ខេត្តព្រះសីហនុ ៖ មនុស្សប្រុស-ស្រីចំនួន៤នាក់ ជាបុគ្គលិកទូរស្សន៍អប្សរា ត្រូវបានរងរបួសធ្ងន់-ស្រាល ក្នុងហេតុការណ៍គ្រោះថ្នាក់ចរាចរណ៍ដ៏រន្ធត់មួយ កើតឡើងកាលពីវេលាម៉ោង០៦ និង២០នាទីព្រឹកថ្ងៃទី២៦ ធ្នូ ស្ថិតតាមបណ្តោយផ្លូវជាតិលេខ៤…
ខេត្តព្រះសីហនុ ៖ មនុស្សប្រុស-ស្រីចំនួន៤នាក់ ជាបុគ្គលិកទូរស្សន៍អប្សរា ត្រូវបានរងរបួសធ្ងន់-ស្រាល ក្នុងហេតុការណ៍គ្រោះថ្នាក់ចរាចរណ៍ដ៏រន្ធត់មួយ កើតឡើងកាលពីវេលាម៉ោង០៦ និង២០នាទីព្រឹកថ្ងៃទី២៦ ធ្នូ ស្ថិតតាមបណ្តោយផ្លូវជាតិលេខ៤ ចន្លោះគីឡូម៉ែត្រ១៩៩-២០០ ក្នុងភូមិអូរតាសេក ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ ។
បើតាមសមត្ថកិច្ចឱ្យដឹងថា គ្រោះថ្នាក់ចរាចរណ៍នេះកើតឡើងរវាងរថយន្តមួយគ្រឿងម៉ាក HYUNDAI ពណ៌.ស ពាក់ស្លាកលេខភ្នំពេញ 3A-5998 (មានដឹកទំនិញ) ដោយធ្វើដំណើរពីខេត្តព្រះសីហនុ ឆ្ពោះទៅ រាជធានីភ្នំពេញ ។ លុះបើកមកដល់ចំណុចខាងលើ ក៏បានបុកនឹងជាមួយរថយន្តមួយគ្រឿងជាក្រុមបុគ្គលិកទូរទស្សន៍អប្សរា ពណ៌.ស ពាក់ស្លាកលេខភ្នំពេញ 2x-6815 មានមនុស្សជិះចំនួន៤នាក់ (ស្រី១) ពេលកំពុងបើកបញ្ច្រាសទិសគ្នា ។
ប្រភពឱ្យដឹងទៀតថា គ្រោះថ្នាក់នេះបណ្ដាលឱ្យរងរបួសមនុស្សចំនួន៤នាក់ (ស្រី១នាក់) តែមិនទាន់ស្គាល់នោះទេនោះ ដោយត្រូវបានបញ្ជូនទៅព្យាបាលនៅគ្លីនិកវាលរេញ ។ ក្រោយមក ដឹកបញ្ជូនបន្តទៅរាជធានីភ្នំពេញ ។ ចំពោះរថយន្តទាំង២គ្រឿង ត្រូវបានយកមករក្សាទុកនៅអធិការដ្ឋាននគរបាលស្រុកព្រៃនប់។
ប្រភពចុងក្រោយថា ភាគីទាំងពីរបានដោយស្រាយភ្លាមៗ នៅចំពោះមុខសមត្ថកិច្ច ដើម្បីបញ្ចប់រឿង ។
ចែករំលែកព័តមាននេះ