ញើស និងការមានក្លិនខ្លួន កើតឡើងនៅពេលណាដែលអ្នកហាត់ប្រាណ ឬធ្វើការខ្លាំង អ្នកស្ថិតក្នុងស្ថានភាពក្តៅ ឬមានអារម្មណ៍ភ័យខ្លាច,ថប់បារម្ភ និងមានភាពតានតឹងអារម្មណ៍(stress) ។ ប៉ុន្តែការបែកញើស និងមានក្លិនខ្លួនបែបនេះ…
ញើស និងការមានក្លិនខ្លួន កើតឡើងនៅពេលណាដែលអ្នកហាត់ប្រាណ ឬធ្វើការខ្លាំង អ្នកស្ថិតក្នុងស្ថានភាពក្តៅ ឬមានអារម្មណ៍ភ័យខ្លាច,ថប់បារម្ភ និងមានភាពតានតឹងអារម្មណ៍(stress) ។ ប៉ុន្តែការបែកញើស និងមានក្លិនខ្លួនបែបនេះ គឺជារឿងធម្មជាតិ និងធ្វើឲ្យអ្នកមានសុខភាពល្អ ។ បែកញើសគ្រាន់តែជាផលប៉ះពាល់ដ៏តូចមួយប៉ុណ្ណោះ ។
ប៉ុន្តែក្លិនខ្លួនវិញ ជាបញ្ហាធំដែលយើងគួរតែចាប់អារម្មណ៍ ។ ទោះបីជាញើសមិនមានក្លិនក្តី ប៉ុន្តែញើសជួនកាលក៏អាចបង្កឲ្យមានក្លិនមិនល្អ នៅពេលដែលវាត្រូវបានប៉ះនឹងបាក់តេរីនៅលើស្បែករបស់អ្នក ។
វាជារឿងមួយអាចគួរឲ្យបារម្ភបើសិនជាមានការប្រែប្រួលមិនធម្មតានៃការចេញញើស(ការចេញញើសច្រើនពេក ឬការមានញើសតិចបេក ឬក៏គ្មានការចេញញើសសោះ) ។ ដូចគ្នាដែរ,ចំពោះការផ្លាស់ប្តូរក្លិនខ្លួនវិញ ក៏អាចជាបញ្ហាសុខភាពផងដែរ ។
ការរៀបចំជីវិតរស់នៅ និងការព្យាបាលនៅផ្ទះ អាចព្យាបាលរោគសញ្ញារបស់អ្នកបានយ៉ាងមានប្រសិទ្ធភាពខ្ពស់ ក្នុងករណីដែលអ្នកមានញើស និងមានក្លិនខ្លួនធម្មតា ។ ប៉ុន្តែក្នុងករណីខ្លះ ការប្រើប្រាស់ថ្នាំប្រឆាំងនឹងការចេញញើស និងថ្នាំបំបាត់ក្លិនវាជារឿងចំបាច់ ។ មនុស្សដែលមានសុខភាពល្អ គឺអាចបែកញើស ប៉ុន្តែតើបែកញើសនៅពេលណា, ទីកន្លែងណា និងប៉ុន្មាននោះវាខុសប្លែកគ្នាពីមនុស្សម្នាក់ទៅម្នាក់ទៀត ។
មូលហេតុដែលឲ្យមនុស្សចេញញើសរួមមាន៖
1.ការលេងកីឡា ជាពិសេសកីឡាណាដែលប្រើកម្លាំងខ្លាំង
2.អាកាសធាតុក្តៅ
3.ការភយ័ខ្លាច, ថប់បារម្ភ និងភាពតានតឹងអារម្មណ៍ (stress)
