ្ធភាពសាងសង់នោះទេ ។ ចំណែកកូនៗវិញបានចេញពីផ្ទះទៅរកស៊ីនៅស្រុកឆ្ងាយដើម្បីយកលុយមកសង់ថ្លៃជំពាក់គេ ។
ព្រះឧត្តមប្រីយ៏ជា អន ធានអាន ព្រះសាកលវិទ្យាធិការ និងជាព្រះមេគណខេត្តមានថេរដីកាឲ្យដឹងនៅល្ងាចថ្ងៃទី៩ មករា ថាឧបាសកពោះម៉ាយខាងលើនេះបានដាំបាយនៅពេលព្រឹកព្រលឹមនាពេលកន្លងមកដោយមិនបានពន្លត់ភ្លើងឲ្យអស់នោះទេគឺទុករងើកភ្លើងខ្លះដើម្បីផ្ងំបាយឲ្យឆ្អិនល្អហើយក៏ចេញពីផ្ទះយកគោទៅរកស្មៅគោនៅក្រោយភូមិបាត់លុះនៅវេលាម៉ោង៩ព្រឹកថ្ងៃទី១៩ ខែធ្នូ ឆ្នាំ២០១៧ ស្រាប់តែរងើកភ្លើងបានប៉ើងក៏បណ្តាលឲ្យរាលឆេះពីចង្ក្រានបាយមកផ្នែកខាងមុខបណ្តាលឲ្យភ្លើងឆេះសន្ធោរសន្ធៅអស់តែម្តង ។
ព្រះមេគណខេត្តមានថេរដីកាបន្តថា នៅក្នុងថ្ងៃកើតហេតុនោះព្រះអង្គបាននិមន្តទៅវត្តទួលបីនៅឃុំរាយប៉ាយ ពិនិត្យមើលផ្លូវ១ខ្សែមានប្រវែង៣២០០ម៉ែត្រ និងសាលាបាលី១ខ្នងដែលបានសាងសង់ជិតរួចរាល់ និងត្រៀមសម្ពោធក្នុងពេលខាងមុខ ។
ហើយក៏ត្រូវបានពុទ្ធបរិស័ទចំណុះជើងវត្តបានឲ្យដំណឹងមកព្រះអង្គ ទើបមានក្តីអាណិតអាសូរចំពោះឧបាសក អឿ យឿន ដែលមានជីវភាពខ្វះខាត និងមានថវិការសាងសង់ឡើងវិញនោះទេ ទើបព្រះអង្គបាននិមន្តមកកាន់វត្តជ្រោយថ្ម ស្ថិតនៅសង្កាត់បឹងកុក ក្រុងកំពង់ចាម ។ ដោយបានបិណ្ឌបាតពីសប្បុរសជនបានបច្ច័យសម្រាប់ទិញឈើ និងដែកស័ង្កសី និងត្រូវឲ្យជាងលើកផ្ទះឡើងនៅព្រឹកថ្ងៃទី១០ ខែមករា ឆ្នាំ២០១៨ នេះជាមួយនោះក៏នឹងបានជួយដល់ពុទ្ធបរិស័ទផ្សេងទៀតជាហូរហែរដែលមានជីវភាពខ្វះខាត ។
លោក មឿន ផា អភិបាលស្រុកកងមាសវិញមានប្រសាសន៏ឲ្យដឹងដែរថា នៅក្រោយហេតុការណ៏គ្រោះអគ្គីភ័យខាងលើនោះត្រូវបានព្រះគ្រូមេគណខេត្តបាននិមន្តទៅដល់មុនរូបលោកទៅទៀតព្រមទាំងបានយកសម្ភារផ្សេងទៅជូនម្ចាស់ផ្ទះដែលខ្វះខាតហើយខាងកាកបាទក្រហមស្រុកក៏បានយករៀបការងារតាមក្រោយ ។
នៅក្នុងស្រុកកងមាសមិនត្រឹមតែព្រះមេគណខេត្តបានជួយដល់ម្ចាស់ផ្ទះខាងលើនេះទេ គឺបានជួយមានទាំងពុទ្ធចក្រ និងអាណាចក្រ ក្នុងនាមអាជ្ញាធរខេត្តពិតមានក្តីរំភើបសប្បាយរីករាយ និងសន្តានចិត្តរបស់ព្រះមេគណខេត្តហើយមានជំនឿថា ព្រះអង្គ និងបន្តជួយដល់ស្រុករបស់លោកបន្តទៀតដែលជាការងារសប្បរសធម៌ជួយដល់សង្គមជាតិ ៕
ចែករំលែកព័តមាននេះ