អស់រយៈពេល១០ឆ្នាំមកហើយ ដែលប្រជាជនអាមេរិកជាច្រើននាក់ ងាកមកប្រើខ្លាញ់ត្រី Omega-3 ជាអាហារបំប៉ន ។ អាហារបំប៉នទាំងនេះជួយដាសតឿនដល់ការចិញ្ចឹមរាងកាយបានតាមរយៈខ្លាញ់ Omega-3 នេះ ។ របបអាហារជាសាច់ត្រី និងអាហារបំប៉នជាខ្លាញ់ត្រីគឺមានអត្ថប្រយោជន៍ច្រើនសម្រាប់សុខភាពមនុស្ស ហើយវាក៏ជំនួយទៅដល់ជំងឺបេះដូង-សរសៃឈាមផងដែរ ។
ខ្លាញ់ Omega-3 មានផ្ទុកទៅដោយ Docosahexaenoci Acid (DHA) និង Eicosapentaenoic Acid (EPA) ហើយវាមានសារសំខាន់ណាស់ក្នុងការបង្ការ និងគ្រប់គ្រងជំងឺបេះដូង-សរសៃឈាម ។
ការរកឃើញបានបង្ហាញថាខ្លាញ់ត្រី Omega-3 ប្រហែលជាជំនួយទៅដល់៖
•បញ្ចុះសម្ពាធឈាម
•បន្ថយជាតិខ្លាញ់ Triglycerides
•ពន្យឺតនូវការករកើតកំនរឈាមនៅក្នុងសរសៃឈាមអាក់ទែរ
•បន្ថយចង្វាក់បេះដូងដើរមិនធម្មតា
•កាត់បន្ថយការកើតជំងឺគាំងបេះដូង និងដាច់សរសៃឈាមខួរក្បាល
•បន្ថយនូវឱកាសនៃការស្លាប់ ភ្លាមៗចំពោះមនុស្សដែលមានជំងឺបេះដូង
តើត្រូវទទួលទានខ្លាញ់ត្រី Omega-3 ប៉ុន្មានទើបមានសុវត្ថិភាព ?
បើយោងទៅតាមរដ្ឋបាលចំណីអាហារ និងឱសថឲ្យដឹងថា ការទទួលស្គាល់ទូទៅដើម្បីសុវត្ថិភាព (Generally Recognized As Safe, GRAS) បានកំណត់ថា ការបរិភោគខ្លាញ់ត្រីនេះជារៀងរាល់ថ្ងៃគឺមិនឲ្យលើសពី៣ក្រាមនោះទេ ។
តើខ្លាញ់ត្រី Omega-3 មានផលប៉ះពាល់អ្វីដែរទេ?
ផលប៉ះពាល់របស់វារួមមាន៖
•មាត់ធុះក្លិនត្រី
•ដកដង្ហើមមកមានក្លិនត្រី
•ឈឺក្រពះ
•លាមកទន់
•ចង្អោរ
ការដែលបរិភោគខ្លាញ់ត្រីជាប្រចាំថ្ងៃលើសពី ៣ក្រាមប្រហែលប្រឈមមុខខ្លាំងនឹងការហូរឈាម ។ ក្នុងកម្រិតខ្លាញ់ត្រីខ្ពស់ពេក ក៏ប្រហែលជាធ្វើឲ្យរាំងស្ទះនូវមុខងាររបស់ប្រព័ន្ធភាពស៊ាំអ្នកបាន ។
ប្រសិនបើអ្នកចង់បរិភោគខ្លាញ់ត្រី Omega-3 ច្រើន ចូរទៅពិគ្រោះជាមួយគ្រូពេទ្យជាមុនសិន ។ គ្រូពេទ្យអាចនឹងណែនាំនូវរបៀបបញ្ចូលខ្លាញ់ត្រី Omega-3 ទៅក្នុងរបបអាហាររបស់អ្នក ។ ជាមួយគ្នានេះដែរ គ្រូពេទ្យរបស់អ្នកអាចតាមដានរាល់បញ្ហាសុខភាពរបស់អ្នក ប្រសិនបើអ្នកទទួលទានខ្លាញ់ត្រីក្នុងកម្រិតតខ្ពស់ ។
តើមានអនុសាសន៍អ្វីសម្រាប់ឲ្យទទួលទានខ្លាញ់ត្រី Omega-3បាន?
នេះគឺជាការណែនាំរបស់សមាគមន៍ជំងឺបេះដូងសហរដ្ឋអាមេរិក៖
•ចូរបរិភោគត្រីគ្រប់ប្រភេទឲ្យបានតិចបំផុត ២ដងក្នុងមួយសប្តាហ៍ ។ របបអាហារត្រីមានខ្លាញ់រួមមាន ត្រី Tuna, ត្រី Mackerel ត្រីសាម៉ុង និងត្រី Herring ។
•ប្រសិនបើអ្នកមានជំងឺបេះដូង ចូរទទួលទានខ្លាញ់ត្រី Omega-3 ឲ្យបាន១ក្រាមជារៀងរាល់ថ្ងៃ ។ ការធ្វើដូច្នេះអាចយកពីត្រី ឬអាហារបំប៉នណាមួយក៏បានដែរ ។
•ប្រសិនបើអ្នកមានកំរិតជាតិខ្លាញ់ Triglycerides ខ្ពស់ ចូរបរិភោគខ្លាញ់ត្រី Omega-3 អោយបាន ២ ទៅ៤ក្រាមក្នុងមួយថ្ងៃ ។
ខណៈពេលដែលខ្លាញ់ត្រី Omega-3 អាចជួយបន្ថយការឡើងសម្ពាធឈាមខ្ពស់ ខ្លាញ់ Triglyceride និងការស្លាប់ ភ្លាមៗ ដោយសារជំងឺបេះដូង វាក៏នៅតែមានផលប្រយោជន៍ផ្សេងៗទៀតផងដែរ ។ ឧទាហរណ៍ ការបន្ថែមនូវជាតិខ្លាញ់ Omega-3 ទៅក្នុងម្សៅទឹកដោះគោកូនក្មេង គឺមានប្រយោជន៍ដ៏ធំធេងសំរាប់ការលូតលាស់ និងរីកចំរើនជាធម្មជាតិរបស់ទារក ៕
ចែករំលែកព័តមាននេះ