ការបែកញើសដែលបង្កឡើងដោយអារម្មណ៍ភាគច្រើនវាលេចចេញនៅលើមុខ,ក្លៀក,បាតដៃ និងបាតជើង ។ ប៉ុន្តែការបែកញើសប៉ុនណានិងក្លិនញើសអាចនឹងបណ្តាលមកពីអារម្មណ៍,ចំណីអាហារ,ថ្នាំមួយចំនួន និងកម្រិតនៃអ៊័រម៉ូន។ ប៉ុន្តែជាងនេះទៀតនោះ គឺថាវាហាក់ដូចជាអយុតិ្តធម៌បន្តិចដែលមនុស្សខ្លះបែកញើសខ្លាំងពីកំណើតមកតែម្តង ពិសេសនៅបាតដៃ និងបាតជើង ។
ដោយសារតែមិនអាចកំណត់នូវនិយមន័យច្បាស់លាស់អំពីញើស និងក្លិនខ្លួនធម្មតាបាន,ដូចនេះអ្នកត្រូវព្យាយាមស្គាល់នូវអ្វីដែលជាភាពធម្មតារបស់អ្នក ។ ការធ្វើដូចនេះអាចជួយអ្នកដឹងបាននៅពេលមានអ្វីផ្លាស់ប្តូរខុសធម្មតា ។
សូមទាក់ទងទៅគ្រូពេទ្យ ប្រសិនបើអ្នកមានបញ្ហាដូចខាងក្រោម៖
1.អ្នកចាប់ផ្តើមបែកញើសច្រើន ឬតិចខុសពីធម្មតាភ្លាមៗតែម្តង ។
2.ញើសរំខានដល់ជីវិតប្រចាំថ្ងៃរបស់អ្នក ។
3.បែកញើសពេលយប់ដោយគ្មានហេតុផល។
4.អ្នកចាប់ផ្តើមមានអារម្មណ៍ថាមានការប្រែប្រួលក្លិនខ្លួនរបស់អ្នក ដែលការផ្លាស់ប្តូរក្លិនខ្លួននេះ អាចជាសញ្ញាមួយចំនួនដែលទាក់ទងទៅនឹងជំងឺមួយចំនួនដូចជា ទឹកនោមផ្អែម និងខ្សោយតម្រងនោម ។
ការបែកញើសកើតឡើងរបៀបណា?
មូលហេតនៃការបែកញើស និងក្លិនខ្លួនបណ្តាលមកពីប្រពន្ធ័និយ័តកម្មកម្តៅក្នុងខ្លួនរបស់អ្នក ជាពិសេសក្រពេញញើសរបស់អ្នក ។ ញើសអាចរក្សាកម្តៅក្នុងខ្លួនរបស់អ្នក,ឲ្យស្បែកមានសំណើម,ឲ្យមានលំនឹងរវាងជាតិទឹក និងអេឡិចត្រូលីតដែលជាសារធាតុគីមីមួយចំនួននៅក្នុងខ្លួនរបស់អ្នកដូចជា សូដ្យូម និងកាល់ស្យូម ។
ស្បែករបស់អ្នកមានក្រពេញញើស២ប្រភេទ៖ ក្រពេញញើសអ៊ិចគ្រីន (eccrine) និងក្រពេញញើសអាប់ប៉ូគ្រីន (apocrine) ។ ក្រពេញញើសអ៊ិចគ្រីន ជាក្រពេញញើសមួយដែលមានច្រើននៅក្នុងខ្លួនរបស់យើង ហើយវាមានសកម្មភាពផ្ទាល់ទៅលើផ្ទៃនៃស្បែក ។ រីឯក្រពេញញើសអាប់ប៉ូគ្រីនវិញ ស្ថិតនៅកន្លែងណាដែលសំបូរទៅដោយរោម ដូចជាស្បែកក្បាល,ក្លៀក និងក្រលៀន ដែលវាមានសកម្មភាពទៅតាមរោមសិន មុននឹងវាបញ្ចេញទៅលើផ្ទៃនៃស្បែក ។
