មាស អា​លី​ស ​ជួបរឿង​រន្ធត់​ពេល​លោក​ឪពុក​ទៅ​បាត់​ទាំង​តក់ក្រហល់​


រាជធានី​ភ្នំពេញ ៖ តារាចម្រៀង​បែប​មនោសញ្ចេតនា​ សំឡេង​ពី​រោះ​ ទើប​មាន​គេ​ចាប់​អារម្មណ៍ ​មាស អា​លី​ស បាន​ជួប​រឿងរ​ន្ធត់​ក្នុង​ចិត្ត​រហូត​ស្ទើរតែ​ទប់ចិត្ត​មិន​បាន ​គ្រា​ដែល​លោកឪពុក​ជាទី​ស្រឡាញ់​ជា​បង្គោលគ្រួសារ​ម្នាក់​​បាន​ទទួលមរណ​ភាព​ បន្ទាប់​មិន​អាច​តតាំង​នឹង​ជំងឺ​ធ្ងន់​បាន​។

ក្នុង​ពេល​ដែល​លោកឪពុក​រង​នូវ​ជំងឺ​ គេ​ឃើញ​តារាចម្រៀង​ស្រគត់ស្រគំ​ មាស អា​លី​ស​ចេញ​ទៅ​ណា​មក​ណា​អារម្មណ៍​សែន​ចំបែង​​មិន​នឹងន​ឡើយ​ ព្រោះ​នឹក​បារ​ម្ភអ្នក​មាន​គុណ​។​ អា​លី​ស ​រមែង​បន់ស្រន់​សំពះ​ទេវតា​វត្ថុ​ស័ក្តិ​សិ​ទ្ឋិ​ទាំងឡាយ​ធ្វើ​យ៉ាងណា​ឱ្យ​អាយុ​ជីវិត​ឪពុក​បាន​បន្ត​រស់រាន​រឹង​មាំ​មើល​កូនចៅ​។ ​ប៉ុន្តែ​ទីបំផុត​ម​ច្ចុ​រាជ​នៅ​តែ​ផ្តាច់​យក​អ្នក​មាន​គុណ​ទៅ​ បន្សល់​នូវ​ភាព​សោកស្តាយ ​អាឡោះអាល័យ ​និង​សល់​តែ​ស្នាម​អតីត​កាល​តែ​ប៉ុណ្ណោះ​។

អ្នក​នាង ​មាស អា​លី​ស បាន​និយាយ​ថា ឳ​ពុក​របស់​នាង​បាន​ទទួលមរណភាព ដោយ​សារ​​សម្ពាធ​ឈាម​ឡើង​​ខ្លាំង ហើយ​គាប់​ជួន​ជា​លោក​ក៏​មាន​បញ្ហា​បេះដូង ធ្វើទុក្ខ​ស្របគ្នា​នោះ​ផង ទើប​ធ្វើ​ឲ្យ​លោក​ត្រូវ​បាត់បង់​ជីវិត​យ៉ាង​រន្ធត់ ដោយ​ធ្វើ​ឲ្យ​នាង​ក្ដុកក្ដួល​យ៉ាង​ខ្លាំង។

អ្នក​នាង​បន្ត​ថា ឳពុក​របស់​ខ្លួន គឺជា​មនុស្ស​សំខាន់ និង​ជា​ជំហរ​គ្រួសារ​នា​ពេល​កន្លង​មក តែ​ដោយសារ​តែ​លោក​មាន​ជំងឺ​ប្រចាំ​កាយ ទើប​បន្ទុកគ្រួសារ​ត្រូវ​ធ្លាក់​លើ​នាង និង​បងប្អូន​ផ្សេង​ទៀត​។

អ្នក​នាង​បន្ត​ទៀត​ថា ឳ​ពុក​របស់​នាង មានឈ្មោះ​ថា ស៊ិ​ន សេ​ដា អាយុ​៦៥​ឆ្នាំ ដោយ​មុន​ទទួល​មរណភាព​ជំងឺ​របស់​លោក ក៏បាន​ធ្វើទុក្ខ ហើយ​ត្រូវ​បាន​បញ្ជូន​ទៅ​សង្គ្រោះ​បន្ទាន់​នៅ​​ក្នុង​មន្ទីរពេទ្យ​ប៉ុន្មាន​ថ្ងៃ​ដែរ​ ​។

ហើយ​កាលពី​យប់​ថ្ងៃ​១៩ ធ្នូ ឳ​ពុក​បង្កើត​របស់​តារា​ចម្រៀង ​មាស អា​លី​ស បាន​ទទួល​មរណភាព​យ៉ាង​រន្ធត់​វេលា​ម៉ោង​៩​និង​៣០​នាទី ។ នេះ​ជា​ការ​បាត់បង់​សមាជិក​ដ៏​សំខាន់ នៅ​​ក្នុង​ជីវិត​របស់​តារា​ស្រី​រូប​នេះ ដោយ​អ្នក​នាង​ប្រកាស​ថា រន្ធត់​ណាស់ ក្នុង​ពេល​ឳ​ពុក​បង្កើត ស្រាប់តែ​ត្រូវ​បាត់បង់​ជីវិត​យ៉ាង​តក់ក្រហល់​បែប​នេះ​។

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

សិល្បៈ​និងវប្ប​​​ធម៌

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