«BBC»កាលពីពេល ថ្មីៗកន្លងមកផ្សាយថា តុលាការអេហ្ស៊ីបសម្រេចដាក់គុកតារាចម្រៀងម្នាក់រយៈពេល២ឆ្នាំ ពីបទបង្ហាញភាពអាសអាភាស ខណៈគ្រងឈុតសិចស៊ី ។
នាងបានបង្ហាញកាយវិការទទួលទានចេកក្នុងបែបស្រើបស្រាលនៅក្នុងវីដេអូឃ្លីប ។
នាង Shima Ahmed ជាតារាចម្រៀងអាយុ២៥ឆ្នាំ ត្រូវចាប់ខ្លួនកាលពីខែមុន ក្រោយពីវីដេអូនោះបង្កការមិនពេញចិត្តដល់ក្រុមអភិរក្សនៅក្នុងប្រទេស ។
សារព័ត៌មានក្នុងស្រុកកាលពីថ្ងៃទី១២ ធ្នូ ២០១៧ ផ្សាយថានាង Shima Ahmed រងការចោទប្រកាន់បង្ហាញភាពអាសអាភាស និងផ្សព្វផ្សាយតាមវីដេអូឃ្លីប ។ ចំណែកអ្នកកាត់តវីដេអូនោះមានទោសជាប់គុក២ឆ្នាំដែរ ។
នៅមុនពេលត្រូវចាប់ខ្លួននាង Shima Ahmed បានសុំទោសដល់អ្នកគាំទ្រ និងពលរដ្ឋទូទាំងប្រទេសដែលមិនពេញចិត្តវីដេអូឃ្លីបនោះ ហើយបានទទួលស្គាល់ថានាងនាំយករូបភាពអាសអាភាសបង្ហាញជាសាធារណៈ ។
កាលពីឆ្នាំមុនតុលាការអេហ្ស៊ីបទើបដាក់ទោសឱ្យជាប់គុក៦ខែដល់នារីអ្នករបាំ៣នាក់ ក្រោយពីសម្រេចថា ពួកគេមានកំហុសទាក់ទាញអារម្មណ៍ជាលក្ខណៈអាសអាភាសនៅក្នុងវីដេអូឃ្លីប ។ លើសពីនេះនៅមានអ្នកចម្រៀងម្នាក់ទៀតដែលបំផុសដល់មហាជនគួរឱ្យភ័យខ្លាច ក្រោយពីនិយាយថា ប្រសិនបើនរណាម្នាក់ផឹកទឹកទន្លេ «Nile»អាចធ្លាក់ខ្លួនឈឺ ៕
ចែករំលែកព័តមាននេះ