នៅពេលដែលកម្តៅក្នុងខ្លួនរបស់អ្នកកើនឡើង,ប្រពន្ធ័ប្រសាទស្វយ័តរបស់អ្នកបានភ្ញោចទៅលើក្រពេញញើសអ៊ិចគ្រីន ដើម្បីបញ្ចេញទឹកមកលើផ្ទៃស្បែករបស់អ្នក ។ ទឹកដែលចេញមកនេះគេហៅថា ញើសដែលមានធាតុផ្សំនៃទឹក និងអំបិល(សូដ្យូមក្លរីត) និងអេឡិចត្រូលីតតិចតួច ដែលអេឡិចត្រូលីតនេះអាចរក្សាលំនឹងជាតិទឹកក្នុងខ្លួនបាន ។
ក្រពេញញើសអាប់ប៉ូគ្រីន,ដែលនៅលើដៃ,បញ្ចេញញើសដែលមានជាតិខ្លាញ់ផ្ទាល់ទៅក្នុងបំពង់នៃក្រពេញ ។ នៅពេលដែលអ្នកមានមានភាពតានតឹងអារម្មន៍ ជញ្ជាំងនៃបំពង់របស់ក្រពេញនឹងកន្ត្រាក់ ដើម្បីបង្ខំឲ្យញើសចេញទៅលើផ្ទៃស្បែក ដែលជាកន្លែងដែលបាក់តេរីកម្ទេចវាចោល ។ បាក់តេរីបំផ្លាញញើសដែលចេញពីក្រពេញញើសអាប់ប៉ូគ្រីននេះហើយដែលបង្កអោយទៅជាក្លិនមិនល្អ ។
ដំណោះស្រាយ
ប្រសិនបើអ្នកព្រួយបារម្ភអំពីកាបែកញើសនិងក្លិនខ្លួន,ដំណោះស្រាយដែលសាមញ្ញនោះ គឺការប្រើប្រាស់ថ្នាំកាត់បន្ថយញើស និងបំបាត់ក្លិនខ្លួន ។
ថ្នាំបំបាត់ញើស៖ថ្នាំបំបាត់ញើសមានផ្ទុកនូវសមាសសធាតុអាលុយមីញ៉ូមដែលរារាំងរន្ធញើសជាបណ្តោះអាសន្ត ដើម្បីកុំឲ្យវាបញ្ចេញ ដូច្នេះវាកាត់បន្ថយការចេញញើសឲ្យទៅដល់ស្បែក ។
ថ្នាំបំបាត់ក្លិនខ្លួន៖ ថ្នាំបំបាត់ក្លិនអាចបំបាត់នៅក្លិនខ្លួន ប៉ុន្តែមិនអាចរារាំងនៃការបញ្ចេញញើសនោះទេ ។ ថ្នាំទាំងនោះមានធាតុផ្សំជាអាកុល ដែលធ្វើឲ្យស្បែកមានជាតិអាស៊ីត ដែលកាត់បន្ថយនូវការមកតោងភ្ជាប់របស់បាក់តេរី។ ថ្នាំបំបាត់ក្លិនជាធម្មតាមានក្លិនក្រអូបនៃទឹកអប់ដែលការពារក្លិនញើស,ប្រើលើដៃ និងក្លៀកផងដែរ ។
ប្រសិនបើការទិញថ្នាំបំបាត់ញើស មិនអាចជួយទប់ស្កាត់ញើសបានទេ,គ្រូពេទ្យអាចឲ្យថ្នាំអាលុយមីញ៉ូម ក្លរីដ (Drysol) ។ ដើម្បីឲ្យបានលទ្ធផលល្អបំផុតនោះ,សូមប្រើប្រាស់ថ្នាំបំបាត់ញើសទៅគ្រប់កន្លែងណាដែលចេញញើសច្រើននៅពេលយប់ ។ មនុស្សមួយចំនួនការប្រើប្រាស់ថ្នាំបំបាត់ញើស ក៏អាចឲ្យមានកន្ទួលក្រហម ហើម និងរមាស់នៅលើស្បែកផងដែរ។ ប្រសិនបើមានការរលាក(irritation)កើtឡើង សូមលាងជម្រះថ្នាំនោះចេញនៅពេលព្រឹក ។
