រាជធានីភ្នំពេញ ៖ ទីតាំងកត់ឆ្នោតកំប៉ិកកំប៉ុកមួយកន្លែងនៅក្នុងផ្សារសែនសុខ សង្កាត់ឃ្មួញ ត្រូវ កម្លាំងនគរបាលខណ្ឌសែនសុខ សហការណ៍ជាមួយកម្លាំងប៉ុស្តិ៍នគរបាលរដ្ឋបាលសង្កាត់ឃ្មួញ ចុះបង្ក្រាបដោយឃាត់ខ្លួន ប្តីប្រពន្ធជាអ្នកកត់២នាក់។ ការបង្ក្រាបល្បែងស៊ីសងនេះកាលពីម៉ោង៣រសៀលថ្ងៃទី២០ ខែធ្នូ ឆ្នាំ២០១៧នេះ តាមបញ្ជាពីលោក វរៈសេនីយ៍ទោ ហួរ ម៉េងវ៉ាង អធិការនគរបាលខណ្ឌខណ្ឌសែនសុខ ទើបឡើងថ្មី។ ជនសង្ស័យ ដែលត្រូវឃាត់ខ្លួន ទី១.ឈ្មោះ នូ សុធា អាយុ៣៧ឆ្នាំ ជាប្តី និងទី២.ឈ្មោះ នុត ទូច អាយុ៣៥ឆ្នាំ ជាប្រពន្ធ អ្នកទាំង២នាក់ស្នាក់នៅភូមិសែនសុខ១ សង្កាត់ឃ្មួញ ខណ្ឌសែនសុខ។
ប្រត្តិបត្តិការខាងលើនេះ សមត្ថកិច្ចដកហូតបានក្រដាសកត់កន្ទុយលេខមួយចំនួន និងប្រាក់រៀលមួយចំនួនផងដែរ។ ការបង្រាបល្បែងឆ្នោតនោះត្រូវបានគេដឹងថា បង្ក្រាបដើម្បីឲ្យគេស្គាល់ តែប៉ុណ្ណោះ។ តាមព័ត៌មានឲ្យដឹងថា នៅក្នុងខណ្ឌសែនសុខ ត្រូវបានគេដឹងថា នៅមានទីតាំងកត់ឆ្នោតជាច្រើនកន្លែងទៀត នៅតាមផ្សារនានា ដូចជាផ្សារដីហុយ និងផ្សារបឹងបៃតង ជាដើម ដែលកត់ឲ្យមេឆ្នោតដ៏ល្បី ឈ្មោះលីន និងឈ្មោះឡា។ មេឆ្នោតនេះមានឥទ្ធិពលណាស់ត្រូវគេដឹងថា មានកូនកញ្ច្រែងជាច្រើននាក់។ បើអ្នកណាមិនកត់ឲ្យ បានគឺខ្ចីដៃសមត្ថកិច្ចឲ្យចុះបង្ក្រាបតែម្តង៕
ចែករំលែកព័តមាននេះ