ក្រៅពីនេះ អ្នកអាចកាត់បន្ថយការបែកញើស និងក្លិនខ្លួនរបស់អ្នកដោយខ្លួនអ្នកផ្ទាល់ តាមវិធីដូចខាងក្រោម៖
1.លាងសម្អាតខ្លួនជារៀងរាលថ្ងៃ ការមុជទឹកជាទៀងទាត់ ជាពិសេសជាមួយសាប៊ូកំចាត់មេរោគ អាចជួយកម្ចាត់មេរោគនៅលើស្បែក ។
2.ជូតជើងឲ្យស្ងួតក្រោយពីមុជទឹក មេរោគ រស់នៅក្នុងកន្លែង សើមៗនៅចន្លោះម្រាមជើង។ ប្រើប្រាស់ម្សៅដើម្បីស្រូបញើស ។
3.ជ្រើសរើសស្បែកជើង និងស្រោមជើងដែលផលិតពីវត្ថុធាតុដើមធម្មជាតិ ស្បែកជើងដែលផលិតពីវត្ថុធាតុដើមធម្មជាតិ ដូចជា ស្បែកសត្វ អាចជួយការពារការបែកញើសជើងដោយសារការមានខ្យល់ចេញចូល ។
4.ការផ្លាស់ប្តូរស្បែកជើង ស្បែកជើងមិនអាចស្ងួតតែរយៈពេលមួយយប់នោះទេ ដូច្នេះកុំប្រើប្រាស់ស្បែកជើងដដែលក្នុងរយៈពេល២ថ្ងៃប្រសិនបើអ្នកមានបញ្ហាជើងចេញញើស។
5.ពាក់ស្រោមជើងឲ្យត្រឹមត្រូវ ស្រោមជើងខ្លះអាចជួយឲ្យជើងអ្នកស្ងួត ពីព្រោះពួកវាស្រូបសំណើម ពិសេសស្រោមជើងធ្វើពីក្រណាត់ឡែន ។
6.ឧស្សាហ៍ផ្លាស់ប្តូរស្រោមជើង ការផ្លាស់ប្តូរស្រោមជើងម្តង ឬពីដងក្នុងមួយថ្ងៃ ការជូតជើងឲ្យស្ងួតជារៀងរាល់ពេល ។
7.ឲ្យជើងមានខ្យល់ចេញចូល ដើរជើងទទេពេលដែលអ្នកអាច ឬក៏យ៉ាងហោចណាស់ដោះស្បែកជើងរបស់អ្នកឥឡូវនេះ ហើយពាក់ស្បែកជើងសង្រែក ។
8.ជ្រើសរើសសាច់ក្រណាត់ដែលអាចឲ្យស្បែករបស់អ្នកមានខ្យល់ឆ្លងកាត់ ។
9.ប្រើប្រាស់ថ្នាំបំបាត់ញើសនៅពេលយប់ ប្រើប្រាស់ថ្នាំបំបាត់ញើសនៅលើបាតដៃ ឬក៏បាតជើង នៅពេលដែលអ្នកចូលគេង ឬសាកប្រើទឹកអប់ប្រឆាំងនឹងការចេញញើស ។
10.សាកល្បងប្រើវិធីសាស្ត្របន្ឋូរអារម្មណ៍តាមរយ:ការហាត់ប្រាណយូហ្កាជាដើម ។
11.ការផ្លាស់ប្តូរអាហារ ប្រសិនបើចំណីអាហារ ឬក៏៏ភេសជ្ជៈ ធ្វើឲ្យអ្នកមានញើសខុសពីធម្មតា ឬក៏ញើសធ្វើឲ្យមានក្លិនខ្លួន សូមពិចារណា កុំពិសាអាហារណាដែលមានជាតិកាហ្វេអ៊ីន ព្រមទាំងអាហារណាដែលមានក្លិនខ្លាំង រួមមានខ្ទឹមស និងខ្ទឹមបារាំងជាដើម៕
ចែករំលែកព័តមាននេះ